السلام عليكم ورحمة الله وبركاته
أنا في الأيام الجاية راح أسافر دبي
راح أجيب
إكسسوارات جوالات ( كفرات + شواحن سيارات + بطاريات سفري + لصق الشاشة وغيرها)
المطلوب منكم أبيكم تساعدوني وهوالتالي :-

- أين أماكن الجملة لو ركبت مع اللوموزين وين أقول له يوصلني .
- كم أسعار الجملة بخصوص الأكسسوارات .
كيف طريقة الشحن .
كم رسوم الجمارك والشحن
اقترحوا علي باشياء اجيبها من هناك
تكفون ساعدوني وكل واحد يقول اللي يعرفه
خلونا ننتج ياسعوديين ونتعاون مثل الاجانب تكفون

اخي الكريم
من اساسيات العمل الحر والاستيراد تحديداً ان تكون ملم بكل صغيرة وكبيره في السوق السعودي قبل الذهاب لدبي او غيرها
.. سيقول لك البعض سوق التنين الصيني .. ويقول البعض اسواق مرشد او سوق نايف .. ولكن ليست هذه اسواق دبي لمن يريد الاستيراد مع كل احترامي ولو ان فيها فرص تستطيع الكسب من ورائها ( وليس كلها ) فجده فيها اسعار اقل من دبي وجوده اعلى ..

انا رحت سالت عن الاسعار في جدة في البلد
وعرفتها
بس ابي استورد من هناك لانها ارخص لان في واحد قالي حنا نجيب اكسسوارات الجوالات من هناك لانها ارحص

الكمية اللي بتجيبها ..
مع فارق السعر من هنا و هناك

تفرق معك ..؟ اقصد حط في بالك مبلغ السفر من تذاكر و فنادق و معيشة و تكاسي هناك ..!!

في النهاية .. رح يطلع لك مكسب يستاهل ..؟ ياليت تحسبها صح ..

و الله يوفقك .. و ييسر لك امورك كلها ..

لا تنسى تستخير قبل تقدم ..

الضربات الكبيرة للي يبيها يروح الصين

بس الاخ يبدو انه بجيب بضائع متنوعة وقليلة (مجرد توقع)

وقبل ما تجيب من الصين جب من الامارات عشان تتعلم

اختصر لك الموضوع اخوي السائل 50.000 ريال واقل الامارات

100.000 ريال واكثر الصين

سو دراسة ومقارنات وصرف البضاعة قبل ما توصل بكذا تربح

وعليكم السلام ورحمة الله وبركاته

اخي هل البضائع الي تكون بدبي غير مستورده من الصين واخص بها الارخص والاقل سعر ؟

نقاط مهمه :-
كم سعر السفريه وتكاليفها واخص بها لدبي
كم سعر التخليص الجمركي للبضاعه
هل التكلفه للبضائع تتقارن دبي بالصين واخص بها اذا كان هنالك شركه لرسال البضائع او وسيط موثوق به لتوفير بعض المصاريف

نصائح مهمه :-
1- لبد من توفر المواصفات للبضائع بالمقاييس الخاصه لسعوديه
2- لبد من دراسة المشروع بالكامل
3-دراسة تسويقيه للمشروع
4- السوال على ارض الواقع بخصوص الاستيراد ومتطلباته
5- لبد من معرفة المصدر للبضائع وانها غير مقلده لماركه عالميه

انا من واقع تجربة انصحك بسوق التنين
اما بخصوص التذاكر بتكلفك 1100 ريال فقط ذهاب وعوده
التكاسي على العداد يعني اكبر مشوار ماراح يكلفك100 درهم
اما الفندق فيه فندق اسمه فورتشن بيرل انصحك فيه وبقوه خدمة ممتازه واسعار حلوه جدا 7 ايام راح يكلفك1300مع الافطار
للمزيد من الاستفسارات كلمني عالخاص

اخوووي مشروعك حلوو بس بالاول لازم اخوووي تروح للسوق هنا وتشوف الاسعار تري انا كل شهر بدبي واسعارهم تري اغلي بحكم انهم عرفوا اسعار السوق عندنا من زبائنهم

يعني انت تبي مثل كفر يقلك ب 5 ريال وهنا بالسعوديه ب5 ونص هو عارف سعره بكم من خلال اتصالاتهم تريييييييييييييييي

بالنسبه لسالفه دبي اول كان موب الحين

شووف عندك سوق الجمله واكسسوارات الجوالات خلف بريجستون بجده اسعارهم والله ارخص من دبي

تدري ليش يقلك نجيبها من دبي لان دبي ماعندهم جمارك فهمت اخووووووووووووووووووووووووووووي

انا ابغي اجيب كمية وابيعها هنا في السعودية بالجملة اوزعها على المحلات
وش رايك

حيرتوني والله
ناس تقول دبي رخيصة
وناس تقول دبي غالية
آخر كلام تكفون ؟؟