أيه آشعر ﺑ وحدتك وأستنطق جروحك
من يستحق إنه يكون .. الوفي فيهم ؟

اللي من أول .. تقدمهم على روحك
اليوم ( راحو و خلوا لك كراسيهم )

رمّض الصمت : ياقيظ الكلام وجفافه
مابقى للهبايب .. غير وجه السوافي

والله ان القصيد .. اللي مشى درب قافه
مايبرّد على قلبٍ مشى العمر : حافي

وجودي وجود الشايب اللي سمعت بكآه ؟
نهار العزى من بعد قفوا معزينـه
اذا أقبـل عليه الناس .. عـود على مركاه
.واذا روحوا غطى نواصيه بأيدينه”

من اللي يبا يقنعك وإلا تصدق من
بكذب الظنون اللي لك ايام شايلها
إذا كنت متعود تعامل بسوء الظن
حروف السلام تشك في قصد قايلها

نجرح / نگابر / يأخذ الهجر مُدّه
ونهجر بعضنا والعمر زفرة أنفاس

تعلّمو .. ي أهل القلوب المصدّه ،
لامن دفنتو ميت وشلون الإحساس !!

مَن ظَن فِيْنَا الْطَّيِّب شَافَه ثُبَاتـي
وَالَّلُي هَقَى فِيْنَا الْرَّدَى ضَاع ظَنَّه

كَم مِن صَبـي عَشِقْتـة لِلْبَنَاتـي
عَقِب الْتَعْجُرُف بَدَل الْضَّحِك وَنَه

اثقل ديون الطيب دين الجماله
والذ طعم الطيب طيب المواقيف

وازكى دروب الطيب درب العداله
وابرز صفات الطيب رد المعاريف

واللي تجمل فيك باغلى حلاله
لاتتركه لا عرضنه صواديف

ليش آترجّـى واللّيالـي بخيلـه
وأنا عن المطلوب تقصر حبالـي

وليفك لامنه عاف حبك عليه يبين
لو إنه تودد لك وحلو الكلام اصخاه

وعودٍ لفحه القيض ماعاد حوله لين
لكن لا تجود فـ المقفّي ولا ف رشاه