مرحبا عزيزتي ..

والله الكلام الي كاتبته كأنك تتكلمين عني الصراحة

لكن عزيزتي من خبرة شخصية وتجربة لازم تقوين شخصيتك عليهم .. مو يعني تعقين ولا تقلين أدب بس لازم تخلين لك كلمه وشخصية وحقك لا تسكتين عنه (( الساكت عن الحق شيطان أخرس ))


أنا يا عزيزتي ربيت أخواني وكنت شغالة في البيت ودايم ينكرون كل شئ اسوية وامور كثيرة أنا حتى مهري يوم انخطبت أخذو مهرى وماشفته وشغلات كثيرة ,, ..

كنت أعطي أمي فلوسي حقت المكافأة وتقول ما يعطيني الا عيالي يعني تنكر أني في يوم عطيتها ..

لكن يلا وش نسوي يظلون هذولا أهلنا كبري راسك وأفرضي شخصيتك عليهم لان باين أنك من النوع المطيع ويسكت

وأهلك من النوع الي مايفهمون يمكن إلا لمى تفرضين نفسك عليهم وتحطين حدود ,, راح تتعبين بالبداية لكن راح ترتاحين بعدين ..


والله يسعدك دنيا وأخرة ...

شوفي نصيحتي لك
أنك من ناحيه قانونيه تعتبرين أنك بالغه ولك الأحقيه في أمتلاك حصتك ,,
تقدرين تروحين للمحكمه ويقسمون الراتب قسم لك وقسم لأمك
وقسمك رح ينزل على حسابك بالبنك وأمك مالها حق فيه
وهذا أنا أشوفه أنسب حل لك
حتى لو أمك زعلت عليك , الحق حق
وهي بكلا الحالتين مب عاجبها شيء
والناس اللي تقول أصبري وأدعي مدري كيف يفكرون ,, الصبر والدعاء مابيفيدك بشيء إذا ماعملتي بالأسباب وأنتي ماسويتي شيء غلط أنتي طالبتي بحقك
يكفي فلوسك اللي أكلتها لأخوك من غير مشورتك , ظلم عيني عينك
وأمك مهما كانت مكانتها تعتبر ظالمتك و 100% غلطانه بحقك , أنتي ماسويتي شيء غلط إلا أنك بريتي بها وقمتي بحقها , لكن مع إحترامي لك سكتي عن حقك مدري هو خوف ولى جبن فيك "الساكت عن الحق شيطان أخرس"

وبالنهايه أبي أأكد لك أنه مافيها شيء غلط لو طالبتي بحقك حتى لو كان من أقرب الناس لك
المحكمه رح تحسم الأمر لك , بس كل اللي تحتاجينه أنك تتشجعين وتوقفين الظلم بحقك
أتمنى أني أفدتك

تحيااتي

معليش اذا على كلمك فـ امك احسها نفسيته مش مضبوطه وماهي طبيعيه الله يعينك

ان بصبرك واحتسابك الاجر فلكي الجنه والخير الوفي وما ابتلاكي الله به فهو مكسب للاخره فاجعلي افكارك ومشاريعك الدنيويه ملاذها وتحقيقها بجنة عرضها السموات والارض
فالصبر والاستغفار والذكر والاحتساب والبر في امك سبل لرضاء الله وما جزاء رضاء الرحمن عنك الا الجنة والفردوس الاعلى

دعواتنا لك بالصبر والتثبيت وان يرزقك الرجل الصالح الصادق في الدنيا والاخره

كلامهم عين العقل وكلام فتى ومتريشة صحيح

الله عزوجل إذ أحب عبدا ابتلاااه لاحظي

الكلمة الاخيرة وبالأخير هذي والدتك

تحملي واصبري الصبر مفتاح الفرج

وصدقيني رآح تفرج لك يوما من الأيام

محد مرتاح بالدنيا هاذي ابدااا محد مرتااح

وادعي ربك في سجودك وألحي بالدعاء

مع ذكر أسماءهـ الحسنى ادعي بكل وقت

لاتقولي تعبت من الدعاء ..

وتاملي قول الله تعالى:

(وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )

هذا كلام الله مو كلام باطل ولا كلام أحد ثاني

اصبري واحتسبي الأجر ..

والله معك في كل وقت

اهم شيء رضى الوالدين والحمد لله حالك افضل من غيرك 500 بالشهر حلوة

اذكر واحد من الشباب قال يبغى وظيفة وهو يعتبر ميسور حاله قلت له ليش مستعجل

قال ابغى فلوس بيدي وراتب ?ني لو عملت ايش مابقدر ادخل على نفسي 500 ريال بالشهر اذا ماعندي وظيفة

وانتي 500 من فضل الله ثم من فضل والدك الله يرحمه تجيك وانتي مرتاحه يفترض يزيد برك بأمك الله يبارك فيك ويخليك لها وييسر امرك

امك شكلها مضغوطه وشايله همكم وهذا حال اي وحده بوضعها

لما الواحد يكون شايل هم مصروف يومه و الاساسيات اكيد مابيتقبل احد يناقشه او يطلب منه فلوس لمشاريع او كماليات

فتره وتعدي ان شاء الله

المهم ماتخلون الظروف تتحكم فيكم واستعينوا بالله


وانتي تقدري تشتغلي بدون راس مال تعلمي حرفه او شي وابدأي العمل
والله يوفقك


وحقك تقدرين تخلينه ينزل على حسابك مباشره وامك حقها ينزل لها على حسابها
بس المهم بعدين تشاركين بمصاريف البيت الاساسيه مو تخلين امك عليها كل شي وانتي حقك تصرفينه على الكماليات

1 / تدرون بعد ما مات ابوي الله يرحمه .. عمري وقتها 17 .. واحد من اقاربنا الله لا يوفقه استغفر الله .. اقترح على امي انها تملكني على اي احد كذا بس عشان اطلع من الكرت العايله لان النظام في السعوديه ان اللي يموت و ما في بطاقته غير زوجته يرجع لها راتبه كامل ..

اما ان كان في اشخاص بالكرت فيتقلص الراتب و يتقسم الباقي عليهم ..





ادري الموضوع قديم والله يعينك وربي حاسه فيك


لكن الشي اللي استغربه وش هانظام في السعوديه المفروض العكس اللي يتوفى وعنده اولاد وبنات وينزلو الراتب لهم كامل

قسم بالله ان الظلم بعينه

الكلام كثير والاعضاء كفوا ووفوا
الله ييسر امرك ويفرج همك وامك راعي كُبْر سنها هي ماتقصد اللي تسويه لك هي مكبوته من جواتها وانتي غلاتها فاتصرخ عليك تبي اهتمام منك لانك انتي اللي ترتاح له وتتغلى عليه غيري من حياتك اكسبي امك بالسواليف والطلعه معاها واعملي اللي تبغاه بدون ضجر لما تتنكر او تدعي سامحيها الله يرى برّك فيها فبيعطيك مايرضيك اتذكري دائماً انها من ابواب الجنه ادعي الله انها ترضى عنك لاجل رضاه وان شاء الله ماتشوفي الا اللي يسرك