السلام عليككم
بدخل بالموضوع ، انا اخوي انقبل السنة هذي على الرغبة الثانية في جامعة فيصل " ادارة اعمال " وكان حاط ببالهه يحول للهندسة رغبة الاولى بعد سنة

كان مقدم بشركات وجاته شركة اسمها sk engineering & construction
ما لقيت عنها معلومات غير انها شركة كورية
الشركة عرضة عليه يدرس بالمعهد التقني بالجبيل مع مميزات سكن وتامين ومواصلات ومكافاه 2500 و وظيفة بعد التخرج

وهو محتار يبي يكون مهندس وخايف يضيع فرصة الوظيفة
واخر يوم لتسليم الوثائق يوم الاربعاء

بليز اعطوني نصيحتكم
واسفة اذا الموضوع مو بقسمه

نصيحة اخوية..قولي لخوك يكمل دراستة الجامعية هندسة ويجيب معدل,,,والشركات لاحق عليها بعد التخرج ويمكن يحصل فرص افضل بشهادة البكلوريا ويمكن يكمل ابتعاث ماستر الخ الخ
لايصيرمثل حكايتنا شركات شركات وهالحين رجعنا نكمل بعد سنين,,,

الف شكر لك