[align=center]

السلام عليكم ورحمة الله وبركاته


ساعدوني في دراسة جدوى مقصف مدرسة


الايجار 30000 في السنة

عدد الطلاب 500 واكثر شوية


ارجو عند الحساب ان يكون هامش الربح على اقل نسبه عشان اكون في السليم


دمتم بود
[/align]

مايبيلها حسبة توكل على الله وبالتوفيق مشروع مربح اهم شي حافظ عالنظافة

تكفون اللي عنده فكرة يفيدنا

بعطيك جسبة بسيطة

10 كرتون ماء يوميا يباع بسعر 240 ريال تكلفته 120 ريال اي المكسب 120 في الكرتون

شهريا 2400 ريال كدا انتهيت من شي اسمه ايجار


وقس على دلك الساندوتشات والشاي والشيبس والبسكويت والعصيرات الخ

1- راتب البائع ولازم يكون معاه شهاده صحيه اذا اجنبي او سعودي مايحتاج وبما ان المدرسة كبيره فلذلك تحتاج الى عاملين اقل واحد 1000 ريال وخلها ثابته لاترفعها ابداً فقط


الرفع في الارباح فقط يعني اذا الربح تمام هالشهر عطهم 200 او ماشابه دعم لهم وحماس ..

2- كهرباء المقصف من ثلاجات وغيرها اذا المدرسه عندها يمكن ياجرونك الثلاجات واذاماعندها الله يعينك تشتري الثلاجات ..

3- عدد الطلاب حقيقه مُغري 500 وابصم لك بالعشره بتطلع الايجار في فتره والارباح وتوكل على الله

4- الصبر والله يوفقك وشف الممنوعات من الادارة تبع التربية قسم الطلاب الممنوعات والمسموح وايش الشروط عشان تكون على بيّنه اخوي

5- حاول تجدد بين فتره واخرى وفعلاً المشروع مربح اذا حسبت امورك صح من البدايه وكل شيء تمام تعاونت مع مخابز توفر لك يوميا او اسبوعيا واهم شيء الامانه اخوي

يوجد توضيح بالنسبة للايجار
عدد الاشهر الدراسية للسنة سبعة اشهر فقط
يعني الايجار رايح تقسمه على سبعة وليس اثناعشر شهر
يطلع
4285
لكل شهر
طبعا الايجار الحقيقي يكون حسب المعادلة التالية:
عدد الطلاب مضروب في سبعة
في حالتك
500 ضرب 7 = 3500

ولذلك هناك سبعمائة ريال زيادة عليك في كل شهر هذا اذا كانت مدرسة حكومية

*************************************************
انا لي خبرة سابقة سنة واحدة فقط
طبعا عذبوني العمال كل ما اجيب اثنين يمشون مع العلم اني ادللهم واحترمهم لا كن ما في فايدة
جميع العمال الي شغلتهم في المقصف سعوديين

فيه رجال وبنات جربوها ابحث بقوقل تجرب مقصف وشوف