مدري ايش اقول ...الله يرحم اخوك ويصبر قلوبكم
والمووت بيمر فيه كل انسان حاول تخليهم يتناسونه لو شوي وانه الحين محتاج دعواتكم مو الحزن عليه
واكفلو يتيم عنــــــــه غيرو اشياء بحياتكم ومو لازم ترجعو مثل اول تكلم معاهم خليهم يطلعون الحزن اللي بقلوبهم لانهم لو جالسين يبكون وساكتين الجرح صعب يبرا كذا فهمهم ان حال الدنيا هو كذا والمووت وبيمر فيه كل انسان .. والله يلطف بحالكم ويرحمه

اهلا اختي
الناس كلها تمر بمصايب
والدنيا محطة انتظار للاخره
الله يرحمه ويرحم اخوي والمسلمين والمسلمات الاحياء منهم والاموات
توكلوا ع الله
اكثري من الذكر
وياليت لو تحضروا محاضرات دينيه
والله يصبركم

الله يرحمه يارب ويوسع له قبره
ويجعله بروضه من رياض الجنه
لا تنسوه من دعواتكم الطيبه
الله يجزاكم خير

اخوي الشعلان اول شئ رحم الله ميتكم ثانيا المؤمن مبتلى واذا احب الله عبده ابتلاه ماراح نكون احن على احبابنا اكثر من الله انا امي وابوي متوفيين وآخرهم الوالده قبل تسعة اشهر وانا موكبير انا عمري 30 انا اكبر اخواني يعني تتوقع كم كانت اعمارهم لمن توفوا الوالده الله يرحمها عمرها خمسين لمن توفت يعني لسى مقارنه بالي توفوا واعمارهم فوق الستين او السبعين والله مااخرجت من جو البيت وحنان الام حقيقة والله مااخفيك الا وقتنا الحاظر كل مااتذكر خاصة الوالده والله اني ابكي ولكن استرجع واترحم عليهم واقوم اصلي ركعتين وادعيلهم واحاول اني اقتنع بما كتبه الله فثق ثقه تامه انهم راحوا للي احسن مني ومنك البكاء والحزن ماراح يرجعهم لكن تصدق صلي آخر الليل وادعيله واخوانك حثهم على هذا الشئ فهو محتاج الدعاء اكثر من اي وقت مضى واخيرا اذكرك واذكر نفسي//انقال المؤلف - رحمه الله تعالي- فيما نقله عن أنس بن مالك- رضي الله عنه- أن النبي صلي الله عليه وسلم مر بامرأة وهي عند قبر صبي لها قد مات، وكانت تحبه حباً شديداً، فلم تملك نفسها أن تخرج إلي قبره لتبكي عنده. فلما رآها النبي صلي الله عليه وسلم أمرها بتقوى الله والصبر.
قال لها: (( اتقي الله واصبري، فقالت له: إليك عني فإنك لم تصب بمصيبتي)) إليك عني أي: ابعد عني فإنك لم تصب بمثل مصيبتي.
وهذا يدل على أن المصيبة قد بلغت منها مبلغاً عظيماً،فانصرف النبي صلي الله عليه وسلم عنها.
ثم قيل لها: إن هذا رسول الله صلي الله عليه وسلم فندمت وجاءت إلي رسول الله، إلي بابه، وليس على الباب بوابون أي: ليس عنده أحد يمنع الناس من الدخول عليه. فأخبرته وقالت: إنني لم أعرفك ، فقال النبي صلي الله عليه وسلم : (( إنما الصبر عند الصدمة الأولي)).
الصبر الذي يثاب عليه الإنسان هو أن يصبر عند الصدمة الأولي أول ما تصيبه المصيبة، هذا هو الصبر.

بالايمان تنحل مشكلتم

آمنوا بالله ان هذا قضاء وقدر
وكلكم لاحقينه
أسأل الله أن يرحمه ويغمد روحه الجنه وجميع اموات المسلمين

الله يرحمه ويغفر له

والله يعينكم

شوف ياخوي انا قصتي مثلك بالضبط
اخوي مات بحادث سيارة من ثلاث سنوات واللحين احنا بالرابعة وكان هو مصدر الضحكة واللي يجمع العائلة
كان منطلق وطموح وهو اكبر واحد بين اخواني وكان مملك وبيتزوج بالصيف وكان يحظر لزواجه وماعندنا سالفه غيره وغير زواجه,, بس سبحان الله جات موتته مفاجئة لدرجة اني اتذكر اني فقدت عقلي لوهلة
لكن الحياة استمرت صحيح امي عندها سكر وضغط وابوي نفس الشي بس الحمدلله الضحكة موجودة ودائما نذكره بالخير, انا ما كنت متخيله ابد اني بقدر اعيش بدونه اكتئبت فترة وصرت اخاف لكن توني هالسنتين اقتنعت ان الموت لابد منه وهم السابقون ونحن اللاحقون
انتو فكروا بس انكم بإذن الله بتقابلونه بالجنه وانه راح للي ارحم عليه من والديه
والحمدلله الخير في الباقي منكم

قرأت الموضوع من كم يوم وعجزت انسى,,,
رحم الله ميتكم واسكنه الله فسيح جناته ,,
لا أملك غير الدعاء لوالديك بأن يخفف الله حزنهما, ويربط على قلبيهما ,ويعوضهما خيرا, انه سميع مجيب الدعاء.

الله يخفف علينا وعليكم فراقـ الاحبه
والله يرحمهم جميع ويجعلهم بدار خير من دارهم
واهل خير من اهلهم
الله يجزاكـم خير جميعـا
وربي يصبركم ويحفظ لكم كل غالي وحبيب
كلامكم والله مثل الورد والعبير
الله يووفقكم
ولا تنسوه من صالح دعواكم الطيبه
الله يرحمه يااارب ويرحم جميع موتى المسلمين