[frame="11 98"]
زي منتو شايفين
الكتاب باين من عنوانه

اعلانات المدارس الاهلية في الرياض حاجتها للمعلمات والاداريات

اي عضوه تحصل اعلان من مدرسة اهليه حاجتها لمعلمة او ادارية نحطه هنا الاعلان

حتى اذا لم تستطع التسجيل في المدرسة يمكن وحده تستفيد من موضوعك وتكسبين اجر

الى استفادت منك وتكتب لك في موازين حسناتك

بنسبه لي انا

بحاول ابحث عن مدرسة اهليه برياض مع العلم اني من الاداريات الى انقبلو وجاء تعيني خارج
الرياض لكن ما تسوى على غربة وظلم ظلموني في المرتبه الى تعينت عليها وبعدوني عن اهلى وربعي

والراتب كله 6000

المدرسة الاهليه على الاقل تكون بالرياض عند اهلى وربعي والراتب مو بعيد عن المرتبه السادسة الى تعينا علىها 5600

الله يوفق الجميع

نبي الهمه والجديه لاني ناويه اعتذر عن الوظيفه


لا تخافو يالى انظلمتو سوف تاخذون حقكم يوم القيامة والله ان تقولون الحمدلله اننا انظلمنا
والى ظلمنا والله ان يندم يوم القيامه وراح يتمنى انه لم يظلم




يالله يابنات
نبي نبتدي مرحلة البحث العظيم
[/frame]

لاتنسي انو لازم تكوني مجتازة لإختبار قياس للمعلمين والمعلمات

وكمان عقد لمدة خمس سنوات ،، وباقي الشروط التعجيزية اللي تقهررر

استخيري قبل كل شي ،، بالتوفيق لك ،، وجزاك الله خير

نبي نختبر وعلى الله

بنسبة للعقد لمدة خمس سنوات في حالى طلع تعينك معلمة حكومية تتعينين على طول

هذا الكلام من الوزير نفسه لا يمنع من يطلع اسمه بالتعينات من التعين

لا تنتظروا الإعلانات وبس اتصلوا عالمدارس وراح يقولوا لكم عن الإحتياج

وهالموقع دليل المدارس في المملكة
http://info.moe.gov.sa/schools/

بالتوفيق ولا تنسونا من دعواتكم

فعلا اللي عينوهم أداريات ظلموهم كثير بالمرتبة اللي عينوهم عليها زيهم زي حاملات الثانوي و الدبلوم لا و يقولون اللي يبي بعدين يطالب بتحسين مستوى أو يدخل مفاضلة جديدة طيب أغلبهم ما تعينوا الا بعد 10 سنوات اذا جلسوا على الطريقة هذي ينقضي أعمارهم وهم يراكضون ورى أوهام

صديقاتي واعدووهم السبت بالعقد الجديد

ولا يوجد شيء اسمه قياااس للنساءوالرجاء لاحد يجيب طاررريه


موفقااااات

الوظيفة الحكومية افضل لك من ذل ومشاكل الاهليه

اشكركم على النصيحة
بس والله من القهر تستغني عن وظيفة حكوميه والبحث عن اهليه
اذا الراتب مثل الراتب
على الاقل الرياض بين اهلى مو متغربه
بدون مصاريف اجار ومواصلات