ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا

وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا

بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا

يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا

تدري متى يلعب بك الفين وسواس
وتحس نفسك فاهم الناس توك

اليا ظلمك انسان كان اقرب الناس
وانصفك شخص تحسب انه عدوك

منزلك عندي شبيه سهيل
ويحرم على واحدِ ثانـي


اذلل النفس لـك تذليـل
واغليك يانور الاعيانـي


ياويل حالي عليكم ويـل
لك زوَد الشوق حرمانـي


أشتاق لك في سكون الليل
واحتاج اضمك بالاحضاني

يقول اللي جرح قلبه حبيبه
وجرب لوعه الحب ولهيبه
الا ياويل منهو عاش مثلي
صويب القلب والحاله تعيبه
سنين اطوال راحت من حياتي
وانا محتار وجروحي عطيبه
اسير بشوق خلٍ مارحمني
ياليت اللي سطا بقلبي يصيبه
تركني وشمت العذال فيني
عنيد الراي مايرحم صويبه

رافق رفيق لاتضايقت يشفيك
ولاتنفع الرفقه على غير فزعات

رافق اصيلن في زمانك يداريك
لاشاف غلطاتك عن الناس غطاك

ادمنت حُبك والبلا في جنانك
وادمنت شوفك يـــا غلا روح غاليك
اشتقتلك يامن يعوض مكانك ؟
متحملن بُعدك ليا مر طاريك

رحتوا بلا موعد على حزه اشروق
مثل السحاب اللي سرتبه هبايب

مرو علينا كل ما جاكم الشوق
حنا على حطت ايدين الحبايب

يا صاحبي والـدرب تطويه الأشـواق
درب الوصـل ، جعله من الغيم يسقا
تعـال .. قبـل السـاق تلتـف بالسـاق
تعبت أطمع فـي المواصيـل وأشقـى

ليتك بقيت هناك مدري عنك ضمن المعجبين
ما حرَّكت ريحك معاليق الغلا بانسامها !

تزفّك احلام الغلا مابين قلب وبين عين
وان جات بي ذكرى غرامك جات بك قدامها