ﻻجيت في مجلسً فيه الخفيّف ثقيل
فنجال واحد عن الشكه وخلك عجل

تغانم اجر الزياره كان تبغى الحصيل
استاذن من الجميع وخصّ راع المحل

يبي يقولـون تـوّ النـاس مـا راح ليل
قل ادري الليل توّه بس عندي شغل

وان لزّم الاجودي قل جعل عمرك طويل
مرّيت اسلّم عليكم والمشاهد حصل

الله يرحمك يابن جدلان

اثــر الـعـوج دايــم يـحـب الـعـواجـه
لـو ينـعـدل يـرجـع لسـاسـه وينـعـاج

مايسـتـوي طـعـم الـقـراح وهـمـاجـه
ولا يستـوي نقـع الصفـا مثـل هـداج

الله ولا مــنــة مـحــســب خــراجـــه
شيـن اللغـا ومـن البطـر لابــسٍٍ تــاج

والله مـايـذبـحـك يــاكــود حــاجـــه
لاصار في وجهك حيا وانت محتاج

للـعـسـر يـســر وللهمــــوم انـفـراجــه
يجيلهـا مـن والــي الـعـرش مـخـراج

ارفـــع يـديـنـك للـسـمـا ثـــم نــاجــه
يظهـرك لودونـك شرابـيـك واسـيـاج

عشت ناسي كل حاجاتي الثمينة
وكل يوم أنسىٰ ، لكن ما نسيتك!

‏

انا على كثر الخطا م اتعلم /
اراقبه ، واشتاقله ، واتشره ..!

امس ابتدينا وانتهى حبنا اليوم
واليوم راح وساب لي ذكريات امس

حاولت أطول صدتي عنك وازريت
طاوعت بك قلبي وعقلي عصيته

وعن كل غلطاتك سمحت وتغاضيت
شيءٍ تناسيته وشيءٍ نسيته

وجيت اتعذر منك ما كنك اخطيت
يا فاتني عنك العزا ما قويته

سلمت لك روحٍ عليها تجنيت
بسياج وهـمٍ دون وصلك بنيته

من اول اعمل لك اذا جـيـتـني حساب
وافضلك عن كل شخصً يجيني
واليـوم زيـك زيـهـم بعـض الأصحـاب
ان جيت والا غـبـت مالك حنيني

يلي خذيت من الحلا كل مافيه
ومن الطبع كل الخصال الحبيبة

قبلك وانا بعض الجمال ألتفت فيه
وعقبك ظهر بكل من شفت عيبه

‏
‏

ودي اسولف عـن غلاك ومحبتك
لكن جبرني الوقت اغليك بسكات