يعني عادي بدون شهاده دراسيه

وينكم يصحاب الخبره
ياليت تردون علي الله يجزاكم خير

اتمنى تلقى مرادك .. ويفيدونك اصحاب الخبرة ..

الله يحييك اخوي سبايدر المطيري
بالنسبة لموضوعك وخطوات طلب دعم الراتب من صندوق الموارد البشرية

فأنت لازم بالاول تروح عندهم وتوقع اتفاقية تدريب ودعم موظفين سعوديين بين مؤسستك وبين صندوق الموارد البشرية
وهم بنفسهم بيرحبون فيك لانك تعتبر صاحب عمل و بتلاقيهم متعاونين جدا معك وفي الاجراءات المتبعه معهم لاعتمادك لديهم كصاحب عمل..
وحسب خلفيتي البسيطه ان شروطهم سهله وماهي بالمعقده والافضل لك تروح تقدم نفسك عندهم كصاحب عمل وتشوف اجرائاتهم واستكمال جميع طلباتهم لاجل تسكتمل عندك الصوره بشكل صحيح..

طبعا بيكون فيه بكل منطقه فرع تابع لهم وانت حسب منطقتك اللي موجود فيها..
ولو ان منشأتك تعتبر تابعه لفرع منطقه الرياض فأنا ممكن استوضح لك واحاول ابين لك الصوره لاني سبق وتعاملت مع فرع الصندوق بالرياض وايضا سبق لي اني راجعت الاداره الرئيسيه بحي المعذر..
وحقيقه لقيت منهم كل التعاون والتقدير في جميع تعاملاتي معهم (وياليت والله كل الجهات الرسمية تقتدي بهم)

الشئ الثاني وهو الراتب اللي بتوضف فيه الموظفين السعوديين>>
انت لما توضع راتب 3000 ريال بيكون عليك 1500 ريال وعلى الدعم 1500 ريال ..!؟
وايضاً لما يكون الراتب 4050 ريال بيكون عليك 2050 ريال وعلى الدعم 2000 ريال ..!؟
بحد دعم اقصى 2000 ريال ، وحتى لو توظف عندك موظف براتب 7000 ريال فما لهم علاقه غير انهم يدعموك بالحد الاقصى 2000 ريال..
فيه فترة دعم تدريب 3 شهور وبعدها دعم راتب الموظف لمدة 21 شهر بأجمالي فترة 24 شهر..
على حسب برنامج الدعم المتفق عليه لان لهم اكثر من برنامج دعم
وعلى فكره/ الشهاده تأخذ بالاعتبار حسب الوظيفه المرشحه في الدعم(يعني ماينفع الوظيفه تكون مثلا مهندس ميكانيكا والمؤهل المطلوب يكون ابتدائي)-(وايضا ماينفع تكون الوظيفه مثلا موظف استقبال ويكون شرط المؤهل هو البكالوريوس فأكثر)!!؟
وايضا فيه وظائف يكون فيها المؤهل المطلوب(يقرا ويكتب) ومو شرط تكون الوظيفه بالشهاده ، وهي بالاول والاخير ترجع للشروط اللي(اخترتها) في اتفاقية الدعم.
فلابد تكون الوظيفه مناسبه للمؤهل المطلوب والمتفق عليها في اتفاقية الدعم بينك ياصاحب العمل وبين الصندوق
طبعا فيه اشياء ومزايا كثيره لابد انك تطلع عليها مع صندوق الموارد البشرية قبل ما تقدم على اي اجراء

والموضوع والله يطول شرحه وتفسيره ولكن الوقت ما يسمح لي وحاولت اختصر لك قد ما اقدر
واتمنى تكون مشاركتي لها فائده لك وللمتابعين..
واذا فيه اي استفسار اقدر اجاوبك عليه فإن شاء الله ماراح نقصر معك..

ملحوظه هامه ياليت تأخذوها بعين الاعتبار..
انه فيه شروط من صندوق الدعم بخصوص الموظف وهي انه لم يسبق دعمه من قبل او حتى اذا سبق دعمه فيجب انه ما تكون فترة الدعم السابقه اكثر من ٦ شهور..

ايضاً وللاسف الشديد ان فيه ناس يستغلون الدعم لحسابهم الخاص ويستفيدو منها بطريقة مخالفه والمتظلم المسكين هو الموظف السعودي سواءً كان احد اقربائك او اي شخص اخر.
وكثير والله فيه طرق تقدر تتحايل فيها على هالنظام وتستفيد انت من الدعم بشكل مخالف.

لأجل كذا حبيت انبهك عن الشئ هذا لأن مساوؤه اكثر من فائدته..

وعسى الله يوفقنا ويوفق الجميع..

لا انا فعلا بوظفهم لانهم بحاجة الوظيفه وحتي بالتامينات بعد

وينكم يصحاب الخبره الله يجزاكم خير

ساعدوني بليز