[align=center]السلام عليكم ورحمة الله وبركاته ..


قبل اي شيء الموضوع للبننات لكن لايمنع انا نستفيد من افكار الاخوان هنا

اما المحبطين واللي ماعندهم شيء يسر الخاطر لاهنتوا ديوروا ..

اولآ أعرفكم بنفسي :
اختكم هدى .. طالبة جامعية .. عاطلة باطلة لا شغله ولا مشغله
فكرت كثير ادخل عالم التجاره لكن المحبطين كثر
بس مع الاصرار تعبت ودورت ولقيت لي شغله حلوه ولله الحمد
وهي في مجال فساتين السهرة لمصممين ومصممات عالميين
كل المطلوب تسويق عن طريق النت واخذ ارباحي عن كل موديل ابيعه
فاللي حابه من البنات تشتغل معي في التسويق والاعلانات حياها الله ..
للتنبيه / التسويق هرمي مو شبكي ..


...............,

ثانيا : اذا حابين نسوي قروب ونشتغل في مجال الزواجات والحفلات
من توزيعات لطاولات استقبال لكروت ...الخ
بس طبعا نحتاج نكون قروب للي عندها هوايه وافكار غريبه ومميزه وكمان تقدر تنفذها
وفي الرياض عشان نتقابل ونشتغل سوى ..

..
ما نحتاج راس مال ولا محل ولا بنسوي لنا عقبات من لا شيء
كل اللي نحتاجه فكر صافي ومنتج وهاااااااااااااوي للاشغال اليدوية ..


مثلا : وحده تعرف للكروشيه تسوي لنا فساتين صغيره حقت التوزيعات
تجي بحجم راحة الكف .. لو عبيناها حلويات راح نبيعها بـ 12 ريال كحد أدنى
وافتحوا عالمواقع وشوفوا البنات بكم يبيعونها بعضها توصل لـ 20 ريال للحبه الوحده

وتجي وحده ثانيه عنندها موهبة في التوزيعات الورقية
والثالثة في شغل الطاولات والمداخل
وووووو ... لين نجمع اطراف الشغله ونبدع فيها ..


وبس
اتمنى اشوف افكاركم ونقاشكم وارائكم حول الفكره ..
[/align]

الله يرزقكم البلد مليانه خير استفيدو من خيرها

بارك الله فيكم جميع

وان شاءالله نشوف لكم قروب بالمنتدى وعلى ارض الواقع
والشخص الطموح لا يوقفه المستحيل يقدر يحققه بمشيئة الله

بالتوفيق للجميع

الى الامام
فكرتس خطيره
وراقبي موضوع بنزله اليوم باذن الله نفس فكرتك بس مجال ثاني
الان فيني نوم خخخخ طبعا بالشرقيه مو الرياض

موضوعك عجبني ماشاء الله عليك
ولي رجعه بإذن الله

فكرة خطنطيرة

لكن للاسف ماني من الرياض

موفقة

الله يوفقكم

وانا اشوف ان اي مشروع نسائي نااااااجح تعرفون تدفعون وتمشون خخخخخخ
وعندي اخت احاول فيها تشتغل واعطيها محل بس رافضه تقول بعد الزواج افكر خخخخخخخخخ
واشوف فكرتكم جميله وعاد انتم ادرى بها الشغلات ويمحون حركات الزفات حاولو تدخلون فيها
واللي احسن منها كلها الطقاقه حاولو تكونون فرقه اسلاميه انشاديه او زي كذا

هذا اللي عندي
تحياتي والله يوفقكم

مجهود رائع من إخواننا

وان شاء الله نشوف قروب مطور في هذا المنتدى

وان شاء الله الشباب يفكرون نفسكم

بتوفيق للجميع

الله يوفقك على هذاالطرح الرائع