صباح / مساء الخيرات للجميع ..

اصبحنا و اصبح الملك لله ..

شوو اخباركم يا حلوين ..

ربي يعلم اشكثر ارتحت الكم و حبيتكم كاخوان و اخوات لي لم تلدهم امي ..

بقولكم قصتي و ابي انصاف بالشرع بغض النظر عن العادات و التقاليد , لان العادات هي اللي سببت لي ازمه ..

مع ان الشرع حافظ لي كامل حريتي في التصرف بشؤووني الخاصه .. و انا كبيره ماشيه بالـ 25 سنه و الحمدالله عاقله و اعرف الصح من الغلط ..

انا من عائله تعتبر من ذوي الدخل المحدود و مستوانا بسيط جدا متوسط الحال و الحمدلله على كل حال , الحمدالله نعيش في بيت ملك بسييييييييط و اثاثه ابسط منه ..

مافي احد يحب ياخذ مال من احد على اساس انها صدقه او زكاه لكن اسمعووووني للاخر ..

مشكلتي هي " امــــــــــــــــــــــــــــــــــــــــــــــــ ـــــــــي " ..

رجاء لا تقولون عقوق لان محد قايم بامي غيري و لحد مفكر فيها غيري و انا ما امنّ و هذا واجب علي رضيت و الا ما رضيت ..

لكن اسمعوني للاخر ترى دمعتي على خدي ..

امي حبيبتي يا خلف عيني والله احبك بس ماني صغيره خلاص يمه تكفين خليني احس اني مسؤوله ابي اعيش مثل غيري من بنات عمري ..

امي يالغاليه ليش انتي كذا معي انا بالذات ؟

لا تفكرونن اني اقدر اصارح امي بمثل كذا لاني مقدر و اخاف ..

احاول افهمها بس مااااااش يمه ماش ..

زمان يوم كان ابوي حي الله يرحمه كانوا الناس يحسدوننا على عيشتنا و حياتنا رغم بساطة الراتب و رغم ان ابوي كان عليه دين 800 الف .. و رغم ذلك كان معيشنا ملووووووووووووك و ما نحتاج شي ..

كان بيتنا ما يخلا من الضيوف و العزايم و الذبايح .. كان يتصدق و يعطي و لا عمره قال لاحد تكفى ..

مات ابوي الله يرحمه و قبل يموت بسنه مرينا بظروف ماديه صعبه جدا ..

و حسبنا الله و نعم الوكيل على من كان السبب ..

امي صارت هي وكيلتنا .. تخيلوا يا ناس احنا مو محتااااااااااااجين والله لكنها تقبل الصدقات من الناس و مين هالناس ؟ جماعتنا و اقاربنا ! و تفهم الناس اننا محتاجين و محد منحرج غيري انا ..

والله والله والله اني كرهت الطلعات و العزايم و الجماعه و كل الناس كرهتهم من جد ..

امي ما تعرف تتصرف امي ماخذه الوكاله و نصيبي ينزل من راتب ابوي على حسابها مع نصيبها سوى ..

لمن اقولها ابي فلوسي تقب علي و اهلي يقبون معها < طبعا خواتي كلهم متزوجات و موظفات و اخواني نفس الشي .. !!

تشوف انه مو من حقي اخذ الفلوس .. راسي مليان مشاريع و افكار و امي تعيقني اما بسخريه او بصرخة منها تخليني انسى الموضوع من اساسه .. ادري ان امي قلبها حنيّن و لكن ..!

كل ما اقولها شي تدعي او تصرخ .. والله اني صابره صبر الجبال ..

عندي مشاريع ابي اسوي شي يفيدني ما طلبت فضل من احد ابي بس فلووسي من كثرها اصلا !!

تخيلوا قبل سنه طلعت سياره لاخوي و نص المبلغ من فلوسي مااخذت رايي حتى !

و اذا قلت ابي فلوس انزل السوق قالت ليش وش تبين بالسوق .. ماانزل السوق الا مره او مرتين بالسنه ! لولا اني ادرس و الا كان ما شميت ريحة السوق .. و اذا اعطتني تعطيني 500 و تقول اشتري بها كل اللي ناقصك !

و اخوي والله انها مرت عليها فتره تعطيه 500 كل اسبوع و هو لا شغله و لا مشغله ..

تحاسبني على الشنطه يوم اشتريها تحاسبني على المصروف ..

سوت عمليه قبل كم شهر محد وقف معاها غيري تنومت معاها و يوم طلعت من العمليه و فاقت والله انها تصرخ علي و تدعي قدام الناس ! ليش يمه وش سويت ؟!!

رجعنا البيت قمت فيها و كلن تعذر بشغله الا انا و هذا واجبي لكن ما يصير حتى كلمة شكر ما القى !

انا الحين مابي شي ابي بس اسوي لي مشروع بسيط بفلووسي موو من عند احد مو من طلبت احد مو بفضل احد غير ربي سبحانه ..

كل ما قلتلها شي تقول تخرجي و توظفي و سوي براتبك اللي تبين .. طيب انا الحين عندي راتب وو !! يمه تكفين ..

عمي الله رحمه مات بنفس الفتره اللي مات بها ابوي الله يرحمهم جميع و عنده بنت بنفس سني و اسستغفر الله فاشله توها تكمل الثنوي و انا دخلت الجامعه باصعب تخصص بس عشان ارضي ابوي بقبره و احقق امنيته مني .. لانه مات قبل اتخرج من الثنوي بكم شهر فقط !

و زوجة عمي اهي خالتي والله يوم اشوف بنت عمي اني اغبطها .. تخيلوا حالتهم نففففففس حالتنا و هي اللي تتصرف و تمشي كل شي على كيفها .. بطاقة الصراف بيدها تشتري اللي تبي و على بالكم من راتبها ؟

لا راتبها تحفظه و تصرف راتب امها ما تخلي لها شي ..

..

ختاما عندي ملاحظتين ابيكم تدونونها :

1 / تدرون بعد ما مات ابوي الله يرحمه .. عمري وقتها 17 .. واحد من اقاربنا الله لا يوفقه استغفر الله .. اقترح على امي انها تملكني على اي احد كذا بس عشان اطلع من الكرت العايله لان النظام في السعوديه ان اللي يموت و ما في بطاقته غير زوجته يرجع لها راتبه كامل ..

اما ان كان في اشخاص بالكرت فيتقلص الراتب و يتقسم الباقي عليهم ..

ففكرة هذا الشخص الحقير انهم يملكون لي لاي شخص الين اطلع من البطاقه بعدين يطلقني و بس عشان الراتب و انا ما دريت بالسالفه الا قريب !! يعني لولا رحمة ربي و لطفه كان انا الحين ؟؟!! الله اعلم .

2 / امي تعاملني عادي مع شوية صراخ و دعاء بس يوم تشوف احد من اهلي تقلب علي بشكل مو طبيعي .. تبين لهم انها مظلومه و اني جالسه و هي تشتغل بالبيت و بس تدعي و تصارخ و تطلع فيني عيوب مدري من وين ..

المشكله انها دايم تقول لي اسرار على اخواني و تناقشني باوضاعهم و احفظ السر بس اذا شافتهم ! ما كنها تعرفني ؟