السلام عليكم..
كل عام وانتم بخير ان شاء الله ..

عندي استفسار عن شغله اتمنى الي يعرف يفيديني ..
اعرف يمني ازعجني كل يوم يقولي الخضار فيه خير ويبيني اشتغل معه وانا في وادي وهو في وادي ..

ففكرت اني اشتريله ونيت واقوله خذ هذي السياره وعطني يوميا مية ريال والباقي لك ..
يعني بالشهر يعطيني ثلاث الاف ..

بس سؤالي وش اسوي عشان اضمنه مايسرق سيارتي ؟؟
وانه يعطيني مية ريال كل يوم
ووش رايكم بالفكره

ميه ريال بس .؟ هو يطلع ذهب وفوق هذا تشتري له سياره وميه ريال

[align=center]صباح الخير ..

كيف يبيك تشتغل معاه .. يعني يبيك تجهز محل وتأجره عليه ؟؟
أو تآخذون سيارة وتشترون من محلات الجملة وتوزعون على المحلات ؟؟
أو كيف بالضبط ..

بس انا اللي فهمته انه يبيك تأخذ سيارة وتأجرها عليه ..
لكن انتبه السيارة مهي مثل المحل .. يعني لو اجرت عليه محل امرها بسيط ..
لكن السيارة يمكن يصير فيها خرابات قير مكينه او ممكن يصير عليها حادث لا قدر الله ..

ولا تنسى حبيب الشعب ساهر .. لو صورك وش يضمن لك انه بيسدد ..

في هذه الحالة من يتحملها .. وحتى لو كان بيتحملها هو فرضنا السيارة قعدت شهر أو اكثر في الورشة ..
انت من يعوضك عن اليومية الي تأخذها منه ..

اشوف انك تعيد النظر في الموضوع .. [/align]

السيارة ممكن تستغل في التهريب وتدفع عمرك ثمنه

انا أشوف انك تنحاش عن هالفكره اسلم لك والله يكتب لك الخير،برايي المحل ارحم من السياره وأحسن خذ عليه ضمان مادي يقدر يسترجعه اذا فكيتو الشراكه بينكم والله اعلم ويكتب لنا ولك الرزق الحلال

[QUOTE=ام نوف ونايف;6729602]انا أشوف انك تنحاش عن هالفكره اسلم لك والله يكتب لك الخير،برايي المحل ارحم من السياره وأحسن خذ عليه ضمان مادي يقدر يسترجعه اذا فكيتو الشراكه بينكم والله اعلم ويكتب لنا ولك


ايه المحل افضل بس انا طالب في الجويه مقدر افتح محل باسمي ..

لكن السياره اقدر احطها بسمي ..

ياليت الي يعرف يفيدني ..
ومشكورين ع مروركم ..

ايه المحل افضل بس انا طالب في الجويه مقدر افتح محل باسمي ..

لكن السياره اقدر احطها بسمي ..

ياليت الي يعرف يفيدني ..
ومشكورين ع مروركم ..[/QUOTE]

انا بعكس الشباب كلهم انا اشوف تاخذ له سياره ونيت بس ماتكون جديده موديلها مثلا 2000م وتاجرها عليه وتخليه يجيب له كفيل سعودي وبكذا تكون انت المستفيد الاول ومن قيمة القسط الي بيعطيك ياه فك لك سياره دينا تاجير منتهي بالتمليك وسدد اقساط الدينا وانت تسدد الدينا اجرها اقل شي ب 3500 ريال شهري والمصرريين يرغبون سيارات الدينا كثير وبالنسبه للحوادث لاسمح الله انت بتكون اكيد مأمن تامين شامل على السياره بالف ريال سنويا او عند شراء السياره ياخذون منك 3 بالميه من قيمتها ويضمنونها لك ضمان شامل والشغل يبي له قلب من حجر واحسب الخساره قبل الربح بحيث انك اذا خسرت لاسمح الله ماتكون متضرر كثير او تتوقف مصاريف حياتك اليوميه اتمنى تكون فهمتني واسف على الاطاله

والله وانا اخوك دام الخضره فيها رزق وهذا كلام الكل .. خذ له مبسط ولا محل ، وشغله فيه .. اول مره البضاعه عليك والاجار اول شهرين او ثلاثه شهور عليك ، بعدين هو يدفع الاجار . ويعطيك شهري مبلغ وقدره على اتفاقك معه ونصيحه راقب دخل المحل علشان تاقدر تاخذ حقك منه .... والمحل تقدر تخليه باسم احد اخوانك


او اذا كنت تبي تجيب له سياره ، ياحبيبي تخليه يوقع على انك تطلبه فلوس وقدرها كذا وكذا وتسوي ورقه مبايعه بينك وبينه على السياره .. بس انك تخليها باسمك .. وهو يدففع اقساطها ، ويعطيك يوميا زي ماقلت ميه ولا ميه وخمسين .. مع انهم ايام الجمعه يطلعون الف ولا الف وخمسميه ..



تقبل مروري