السلام عليكم يا أيها الشعب المكافح

بعيدا عن البروتوكلات الخاصه بالنت ببدا اخش على الموضوع حقي ((دغري)) على قوله اشقاءنا الاردنيين

بسم الله وعلى بركه الله نبدا مشوار ال100 الف ريال

تنبيه (( اذا كنت مازلت طالب فهذا الموضوع عضه بضروسك ولا تفلته ))

اولا أنا طالب جامعي وتقريبا باقيلي حول ال3 سنين واتخرج ونبدأ ندور بنت الحلال
فمشروعي اصلا بالأساس هو مشروع زواج لكن تعرفون تكاليف الزواجات صارت غاليه والوالد يوم زوج اخوي الصيف ذا اعلن بشكل رسمي افلاسه وسددها بوجهي وقال يا ماجد زوج نفسك بنفسك تسديده في نص الجبهه فالمهم بعد مالميت شتات نفسي المتناثرة في كل حدب وصوب قلت أنا كفو واقدر لها انشالله <<<<<اسلك لنفسي فقررت من قبل امس أني أبدا مشروع ال100 الف فرحت سألت اخوي كم كلفك الزواج قالي 100 الف تقريبا فرحت طلعت دفتر الرياضيات واله حاسبه وبرايه وقلم رصاص ومساحه وزقاره قلت بحسبها

انا باقيلي 3 سنين واتخرج بمعنى 36 شهر اي 1080 يوم
الزبدة قلت هدفي بعد التخرج ارفع البلاطه حقت الحوش والاقي 100 الف ريال
فحسبنا وقلنا 100 الف نقسمها على 36 شهر بيطلع لازم اجمع 2777ريال و77 هلله
وقلنا لازم بكل يوم اجمع 92 ريال ونص ريال عشان اجيب ال2777 ريال بالشهر

قلت بحفر لي حفره بالحوش واحط فيها صندوق وأبدا اجمع ثروتي <<<<<خف علينا ياقرصان انت
ومايجي اليوم اللي وانا استلم فيه وثيقه التخرج الا وادبل دعسه للبيت واشيل البلاطه والاقي مهر العروسة جاهز

فقبل امس الحمدلله جمعت 102 ريال قعدت اكد على السيارة مطار دمام دمام خبر خبر مطار وحصلت وأمس نفس ألطريقه جمعت 115 ريال وانشالله اليوم بستغل زحمه جسر البحرين

اتمنى موضوعي بيفيد غيري هو صحيح تعب شوي بس بعد التعب ذا بتذوق الهنا هي والله بس تاخذ مني تقريبا ثلاث ساعات باليوم

فأبي منكم شغلتين بالأخير

ادعولي بالصبر والثبات على هالمشروع

وأبي منكم توصون علي وتنصحوني وتقترحون علي كيف اقدر اكسب 100 ريال يوميا

ماشالله الله يوفقك ي رب
جاء بالحديث ثلاث حق على الله عونهم وذكر منهم ناكح يريد العفاف
الله يفتح لك الرزق ويسسر لك

بتوفيق لك يغالي ويسرلك أمرك ان شاء الله

الله يوفقك

تقدر تزيد دخلك بتوصيل الطلبات يعني تكد وتوصل طلبات

والزقارة حاول تتخلص منها لأنها معصية وتؤثر على صحتك ومالك الله يخلصك منها

كفو والله هذا الشباب المكافح اللي يرفع الراس

.. من رأيي وافضل من المطار الذهاب الى مواقف النقل الجماعي وتحميل ركاب للبحرين .. ثم الانتظار امام فندق عذاري وتحميل ركاب في الرجعه .. انا شخصياً لا اذهب البحرين بسيارتي في الاونة الاخيره واطلب اشخاص بالاسم يشتغلون على سياراتهم الخاصه لتوصيلي ب 150 الى 250 في الرايح ومثلها في الجاي
... عندك ايضاً نقليات السالم بالخبر المتعاقده مع عدد من خطوط الطيران لتوصيل الركاب لمطار البحرين .. وقف هناك بتلاقي كثير يريدون اختصار الوقت والركوب معك للمطار ... مع الوقت بتلاقي انك لا تحتاج للوقوف في اي مكان فزبائنك يطلبوك بالجوال .. وخاصة اهل الرياض الذين ياتون للشرقيه ويريدون ايصالهم للبحرين

فكره اكثر من عظيمه ..

والله يوفقك ان شاء الله ..

وضاعف دخلك يعني ليش ماتقول خل اجمع يوميا ١٩٥ عشان بعد ثلاث سنوات يكون معي ميتين الف
واتزوج بميه واشتري سياره بميه ويا سلام ^
بس مشكلة التوصيل مره تكلم واحد عنها في المرور انها قد تضيع مستقبلك كله عشان هالتوصيل

المشكله انك انت توصل ناس ماتعرفهم بمعنات انك يمكن توصل واحد يمكن يكون مهرب مخدرات ويمسكونه معك
ويمكن يقول هالمخدرات حقت راعي السياره ومشكله كيذا !!

او يكون مطلوب امنيا وهارب من العداله ..
فابطيح بمشاكل ..
انا ماقولك وقف شغلك استمر بس خلها نضاميه عشان لاصار شيء لاقدر الله تكون برا المشكله ..
او ع الاقل فتح عيونك وحاول انك توصل عائلات يعني حرمه ورجال مع عياله ..
لان مستحيل اب مع زوجته وعياله وتلقى مهرب ولا مسوي جريمه ..
كيذا تكون اقل عرضه للمشاكل ..
وموفق ان شاء الله ..

الصراحة أنك
أنا أنصحك ببيع دهن العود فيها ربح حلو

والله يوفقك

اخي الكريم الفكرة ممتازة وراح تطلع اكثر من 100 ريال باليوم خذمشاوير من الشرقية للبحرين وروح لمطار البحرين تلقي ناس يبون الشرقية
الله يوفقك

يا غالي جمع لك حق باص أنيسة صغير .. ووصل المعلمات الحكوميات إلي تعينو ب قرى وهجر بعييده عن سكنهم أو بالأصح مدينتهم ..
وخذ من كل وحده آخر الشهر 1000 ريال (ألف ريال) .. وشوف عدد المعلمات وإضربه بألف .. بتطلع الراتب (:
سمعت قريب عن واحد معاه أنيسة يوصل 10 معلمات لقرية على أطراف المدينه إلي هو ساكن فيها.. و10000 آلاف يستلمها نهاية كل شهر ..ماشاء الله تبارك الله
والله يرزق الجميع يا غالي ويرزقك

سبحان الله وبحمده عدد خلقة ورضى نفسة وزنة عرشة ومداد كلماتة