الله يوفقكـ بالبآقي . .لان عرض جدآ ممتاز مهما كان مكانها ان شآء الله بزاوية داخل حارة مهجورة ..

والله لو تشوفون شقق مفروشة بمنطقة الرياض باماكن الجني الازرق مايجي داخل الاحياء وتناظر

في شققهم قسم بالله ماتحصل لكـ شقه فاضيهـ .. بس خدماتهم اجبرت العالم عليهم ..


اخوي اذا العمارة جديدهـ انصحك تطلب اثاثك من الصين وبيكفيهآ كونتينر او اثنين بالكثير .. وبيفرق السعر معك وطبعآ لو مافرق شيء كبير انت كسبآن لانك رآح تطلب فوط وصابون خاص فيك وبسعر رخيص جدآ كماليات يعني .. ومعطر جو مكتوب عليه اسم شقق كذآ وكذآ يعني مسألة ترتيب وسمعتكـ بتطلع لو من ثآني سنه انت كسبان .. والله يوفقك وييسر امرك

نصيحة لا تاخذها لوحدك
ولا تطمع فيها
والشراكة فيها خير كثير اهم شيء ترك الطمع
ونصيحة غالية اقدمها لك سولها دراسة جدوى بنفسك
و 3 من اهل الاختصاص تشاورهم اهم بكثير من ارائنا الاجتهادية
وفيه واعرف واحد خبره اذا تبي تشاورة بس انه ياخذ اجرة على المشورة
وانا شاروته بموضوع واصبح رأيه مع الوقت مبروك
اسال الله ان يحفظك من كل سوء

الله يعطيكم العافيه
ع ها الافكار الرائعه
انا واجهتني مشكلة بسيطه الحين
وهي العماله؟؟
وافكر اجيب عمالة من النيبال للتنظيف
احتاج 3 فقط للنظافه
عطوني ارائكم يالغالين

بانتظاركم يالغاليين................

كان الايجار مرتفع زياده عن اللزوم الشقه تكلفتها 15555ريال ؟ وتحتاج تاثيث وعمال نظافه واستقبال وفواتير ماء وكهرباء اذا تشوف ان الشقه اجارها400ريال يومي توكل على الله واذا كان على 100 وميتين ماراح تستفيد الا الهم ووممكن تخسر لان عندك مبالغ تشغيل وصيانه بتوصل ميه الف من رواتب عمال نظافه واستقبال ولاتنسى ان راتب السعودي ثلاث الاف ريال شهري ويمكن تحتاج اكثر من واحد وبالتوفيق ان شاء الله

كانت الفكررة في راسي من زمان لكن كنسلتها لان ايجارات العمائر غالية فوق 400 الف ... لكن انت اسال عن اسعار تاجير الشقق اللي قريب من موقع العمارة اللي بتستاجرها وشوف كم الاسعاار وقارن واحسب كم قيمة الاثاث بدون تخمين يعني روح واسال بنفسك وشوف البضاعة ... واهمممممممممم شيئ استخر ربك واكثر من الاستغفاااار والله يوفقك

دعواتكم لي بالتوفيق في مشروعي الجديد

الله يوفقك اخوي راجي ممكن الرقم على الخاص او العام.

مرحبا اخوي
اهم شي شوف العمارة جديدة او قديمة ومن المهم تشوف توصيلات المويا والصرف الصحي والكهرباء ولاتنسى المواقف وبالنسبة للمحلات اللي تحت العمارة حاول تفتح فيها بقالة ومغسلة او اذا كانت العمارة على شارع رئيسي او داخل حي مزحوم ممكن تفتح المحلين على بعض وتخليها سوبر ماركت متكامل لو اني انصحك بالمغسلة والبقالة وبالتوفيق لك اخي