السلام عليكم ورحمة الله وبركاته ..
ان شاء الله كلكم بخير وعافية ..

مدري اذا كان مكان موضوع صح او غلط .. المهم :.
يااخوان اثباتي (( الهوية الوطنية )) .. تالفه يعني كنت حاطها بثوب لابسه ودرعمت بها على الغسالة والوالدة الله يطول بعمرها كانت تغسل .. الا بعد مخلص الغسيل توريني الوالدة البطاقة ممحي كل شي فيها ألا اشياء بسيطة .. ولا عندي صوره لها .. اعرف كيف ادخل الموقع واطلع النموذج واطبعه وهكذا ..

لكن المشكلة هي المدة اللي راح تستغرقها الاحوال في اخراج البطاقة .. هل يتجاوز 5 ايام لأن عندي انتظار قبول على الكلية .. وعندي موعد مقابلة بعد 15 يوم .. اتنمى تفيدوني الله يوفقكم والمسلمين اجمعين ..!

الله يعينك

ابفيدك باللي اقدر عليه

أول شي أدخل على الموقع وشف أقرب موعد تقدر تاخذه
بس أتوقع بيكون متاخر!!

الحل الثاني تروح بكرة للاحوال فرع الدرعية
وتدخل على المدير وتشرحله قصتك ويمكن يمشيك
والافضل تطبع الموعد وتجيبه معك بكرة عند المدير أو من ينوب عنه,

وغالبا اصدار بدل تالف يحتاج اجراءات طووويلة
فعشان كذا رح بكرة وحاول تضبط وضعك
بالتوفيق..