[align=center]للرفع .. الله يرفع مقداركم ..[/align]

[align=center],,

up .. up .. up

,,
[/align]

[align=center]وين الناس اصحاب الخبرات والتجارب ..
اقل شي مشاركة ولو جبر خاطر .. [/align]

والله ياخوي شور خويك ، حلو وماعليه ،

لأكن انا اقولك لو اخذتها تقبيل / بتخسر راس مال كبير بالبدايه بس اشرط ان لك 70% من الارباح بما انك دفعت مبلغ متعب شوي للتقبيل ، نعوضه بعشرين بالميه من الارباح لصالحك ، وهو له 30 بالميه من صالح الارباح ، الين تستوفي حق التقبيل ، وبعدها خلها خمسين بالميه لك / وخمسين بالميه له .. ولاتنسى انه هو الي بيجيب الزباين ورجال شغيل


تدررريَ .. شغله عندك براتب ونسبة عموله 30 بالميه على كل زبون وريح راسك ويكون في محاسب وخلصنا ياسيدي

هذا شوري ، وترى مالي خبره بالورش وشغلهاً

تقبل مروري

والله الورش فيها خخيير وبعضهم نصابين اسمحلي

انا راش جنوطي وجيت بوخرها قالي بمتين يبلها فرن ومدري ايش

المهم وافقت ومريت الورشه بدون مايدري تدري وش لقيته يسوي

جايب قطن وحاط عليه بنزين وقاعد يمسحها وراحت الرشه زي السلام عليكم

يعني كل شغلته بنزين بريال وقطن ومتين بجيبه والله نصب عيني عينك
يعني انتبه تسويها عشان ماطير زباينك ^
واسولف مع يمني يقولي في شيء يكسب اكثر من الورش الي هو محل قزاز تنباع هنا القزازه بثمان ميه وحناةنحيبها من الصين بخمس ميه وغير دخل اقزاز ناخذ ع تركيب القزازه بميه وخمسين والزايد من القزاز نبيعه ع المحلات بسعر منافس وايجار المحل رخيص مره
وهو مجنس بحريني وحاط المحل باسمه والله ناس تحارب عشان تعيش

والله يوفقك ان شاء الله وحبيت افيدك تقبل مروري ..

كيف تاجرها بالباطن من مالكها؟؟
ومالكها ايش يستفيد
مو مبلغ التقبيل مو اللى يبغاه المالك؟؟
ياريت توضح ترانى متلخبط من كلام خويك
وبعدين هي الورشه كبيره عشان تجيب فيها 2 هنود و2 فلبيين وتركي وسوداني,,, ا6فراد فى ورشه!!
وكم راتب الواحد فيهم خاصه الفلبيينيين رواتبهم عاليه(الفليبينين صح كذا)
يا حبيبى ما دام التركي قالك الزبائن علي اكيد عنده العمال وعنده كل شئ
بس انت فاوضه على راتب تحصل عليه انت يعنى قله كم تقدر تعطيني؟؟يقولك 5000 ريال قله 7000 والباقي بالعافيه عليك
وكذا وفرت راتب السوداني اللى ممكن يخسرك 2000 ريال,,اللى بالاساس مانى مقتنع بمحاسب فى ورشه
ولا تكون طماع نسبه وما نسبه ترا الامور هذى تعقد العامل وتتعبك

بالاول تعمل لك دراسه جدوى وبتلاقي نماذج كثير منها وكل اللي عليك تعديل فيها بعض الاشياء
لانه من خلالها راح يتبين لك الانسب بين التقبيل او تأجير موقع آخر ومتأكد ان التركي اشار عليك بالتقبيل لانه عارف دخل الورشة والمصاريف المترتبه عليها.

فأنت لازم تجلس معاه على ورقة وقلم وتحسب جميع المصاريف اللي عليك وتقارنها بأقل ربح ممكن يطلع لك والفتره اللازمه لتعويض تلك المصاريف.

ايضاً لازم تنتبه انه ما راح يشتغل معاك بالراتب وانت تتوقع منه انه بيحقق لك الربح وخاصةً انك جديد بالشغله وماعندك الخبره الكافيه
فالانسب برأيي انك تقلل من راتبه وتزيده في النسبه ومن الخطأ انك تحدد نسبته في البدايه لعدم معرفتك بالدخل المتوقع!!
يعني لو دخلك السنوي بيكون 500.000 ريال!! ونسبته تكون 40٪ !! فهالشئ ابداً ما راح يكون مناسب لك.
وايضاً لو دخلك السنوي بيكون 20.000 ريال!! ونسبته تكون 20٪ !! فهالشئ اتوقع ما راح يكون مناسب له.

لذلك انت لازم تكون حاسب ومتوقع مصاريفك ودخلك لاجل تعرف اللي عليك قبل اللي بيكون لك.
واعتقد ومن خلال اطلاعي السابق على مثل موضوعك
بأن مثل هالمشروع بيكون خااااسر لما تدخله من دون معرفتك والمامك باللي انت متجه له..!!
و بيكون مربح والله(ومن خلال واقع) لما تكون الصوره عندك واضحه وتعرف كيف تتصرف في جميع حالاته سلبيه و ايجابيه.

الثاني وهو اذا التركي بيكون شريك لك لاجل موضوع كفالته وانك تأخذ له الورشه ويصرف لك كل شهر مبلغ وقدره (......) من غير اي تدخل مباشر منك في الورشه.
فهالشئ بأعتقادي انه سهل لان التركي بيكون مدير الورشه وانت بيكون لك دخل شهري(مناسب له) فقط.
مثل ما هو حاصل بأغلب ورش السيارات.. السعودي يكون في الواجهه والاجنبي هو المتصرف والمتحكم.

لو نفرض ان مبلغ التقبيل كآقل شي موقع 300 الف يعني على كلام التركي ما يدخل ولا ريال لجيبك الى بعد 3 سنوات

وهل تضمن انت صاحب الورشه ما يطلعك من الورشه او يزيد عليك الايجار

نصيحيتي لك انك تشوف كم مساحة الورشه مثلا اذا 900 تقدر تطلع علييها 9 عمال فوق التركي

واحذرررر يقول التركي بجيب عمالي ومدري وش اشرط عليه انك تجيب حتى لو على اقل تقدير نصف عمال الورشه

والاهم يكون مكان الورشه ممتاز حط تحتها عشريييين خط علشان اذا لعب الاتركي بذيله وقال بسافر او اي

شي ثاني تقدر تواصل الشغل في الورشه من غير زبائن التركي وتكون انت قاعدة زابائن جديده

وبالتوووووفيق لك ان شاء الله وعطنا اخبارك اول بآول علشان نجيك