مساء الخيرات والبركات
كل عاااام وأنتم بخير
جايب لكم اليوم مشروع يدر عليك أرباح شهرية خيالية على حسب بدايتك
المشروع يا حلوين هو تربية الأغنام الحرية اللي عنده راس مال يشتغل فيها بلا محلات بلا عطورات بلا خرابيط وكلامي هذا مو نقص فيكم ولا في أفكاركم حاشاكم والله
بس الغنم فيها بركة وورد فيها حديث عن النبي صلى الله عليه وسلم ما يحضرني لكن قراته ومر علي .
والوالد الله يحفظه يقول الغنم غنيمة والله يا خوان الوالد متقاعد وراتبه حول الأربعة آلاف ريال وعندنا حول سبعين راس وتجيب حول أربعة آلاف ثانية يعني راتب ثاني هذا الكلام قبل لا تغلى الغنم أيام الطليان على 800 و750 ريال بس الوالد باعها قبل سنة ونص تقريبا عشان ناس ما تستاهل ,,, والله يعوضه ووده يشتري بس فلوسها طشت .
اللي عنده راس مال ومو بفاضي يشغله يعطيني إياه وله ربح شهري وله الضمان اللي يبيه .
ودمتم سالمين بحفظ الله ,,,

اخوي مساء الخير كم راس المال عشان المشروع

يا أخي الكريم لا تتورط بأموال الناس و لا تتعهد لآحد برد ماله بوقت معين

1- حرام شراعاً أنك تأخذ مال وترده بمكسب أو برأس المال تحت الضمانه
2- لو قدر الله و خسرت فمصيرك السجن , هناك الكثير من الناس أخذو أموال آخرين للآستثمار و كان مصيرهم للسجن بعد خسارتهم في الآستثمار .
3- أنت مندفع و متحمس للتجارة و هذا شيء طيب و أحسن من الجلوس و الأعتماد على الغير و لكن ينقصك التخطيط قبل أن تدخل أي شيء .
4- يبدو أنك ليس عندك خبره في مجال الغنم , فليس كل غنمه تذهب بها للسوق تباع و ليس العلف ( أكل الغنم) مجاناً فكلما مكثت الغنم في الحوش كلما زادت خسائرك .

(( أحذر تجميع أموال الناس للتجارة بها ))
هناك شركات عالمية و بنوك سقطت بسبب انتهاج هذه الطريقة
أقول هذا الكلام لك و لغيرك ولكي لا يقودك الحماس و الإندفاع للسجن

اتمنى لك التوفيق

الغنم كانت مربحة و مباركة و لكن اللحين الاعلاف نار و ما توفي خسايرها الا اذا كانت فوق ال 500 راس ممكن اطلع مصاريفها ..
الله يوفقك

اسعد الله مساكم جميعاً
بخصوص الاخ اللي يقول لازم ٥٠٠ راس واكثر....الخ
انا انقل لكم تجربة واقعيه
عندي والدي الغالي تقريباً ٥٠ راس
ويشتري اعلاف بكرم زايد لانه يحب الغنم
ويذبح للبيت وللضيوف ويبيع ما زاد عن ذلك
وعند حساب المصروفات والايرادات
نجدها مربحة جداً
واشعر ان فيها بركة
الغنم متعبه وتحتاج مجهود
ولكن فيها بركة كبيع وشراء
فما بالك اذا اشتغلت على استخراج السمن البلدي من الحليب
هذا شغل ثاني وله دخل جبار
تحياتي للجميع*

قسم بالله انك صادق,, أنا افكر في المشروع هذا بجدية لكن مخليه مشروع ثاني بعد مايتم مشروعي الاول ان شاء الله في جدة والله يوفقني فيه

الغنم لو بدات انا فيها فلاتحتاج علفه لاني بوديها ديرتي النماص و علفتها من الجبال واستقدم راعي مصري ويوفقنا الله

تاجر متحطم


الله يوفقك يارب

وتجاره بالاغنام والمواشي عامه مربحه لانها تجني مردود

لاكن ع قول اخوي شخص ناجح

صحيح لأتربط نفسك بالتفكير كيف ترد مردود لغيرك

لانك مراح تحس بالربح الي اخذته

وصح من الممكن ماتحصل بيع بالسوق وارتفاع الاعلاف

تبي لك تدفع يعني غيرك مراح يقدر تعبك لو ماشاف

مردود مربح منك وراح تدخل بمشاكل

فكر فيه ولأتشتري خمسين راس

اشتر 20 او 15 واربح القليل وانت مرتاح

افضل من تفكر بهم تسدد لغيرك

والله يوفقك يارب

يا اخوان التجربة غير من الاحلام ..
اقل عن ال 500 راس خسارة و ما فيها اي ربح و ان شاءالله لنا رجعه في التفاصيل مواقع تجربة