ابي اسال عن الاعتذار كيف يكون انا ماباشرت وحاليا بالرياض رحت للديوان عشان اعتذر قالو لازم تسافرين القصيم وتعتذرين هناك حسبي عليهم بعد مارجعت للرياض من القصيم يقولون ارجعي تبهذلت ابي احد يجاوبني عن طريقه الاعتذار الرسميه لانو خايفه ينقطع عني معاش والدي المتوفي اذا مااعتذرت بالطريقه الصحيحه

انتي ماوقعتي مباشره؟؟

اذ جوابك لا مايحتاج تعتذري والله اعلم

اما اذا انك وقعتي مباشره فيلزم اخلاء الطرف

بس ياختي ليه تتركي وظيفتك الاسبوع هذا كنت في القصيم ماشاء الله شوفت بنات الرياض اغلبهم هناك متوظفين اللي جايه مع اخوها واللي مع زوجها واللي هيا واختها الامر سهاله ياقلبي مواصلات وسكن وخدماات جد رائع شوفيلك بنت من بنات الرياض الموجهات للقصيم واسكني معهم واتعاونوا

وربي يكتبلك الخير

أختي مثل ماقالوا لك للأسف لازم من المنطقة اللي طلع تعيينك فيها طيب أسأليهم تقدرين ترسلين من ينوب عنك يعني ما يحتاج حضورك اذا كان صعب عليك .... موفقة

أختي الحل هو انه تكتبين خطاب موجهه الى مدير شؤون الموظفين بوزارة التربية والتعليم تشرحين فيه

مثال :

سعادة مدير عام شوؤن الموظفين بوزارة التربية والتعليم المحترم
السلام عليكم ورحمة الله وبركاته وبعد ....
أفيدكم بأنني تقدمت بطلب وظيفة على وزارة التربية والتعليم وتم قبولي وعينت على وظيفة إدارية بمدرسة ........... ومدينة ........ , , وطموحي أكبر من وظيفة إدارية , لذا أفيكم بأنني أقدم اعتذاري وعدم رغبتي في الوظيفة الادارية وتنازلي عنها ولاأرغبها , وفقكم الله ورعاكم .

الأسم : ............
رقم البطاقة : .............
التوقيع : .............





وتذهبين به الى الوزاره قسم شؤون الموظفين وتخلصين الأجراءات ( روتين )


أتمنى أني أفدتك بما عندي ....... دعواتك