السلام عليكم ورحمة الله وبركاته

--

اخواني بغيت اطرح موضوع عن اسواق الاتصالات بالرياض

اللي يطلع للمرسلات في الرياض يشوف ان 95% من اللي يبيعون هناك اجانب من جميع الجنسيات

وحبيت الجميع يشارك في هالموضوع وخصوصاً اللي يشتغل في السوق ومجرب فيه

رحت لسوق الاتصالات في المرسلات خلف وزارة العمل في الرياض ,
قعدت ادور كشك صغير في السوق يكون رخيص وابدأ فيه مشروع اتكسب منه وحست ودورت ومالقيت ايجار أقل من 2500 ريال في الشهر للكشك الواحد

واللي في المقدمة لا يقل عن 7000 ريال في الشهر الواحد فقط ويوصل لـ 12000 ريال

بصراحة ضاق صدري شوي وأنا اشوف السوق كله اجانب

وقلت يعني معقولة كل هالايجارات يدفعها الاجنبي , ومستمر في الشغل ؟

قعدت اضرب فيها طلع لي 30,000 ريال في السنة اذا خذيت ابو 2500 في لشهر
و 84,000 ريال اذا خذيت اللي في المقدمة بـ 7000 ريال في الشهر

يعني مبالغ بصراحة كبيرة ..

وقلت اشوف من اهل الخبرة في السوق

هل اذا دخلت في هالمشروع اني اطلع حق الايجار وفوقه زيادة ؟؟

من بيع الجوالات والاكسسوارات والبرامج وغيرها !؟

ليتكم تفيدونا لأن بصراحة السوق كله اجانب ولا فيه اي صعوبة في بدء المشروع من رخصة محل او عمال او غيرها .. سوى الـ 2500 حق الايجار ومبلغ البضاعة .. والبدء في البيع والمشترى

ليتكم تفيدونا بالمعلومات والمشاركة


--

انا ماعندى اي معلومه
لكن اتوقع اغلب الشغل على السوفت وير(تنزيل العاب وتحديثات للأجهزه) بعدها تجي الاكسسوارات
يعنى يبغى لك واحد فاهم في البرامج لأن أغلب الشعب يستعمل ولو صارت له اى مشكله في جهازه مايعرف يحلها ويروح للمحلات
كلامى مجرد توقع ماهو من خبره ............ و وفق الله الجميع

ما اتوقع اخوي انك بتستفيد شي
لاني انا لما اروح للمرسلات اقول للكشك عندك الحاجه الفلانيه يقول لا مهي عندي بس عند فلان ويدليني عليه
وهذا ان دل وانا اخوك في تحليلي انا انهم متفقين بين بعض يمكن اربع او ثلاث كشكات بحيث انهم يقتسمون البضاعه يعني كل واحد يجيب كم نوع من البضاعه والثاني يكمل خويه ببضاعته اما انك تدخل بالحالك فأنا اتوقع انها صعبه شوي
ولا تنسى ترا العمال متعونين في ما بينهم وأحتمال ما يخلون لك مجال
وفي النهايه الرزق على الله

إلي أعرفه أنه الأكسسوارات فيه ربح كثير بس ماتوقع انك رح تربح بالمرسلات الأفضل انك تأخذ كشك بسوق كبير بس مايكون فيه أحد يبيع فيه اكسسوارات وأشوفها فكرة ناجحة

بالتوفيق

[align=center]مساء الخير على الموجودين اخوي ابداء مشروعك لانه فيه رزق وهذي قصه احد الاصحاب دخل عالم الجوالات بي 500 ريال بس وذحين معه ثلاث محلات في جده وهذا معهد مركز الأيدي السعوديه للتدريب بجده
الروابط الخارجية مخالفة
[/align]

والله يالغالي انا اشوف انك تفتح محل او كشك في مول او اي سوق

وبآذن الله تدخل ذهب لان اغلب البنات ما يسوي سوفت وير او ياخذ اكسسوارت الا بالمولات تتسوق وترجع عليك مخلص جوالها

وبنفس الوقت ما فيها منافسه مثل مجمعات الجولات

وبالتوفيق لك ان شاء الله

وبعدين اخوي اكسسوارات شوف كيف سعر الجمله عندك في الرياض و شوف لك خوي في جده يشوف لك السعر عنده بس اكثر شيء يمشي شغل المحل هو ادخال البرامج بجميع الانواع الجديده والقديمه من الاجهزه و الصيانه والصيانه وبعدين اذا تسمع النصيحه اذا تبي فلوس شوف اذا عندك مصانع فيه حريم تراء كويس لانه راح تجيك الفلوس اكثر و نصيحه اخيره ابعد عن الحـــــــــرام لانه راح يضع تعبك بدووون فائده وشكرآ ....؟

وفقك الله ولكن انتبه من الحرام


الجليبريك يعتبر سرقة

البرامج المكركة كلها تعتبر سرقة لذلك حاول انت تبتعد عنها

بتوفيق لك

الاكسسوارات ممكن تكون أفضل

ولو أشتغلت في التوزيع قد يكون أفضل

تشتري بالجملة من البطحاء وتوزع على المحلات في الرياض وخارج الرياض