الله كتب لنا هالوظيفه بعد انتظار سنوات من جد يابنات اكتب لكم والعبره خانقتني طبعا طلع التوجيه بمدرسة أبتدائية ومن امس أصابني ارق شديد ولاقدرت انام الا قبل الفجر بشوي

رحت المدرسة وسالت عن المديره قالت انا المديره اعطيتها الخطاب قالت تعالي مكتبي دخلت مكتبها قالت انتم شلون وظفكم !! شنو شهادتك قلت بكالوريس قالت غريبه قالت طيب تعرفين برنامج نور قلت لاوالله ماعرفه قالت روحي تعلمي اخذي دورة وتعلمي برنامج نور علشان تمسكين الشغل بالبرنامج قلت طيب الموظفه تعلمني سكتت واجتمعت مع موظفاتها وقالت هذه فلانه بتمسك نظام نور ردو عليها قالو النظام ماسكته فلانه !!
اذا هي مسكته شو تعمل فلانه سكتو بعدين طلبت مني اطلع و اجلس بغرفه الاداريات

دخلت المكتب ودخلت موظفه قالت من هذه قالو لها هذه المساعده الاداريه موظفه جديده قالت هلت البشاير على كذا بيفصلونا !!

جلست بالغرفه ماعرف شو اعمل وشو المهام اللي مطلوبه منيكان المكتب زحمه كل شوي ولية امر طالبه تدخل وتطلع المهم جاءت المديره قالت لي قومي نادي المعلمة فلانه ابغاها قلت ماعرف المعلمات يعني بالعقل شلون اروح ابحث عن معلمه ماعرفها ولااعرف المدرسة

ردت علي بعصبيه قالت لاحول ولاقوه الا بالله وطلعت
دخلت بعدها بساعه وكان في ام بالمكتب مع بنتها وكمان الموظفات الاداريات

جاتني معصبه وقالت اسمعي مره ثانيه لما اقول لك قومي سوي شي لاتقولين ماعرف
قومي تحركي شوفي المدرسة اعملي شي ولابكلم التوجيه واقول لهم مرسلين لي موظفه ماتعرف شي

انا انصدمت وجلست بمكاني يعني بالله وش هالاسلوب وش هالتعامل هي نفسها ماتعرف شو المهمام المطلوبه مني ولاقالت لي شو اعمل وبنفس الوقت تطلب مني ابحث لها عن معلمه وانا اول يوم ادخل المدرسه ولااعرفهم طبعا تضايفت كثير وخاصه انها تكلمني بهذا الاسلوب بين الموظفات والمراجعات

عقبه طلعت من المكتب سالت الموظفات اللي بالاداره شو مطلوب مني شو الشغل !!

وحده ماسكه جوالها وتكلم والثاني على الكمبيوتر

دخلت اداريه ثالثه قالت تعالي للمخزن وزعي كتب الطالبات

وزعتها والمخزن حار والمدرسة مكيفاتها عطلانه وتسد النفس

مسكت نفسي مارد على هالمديره كنت بقول لها بحلال ابوك موظفتني

ضاق صدري من اول يوم

الله يعينك
من جدها دي روحي اشتكي في مركز الاشراف لا تسكتي على حقك
اذا دا اول يوم لك كيف باقي الايام
خير انشالله من جد عصبتني وزعلت عليكي الله يفرج همك
انا من اول يوم مديرتي تقوللي انتي المديرة وهي تبغى تنقل قلت افكر
الله يعيننا عليهم

عجيب والله.لاتسكتين منتي شغاله عندها تنافخ عليك وجع بشكلها «««عصبت

للاسف يـاختي انتي كــذا تخلي المـديره وغيــرها يتلفظ عليـكـ ويفرض رايك عليك
المديره تزعق تردي عليها وش اللي يمنع انك ماتردي لانها مديره وخوفيك انك تفقدي الوظيفه
جاها قرار بتعينك اداريه خـلاص انتي وضحي لها
امشي معي وريني مهــام العمــل باحترام ترفض ارفعي انتي السمــاعه
واتصلي بنفس الجهة اللي حولتكـ على المدرسه
فلانه بنت فـلانه مهمش قرار التعين منكـم
وترفض تعطيني مهــام العمل والتدريب
بس خلاص تنتهي السالفه
انتي كذا فتحتي مجــال لها ولغيرها يمشونيك بكلامهم
نصيحه مني
لاتفكري وش بيصير هذا قرار جــاها وما تقدر تخل فيه ابد
خصوصا ان الوظيفه حكوميه وبامر من اللي اعلا منها

بنسبه انك تشتكي اشتكي ولا تخــافي ما تقدر تسوي شي

ربي يوفقك ويسهلك

ياوخيتي وسعي صدرتس ولا يهمونتس هذا رزقتس وامسكيه
أنتي بكرة روحي او اتصلي على مكتب إشراف منطقتكم وقولي أنا موظفة جديدة مساعدة إدارية
وأبغا أعرف مهامي فالمدرسة وش هي بالضبط وإذا قالت لك خلي المديرة قولي لها اللي صار معك
شكل الموظفات اللي عندها بعقوود وحبايبها وخايفة عليهم من المرسمات عشان مايطلعونهن وبعدين مدري وش أقول لكن الله يهدينا وياهم هذي موب طريقة ولا هذا أسلوب يعني لازم الاحترام عشان الكل يرتاح نفسيا عموما أنتي سوي اللي قلت لك
وإذا جا بكرة ونافخت عليك قولي لو سمحتي أنا موظفتني هنا الحكومة ومالك عليّ إلا اني أُأدي عملي المطلوب واللي أبي منك تعطيني ورقة مكتوب فيها مهام العمل للمساعد الإداري وأتمنى يكون فيه تبادل للاحترام لاننا بنشتغل مع بعض كثير
خليها تفهم انك من الحكومة متوظفة وان نفسيتها لها ماتضرك بشيء والله يوفقك يارب ويسعدك ويهنيك

الله يعينك على هذه الاشكال

يوم تقول لي المدام عن اسلوب بعض الموضفات ماصدق واقول تكبر السالفه

بس بعد موضوعك لا والله ابصم بالعشره

اختي الكريمه لاتسكتي ولا تضعفي لحد حتى لو المديره خلي شخصيتك قويه وبدل الكلمه ردي بعشر


انتي مو رايحه تطرينهم وشهادتك سلاحك والواحد مو اول يوم خذوه فغلوه بالعكس يتعلم الشغل حبه حبه وماحد خلق من بطن امه متعلم


تحياتي لك

اصبري شوي

لاتشتكين ولا شي

معروف الأيام الأولى فيها قروشة وتعب

اصبري كم اسبوع

وخلي الأمور تهدأ وتبدا الدراسة طبيعي

بعدين شوفي الوضع وقرري

بس ذحين اصبر واستمري .