السلام عليكم ورحمة الله وبركاته

فيه اشياء غريبة ومتناقضه بين الدوائر الحكومية .. وزارة التجارة كاتبين في النموذج لا يحق للمرأة اصدار سجل تجاري نشاط مقاولات عامة ورحت لهم ومعي وكالة شرعية عن الوالدة واصدرت السجل التجاري ويوم استلمته رحت للمدير قلتله ما فيه مشكلة قال خلاص سمحوا الحين .. طبعا فيه معلومة مهمة لازم يكون الاسم التجاري مختلف عن اسم المرأة ولا البلدية ما راح يصدرون لك ترخيص ..

طبعا المشكلة الان فيها تضارب ناس تقولي مكتب العمل سمح للمرأة باستقدام عمال لنشاط مؤسسة المقاولات وناس تقول لا ما تقدر .. وللأسف ما فيه تحديث للشروط سواء من وزارة التجارة او مكتب العمل ..

سؤالي لمن لديه المعلومة هل يحق للوالدة استخراج تأشيرات للعمال بموجب السجل التجاري ..؟؟

نعم يحق لك استخراج فيز باسمها وموضوع اختلاف الاسم غريب اول مرة اسمعه في مكاتب كثير باسماء نساء


انا اتكلم عن جده طبعا

والله من كلام معقب ثقه يقول مسموح لها الحين وتقدر تجيب عمال باسمها طبعا هذا بالرياض مدري عن المدن الثانيه

وبالتوفيق لك ان شاء الله

مافيها اي مشاكل الان

معلومة للفائدة

مكتب العمل صار متشدد في نشاط السجل التجاري ، اخذت السجل التجاري والنشاط مقاولات عامة (هدم-انشاء-ترميم) فقط .. والسبب كما قال لي الموظف في وزارة التجارة ان مكتب العمل يشترط عدم اضافة اي نشاط وقال لي خلها كذا وشف مكتب العمل اذا قال عادي تضيف عدة انشطة اضفتها لك بس يقول واجد ناس رجعوا لي من مكتب العمل عشان تعديل النشاط ومابيك ترجع مثلهم قلتله توكل على الله والوعد بكره استلم السجل التجاري بعد ما دفعت الرسوم 1000 ريال لمدة خمس سنوات ..

فعلا كلامكم في محله اليوم ارسلت واحد لمكتب العمل وتم التأكد

لكم جميعا جزيل الشكر والله يعطيكم العافية