02-09-2012, 11:59 AM
|
 |
عضو ماسي
|
|
تاريخ التسجيل: Aug 2009
الدولة: جده
المشاركات: 1,856
معدل تقييم المستوى: 8697671
|
|
|
حـال بيتنا بعد وفاة اخوي :(
السلام عليكم ورحمة الله وبركاته ,,,
ابيكم تساعوني بعد ما ضاق الكون فيني
بيتنا الحمدلله كــانت الضحكه وراحة البــال ما تفارقه ابد
وكــانت جمعتنا انا واخواني واخواتي ما تنتهي والسوالف ما توقف ابد
حتى البسمه ما كــانت تغيب عن شفاتنا
وكان كل واحد فينا يشيل هم الثاني ويخـاف عليه
وكنا نتساعد انا واخواني واخواتي حتى تزوج اربعه من اخواني
وتزوجوا كل اخواتي
بس اللي حصل
ان واحد من اخواني ( اسمه حسن الله يرحمه ويجعل مثواه الجنه )
توفي وله الحين ثلاث سنوات وداخلين برابعه
توفي قبل ملكته بيوم وكــان عمره 26 سنه 
وكان اكثر واحد فينا قريب للوالده والوالد واكثر واحد نلجئ له اذا ضاقت علينا الدنيا
وكـانت الضحكه والبسمه
ما تغيب عنه ابد ولا يحب يشوف احد فينا مضايق
مــات بخطأ طبي بعد ما اعطوه ابرتين للربو وكان عنده الربو حــاد
من بعد ما مــات ليومنا هـذا البيت انقلب
صــار البيت غير عن اول
الدموع ما توقف فيه
كل واحــد ما يقدر يفتح قلبه لاخوه او اخته بسب الجرح اللي فيه
الوالده كــل يوم تتعب اكثـر
حــاولت انا ووحده من اخواتي نطلعهم من جو الحزن اللي احنا فيه ولا قــدرنـا ابد
ابوي تعب ولا صار يتحمل احد ولا يقدر يمسك اعصابه ابد
والوالده كل يوم حالتها تكــون للاسوء
واحنـا ما قدرنا ابد نرجع مثل قبل
كل واحد بقلبه حزن ودموع ويخبيها عن الثاني
حتى زواجي وزواج اخوي كــان قبل 9 شهور ما حسينا ابد بشي اسمه فرحه
منو عنده حــل يقوله لي
ابي بيتنا يرد مثل قبل الضحكه والراحه ما تفارقه ابد
اللي عنده راي يقوله لي يمكن يفيد
الله يوفقكم جميع واسف على الاطاله
التعديل الأخير تم بواسطة الشعلان ; 02-09-2012 الساعة 12:01 PM
|
العرض الشجري
