الصمت عن زلات الاقراب حشمه
والصمت عن زله معاديك حقران

يعني بكل احوالك الصمت حكمه
اما يجيك بربح او منت خسران

الشيخ يخطب ونسمع خطبة الجمعه
‏وليا قضى خطبته صلى وصلينا
‏
‏السالفة ماهي التحضير والجَمعه
‏السالفة خطبته وش غيرت فينا
‏

ما فيه أحـد يبقى معك طول الطـريق
حتـى ظـــلالـك يتـركـك بعـد العصر

احرص على دينـك و هو نعم الصديـق
ينفعـك فـي يـوم القيـامه والحـشـر”

خوت الوافين مطمع وتشرا بالذهب
علم اللي كل ساعه و ناره طافيه

الشجاعه و الكرم و الثقافه و الأدب
تنوجد فالوافي اللي علومه وافيه

لاهزك الشوق وإ ختلت موازينك
تعال وإ قرأ شعوري وآخر ٱشواقي

وإذا خذلوك البشر وأقرب محبينك
تذكر إني علئ عهد الوفا ( باقي )

يالطيف الروح حالي وطاه اللي وطاه
عقب ماغابت نجومك وغاب أهلالها

أحسبني قبل بصبر واثرمابه رواه
طاحت أعزومي وعيني درج همّالها

هاك الغلا والشوق ياشوق مغليك
وهاك النظر والقلب مع كل مافي

تستاهل اكثر من غرامن يسليك
تستاهل اللي يعشقك ميت وحي

جابك الله في ذرى حزني وأنا "
من ورى حزني أضمك و ابتسم

ادري إن الحب مايصلح " لنا "
خلك بجنبي علاقه : بلا اسم !

‏أشد ما بالمفـارق ، وأكبر آفاته
صورنا المضحكه صارت تبكينا

تعبنا نداري : كل خاطر عشان نعيش
و حنّا ندور من يداري ( خواطرنا )

رضينا بواقعنا لكن يازمن بشويش
ترا ما شكينا قسوتك و أنت خابرنا