السلام عليكم ورحمة الله وبركاته

أنا خريجة تربية خاصة من العام وطبعا وبلا فخر عاطلة إلى الان..
شهر 3 ميلادي فكرت قلت بطور نفسي شوي وقررت بدرس "دورة كامبردج للحاسب"
وقتها ماكان فيه إلا معهدين يدرسونها إللي هم أكاديمية الفيصل و أكاديمية الجزيرة ، وقع القرار على أكاديمية الجزيرة بسبب موقعها لانه أقرب لبيتي

طبعا نظامهم الدفع أولا < طبعا بيضمنون فلوسهم عشان يلعبون بعدين زي مايبون
دفعنا ويلا بنبدا
بدينا بعد الدفع باسبوعين تقريبا ، جاتني صدمة من المعامل ( جهاز بدون ماوس ، جهاز مايشتغل ، جهاز بدون كيبورد ، عددنا أكبر من الأجهزة ، كراسي معدووووووووووووومة ) يعني معامل حالتها صعبة .. اشتكينا كل اللي سووه غيروا الكراسي
طبعا كامبردج بجهة واللي ندرسة بجهة ثانية .. كأنهم يدرسون أطفال ابتدائي !! طيب أوكي عطونا اساسيات الحاسب وبنفس الوقت دربونا على كامبردج!!
المدربات غيروهم تقريبا 5 مرات ومن فاشلة لأفشل
جا وقت الاختبارات
اختبرت اختبارين بسلام ، الاختبارين اللي بعدها سجلت فيها 4 مرات و أروح أضرب مشوار لما أوصل ويجي وقت اختباري يقولون أوه معليش اختبارك ملغي ليه ملغي و أنا مسجلة وماعطيتوني خبر من قبل ؟؟
عشان مافي الا 6 أجهزة تشتغل والباقية خربانة والغينا اسمك عشان بندخل اللي قبلك !!
نعم!!
بأي حق !!
أنا شذنبي أجهزتكم خربانة !!
المهم اختبرتها بعد معانااااااة حسبي الله عليهم
بقالي 3 اختبارات وإلى يومكم و أنا أركض وراهم بعذر ان الشركة مو منزلة اختبارات حاليا < طبعا نصابين الشركة ممشية شغلها زي الحلاوة بس هالمخيسين النصابين
طبعا تلفونات مايردون بلا من رداة معهدهم مايبون يردون يتمشكلون مع الخلق
كلمت الادارة حقتهم وماعندهم رد الا عطينا بياناتك وبنكلمك ويسحبون
مديرهم أو صاحب الأكاديمية الزبدة اسمه عبدالعزيز العواد مافي أمل يكلم أحد !!
ياخي داري ان اكاديميتك فاشلة سكرها واستر على نفسك
أمس شفت اعلان لهم ان عندهم دبلوم شبكات بـ 15000 ياكافي على وشو هالمبلغ من زين أجهزتكم عاد!!

نهاية الكلام أتمنى محد يكرر تجربتي الفاشلة معاهم دوروا غيرهم حرام تحطون طموحكم على شهادة وتتمرمطون بمعهد مخيس كذا


وشكرا