دايـم بدايـات المحبـه ، مثيره
ورسايل الجوال ، تشهد علينا !
.
أول رساله ماهي مثل الأخيره
تدرجـت بـ شويش لين أنتهينا !

الشوق ماهو بوح همس وتعابير
الشوق رعشة خافق ولهفة شعور
.
الشوق لامن هبّ جوّه ترى غير
إحساس طاغي يحرق القلب ويثور

خلي مع البيض مثل سهيل في حله
نجمن ليا بان كل الناس تدري به

ياروح روحي عليك الروح منتله
تل الرشا اللي طويلاتن مجاذيبه

أجي أركض كذا بلهفة ، أدور حضنه أعرف له
بقدم زهرة شعوري .. بها من عطر .. شعراتي



وفستاني دلع وردي .. ( ادور ادور ) واغرف له
جنوني .. لذة احساسي .. براءتها بـ ضحكاتي



شقاوة بنت مجنونة .. أجي حضنه على غفلة !
أداعب شعـري بــخده .. لأنه به .. حكاياتي !



اوشوش له : انا احبك ، انا احبك .. وأحلف له
ويتلون خجل أحمر .. ويفضحني .. بوجناتي



وأحمر شفتي يرسم .. مشاعر حب توصف له
قلب أحمر .. معه حرفين ( أحبك يابعد ذاتي )



هنياله .. مدامه حب .. انثى قلبها : ( طفلة )
أحب الحلم وأغرق به .. وأطيّر له .. فراشاتي

الناس نامت وليل الصمت ياطوله
ومسافة العشق للمشتاق طاويها

قصايد الهمس بالاشواق محموله
ماتوحـي الا بتالي الليل طاريها ..!

يكفي دخيلك حس باللي ترجاك
لا عاش منهو يا حياتي يهينك

تعبت مالي بالهوى غير دنياك
مديت لك يمناي عطني يدينك

اعاهدك ببقى على الحب منساك
عهد ٍ قطعته بين قلبي وبينك

يسعد صباحك يامشاعر خفوقي
يالهفة الخاطر ويامنبـع الشوق

غلاك يسري دوم داخل عروقي
وقدرك على راس الغلا مرتفع فوق

معاد يسوى الحب من غير غاليه
عذق النخل وش قيمتة دون تمره

يبست سواقي الزرع من عقب ساقية
ولا عاد باقي في ثرى الساق قطرة