30-08-2012, 05:39 AM
|
عضو متواصل
|
|
تاريخ التسجيل: Jul 2011
المشاركات: 54
معدل تقييم المستوى: 72
|
|
اقتباس:
المشاركة الأصلية كتبت بواسطة بقآيآ عآطل
أخوي احمد ..
مشــآء الله تبــآرك الله .. عقبآل التخرج ان شــآء الله ..
أخوي بسسآلك أحسن الآمن العآم ولا الحرس الوطني ..
من نآحية الروآتب والدوره والهيبه ..
وكيف دورتكم صعبه ولا سهله ..؟؟ وآحسن الدوره في القصيم ولا في الريآض ..
طبعآ للي سآكن في القصيم ..؟!
|
انشاء الله اقدر افيدك انا حاليا في دورة الامن العام بالقصيم والله يعينا على تحضير الجمعه
بالنسبة لسؤالك عن الامن العام او الحرس الوطني فهي تختلف عن بعض
الامن العام / هو الامن الداخلي من ناحية الجرائم والسهر على امن المواطنين
الحرس الوطني / فهو على اسمة وهو يأتي بعد الجيش في المساندة واختصاصاتة اكثرها
مدفعية ومشاة يعني قريبين من نظام الجيش
وهما يختلفان من ناحية الراتب فالأمن العام اكثر راتب ولاكن الراحة تختلف من قطاع الى قطاع
واما الحرس فالراتب اقل ولاكن لايقارن برواتب الجيش يعني الحرس رواتبة بين الامن العام
والجيش ولاكن الحرس %90 تخصصاتة مريحة انت وحظك او انت وواسطتك
اما الدورة فلازم تندمر جسديا ونفسيا وعقليا لان العسكرية كذا يبيلها صبر ولا ماكان سموها
مصنع الرجال وتذكر قبل ماتنسحب انك بتفضح نفسك وترجع لاهلك بالخيبة
يعني الامن العام بتنفس ويدقونك دق بالجزاوات ومدتها 9شهور يعني سنة الا معاناة
والحرس لاتقل دورتة عن الامن العام ولاكن دورة الحرس 3 شهور وتتخرج واخر شهر ونص
من الدورة ماعندك احد
يعني من وجهت نظري ومن وجهت نظر كثير من الناس الامن العام دورتها يبيلها صبر الى ابعد
حد ممكن المهم تخلي اول اسبوع من الدورة يعدي وبعدها بتهون اما الحرس دورتهم سهلات
واما الهيبة فكلها قطاعات تمثل صورة رجل الامن
بس انا خاق مع الامن العام وخاق مع الدورية  الي بستلمها واجربع فيها مدربينا
وانت شوف الشي الي ترتاح له وتنتج فيه وتشوف نفسك فيه ونصيحه لاتاخذ كلام الناس
خصوصا في مسألة المستقبل يعني لاتفكر بعقل زميلك وهو الي يقولك رح القطاع هذا ولا هذا
انت قرر وش تبي ووش تحب
واخيرا احب اقولك نصيحة بعدين تقول ماحد قالي (( ترى العسكرية ظبط وربط وانتظام يبيلها
صبر ومو اي صبر يبيلها جلد وقوة صبر والله يوفقك ويكتب لك الي فية الخير ))
ودعواتكم لي ترى مدربينا متوعدينا اول مانرجع للميدان الله ياخذهم
|
العرض العادي
