الغياب الي بدون اسباب جرحه عادي
البلا والله الغياب اللي يجي له سبّه.!

والله ان ما يجعلك مثل الغريرالغادي
كون فقدالي يحبك موت وانت اتحبه.!

فتحت باب قلبي وسكنـت وحدهـا
بين حدب الضلوع وبين حبل الوريد

ابيع روحي رخيصة واشتري ودها
وان حصلي رضاها والله اني سعيد

لو ترى حالتي وش صار من بعدها
كان حنت علي لو قلبها من حديـد

يا شوق لا تقسى على عيونه السود
أنا دخيلك لا تعذب جفونه

ما زال في عمر الصبا ناعم العود
حرام غير الكحل يلمس عيونه

خلك ندى يا شوق وجناته ورود
أجمل زهور الكون تاهت بلونه

على صغر سنه تفرد على الخود
وتفردت فيه الوصوف الحنونه

اذا لمس ثوبه طرف صخر جلمود
صار الصخر كالغصن كله ليونه

وان امتزج ريقه مع بحر ممدود
صار البحر سكر عنب في غصونه

ما له شبيهٍ في المخاليق موجود
شبيه نفسه وقّف الحسن دونه

عمري بعد فرقاه ما هو بمعدود
ما للعمر ياشوق معنى بدونه

حصنته بْعمّا وآيات من هود
يا رب عن عين الحواسد تصونه

لا تلمس الدمعه سنا ذيك الخدود
دنياي ما تسوى البكى من عيونه

ماعلمك صوت المطر كيف آحتريك

وفرز النفوس كفرز الصخور
ففيها النفيس وفيها الحجـر
وبعض الأنام كبعض الشجر
جميل القوام شحيح الثمـــر
وبعض الوعود كبعض الغيوم
قوي الرعود شحيح المطــــر
وكم من كفيف بصير الفؤاد
وكم من فؤاد كفيف البصـر
وخير الكلام قليل الحروف
كثير القطوف بليغ الأثـــــــر

تدري وش الي يسعـــد القلب هاليـــــوم ..
انــــك مازلـت تسكــن فــي ربوعـه ..
وتــدري متى تنزاح عـــن صــدري همــوم ..
لا مــــر زولك والتـــــوا فـي ضلوعــه ..

الغلا بعضه تنفس وبعضه إختناق
والتنفس شرق ونا تغربت وحدي

شوف العطا من بيننا .. كيف به فرق
مّديتلـك قلبـي .. وقلبـك جفانـي
.
لجلك عرفت السهد .. ومجاوب الورق
وانته ولا سويت حاجـه .. عشانـي

بين ذات اليمين وبـين ذات الشمال
بان وجه الحبيـب وبان وجه الكريه
.
عـلمـتـنا المواقــف والامــور الـثقال
للـسـوالـف وجـيـه وللـشدايـد وجيه