فكره مشروع قد تستفيد منها وتفتحلك باب رزق بعد توفيق الله

علبه مويه · #1 (**permalink**) 05-09-2012, 04:47 PM

السلام عليكم ورحمه وبركاته

الله يرزقكم ويرزقنا الكسب الطيب ويغنينا حلاله عن حرامه

لاتواخذواني ياجماعه على الاسم عجزت والله احصل اسم

اسمي عبدالعزيز الي يحب يناديني بهاالاسم او ابوابراهيم

مالكم بالطويله وصلوا على محمد

بتكلم بعفويتي وبساطتي بعيد عن برستيج الانترنت

وادعولي ولوالديني ولذريتي بحسن الخاتمه وجنات النعيم وكل مسلم

فكره بسيطه باصاحب راس المال الي محتار وش تسوي فيه

دورلك ددسن او هايلكس اهم شي صندوق واشتره تحصلك واحد يمشي الحال ب 5 الاف الى 7 الاف*
ودورلك عامل واجره وانتم خابرين العماله في السعوديه مايقدرون يتملكون سياره نقل بمعنى مبسط لاخواتنا ددسن او هايلكس العامل مايقدر يسجله باسمه مايقدر الى بسياره صغيره يسجلها باسمه

تأجره الف ريال في الشهر لانه عامل محتاجها ينقل معداته
يستفيد منها عمال الجبس او محلات النجاره او الخطاطين واصحاب البقالات والخضار
بشكل عام العماله كلهم*

وش عليك انت ياصاحب السياره

تروح انت وياه للمرور وهذا حققك وتفوضه بقياده السياره اول مره جرب تفوضه6 شهور
جاه مخالفه ساهر جاه حادث ذبح احد كل شي براس العامل انت معك اوراقك الرسميه ومن جهه حكوميه*

في حاله انه جحد او سحب ماعطاك الاجار اكلف ماعليك تمر اقرب قسم وبلغ عن هروبه ويعمم عليه

شوي شوي تحصل نفسك واصل فوق ياربي لك الحمد

ونفس الفكره لوحصلت لك دباب تكتك حق العمال تاخذه وتاجره على المطاعم او البقالات توصيل طلبات بس لازم يكون ثقه لانه دباب واجره ب 300 ريال الى 500 ريال

وبذالك ريحت راسك

اقتراحتكم ومدحكم وذمكم يهمني*
لاتنساني من صالح دعاك ولواعجبتك الفكره مايمنع تقيم

الأطلسي · #2 (**permalink**) 05-09-2012, 08:47 PM

جزاك الله كل خير

والله يكثر من امثالك اللي يحبون الخير لأخوانهم

+ تقييم

وسط العاصمة · #3 (**permalink**) 05-09-2012, 09:12 PM

بيض الله وجهك

فوتشر · #4 (**permalink**) 06-09-2012, 12:51 AM

فكره حلوووه
جزاك الله الف خير

علبه مويه · #5 (**permalink**) 06-09-2012, 03:10 AM

ووجيهكم

ويجزاكم كل خير ورحم الله والدينا والديكم وكل مسلم

دعوه بظهر الغيب لوالدينا ترفعهم درجات في جنان النعيم ان شاء الله

نايف خماش · #6 (**permalink**) 06-09-2012, 04:22 AM

طيب شيل فكرة الددسن من راسك ياعمي وخليها مثلا سطحه تحميل سيارات ولا دينه لتحميل العفش
يعني ممكن تدور اللي سعرها من 40000 الى 50000 وتقسطها على العامل بمكسب 15000

ارامادا · #7 (**permalink**) 06-09-2012, 09:53 AM

بتوفيق للجميع

راقيه · #8 (**permalink**) 06-09-2012, 10:06 AM

اشتغل بعرق جبينك
تترزق ورا واحد ضعيف محتاج الريال اكثر منك

وبعدين السيارة ام 6 آلاف برأيك بتدوم شهر أو شهرين سليمه ؟
اكيد بتخرب معه وممكن تظلمه وتخليه هو يصلحها من حسابه والسيارة اصلا معدومه من قبل تعطيه اياها ..

ياشيخ دور لك أشرف من هذه الفكرة ..

علبه مويه · #9 (**permalink**) 07-09-2012, 05:21 AM

نورتوني بطلتك وتواجدكم

اخوي نايف الله يحيك بس يمكن ماحد يقدر يوفر المبلغ هذا القصد

اختي رايقه الله يجزاك الجنه وكل مسلم
هدي من اعصابك الموضوع مايسوى
العصبيه الي انتي فيها وجهه نظرك احترمها وعلى عيني وراسي بس مو بطريقتك وعصبيتك

بعدين انا ماخذت تعبه
انا اخذ منه الف ريال بالشهر وهو يجيب اكثر من ٢٠ الف
وهو بحاجتها بحاجه السياره لان الددسن او الهايلكس مايقدر العامل يسجلها باسمه
وبينت هذا بموضوعي بس الله يهديك معصبه

نورتوني بطلتكم