استشاره في مشروع نقل طالبات وموظفات

حبارى · #1 (**permalink**) 06-09-2012, 11:13 PM

السلام عليكم

ياليت من اهل الخبره يفيدوني قبل ابدا بالمشروع ،،

بحكم اني بنت فيه بعض المعلومات ما اعرفها ، وياليت احد يفيدني

قررت اشتري فان مستعمل واجيب سواق لنقل الطالبات او الموظفات..

اسئلتي هي:

1- ايش افضل انواع الفانات اللي تتحمل وماتكون خراباتها كثيره ، وماتكون اقدم من موديل كم؟ يعني من 2005 وطالع ؟ ولا من 2000 وطالع ؟ ولا ايش الانسب؟

2- كم السعر المعقول للفان؟ والمفروض مايتعدى مبلغ كم؟

3- السواق يفضل يكون على كفالتي ولا لا؟
ولو كان على كفالتي اجيب واحد جديد من ديرته يبي لي وقت اعلمه عربي ويعرف الاماكن والطرق!
ينفع اخذ سواق من هنا وانقل كفالته؟

4- لو شغلت سواق مو على كفالتي ايش المخاوف او العيوب اللي ممكن اواجهها ؟ واذا اضطريت اشغل واحد مو على كفالتي وش الاجراءات اللي مفروض اسويها عشان اضمن السياره او مايسوي فيها شي غلط؟

5- السواق اعطيه راتب ثابت ، ولا نسبه ، ولا اخذ منه حق الطالبات ومبلغ معين ثابت شهري وهو يوصل مشاوير على كيفه بالليل ؟
- بأي حاله من هالحالات البنزين والصيانه تكون علي ولا عليه؟-

6- السكن هو يدبر نفسه ولا لازم انا اوفر له؟

علماً اني ماراح احتاجه للبيت ابدا ..

واذا فيه اي اقتراحات ممكن تفيدني ياليت ماتبخلون علي فيها

حبارى · #2 (**permalink**) 07-09-2012, 05:50 AM

--------

حبارى · #3 (**permalink**) 09-09-2012, 04:39 AM

------

طميطم · #4 (**permalink**) 10-09-2012, 10:48 AM

اقتباس:

المشاركة الأصلية كتبت بواسطة حبارى

السلام عليكم

عليكم السلام

ياليت من اهل الخبره يفيدوني قبل ابدا بالمشروع ،،

ان شاء الله اقدر افيدك لأني عامل نفس الشغلة

بحكم اني بنت فيه بعض المعلومات ما اعرفها ، وياليت احد يفيدني

قررت اشتري فان مستعمل واجيب سواق لنقل الطالبات او الموظفات..

اسئلتي هي:

1- ايش افضل انواع الفانات اللي تتحمل وماتكون خراباتها كثيره ، وماتكون اقدم من موديل كم؟ يعني من 2005 وطالع ؟ ولا من 2000 وطالع ؟ ولا ايش الانسب؟
والله يا اختي اذا كان السواق جديد وهذا الأفضل انك تشتري مستعمل
انا معطي سواقي فان فري ستار من فورد والى الان الحمد لله طيب وسعره رخيص لكن افضل شيئ انك تاخذي من موديل 2004 وفوق واسعارهن من ال24 الى 35 تقريبا على حسب الموديل والنظافة واذا جيتي بتشتري سوى فحص كامل على السيارة فيه هناك محلات عند المعارض للكشف عن السيارات من ناحية المكينة والقير والبدي اذا فيه صدمات ولا لا
2- كم السعر المعقول للفان؟ والمفروض مايتعدى مبلغ كم؟
اذا تبين جديد عندك الهونداي h1 مو غالي وسعره جديد 72000 تقريبا لكن اذا السواق جديد خوذي مستعمل افضل

3- السواق يفضل يكون على كفالتي ولا لا؟
نعم وبقوة
ولو كان على كفالتي اجيب واحد جديد من ديرته يبي لي وقت اعلمه عربي ويعرف الاماكن والطرق!
ينفع اخذ سواق من هنا وانقل كفالته؟
الجديد افضل لأنه ما يعرف الا الله ثم انت اما نقل الكفالة فهو مكلف ياصل من 12000 تقريا وفوق انا حصلت ب10 الاف قبل مدة لكن له 7 شهور اما القديم فممكن ياصل 18000 ويمكن ازود

4- لو شغلت سواق مو على كفالتي ايش المخاوف او العيوب اللي ممكن اواجهها ؟ واذا اضطريت اشغل واحد مو على كفالتي وش الاجراءات اللي مفروض اسويها عشان اضمن السياره او مايسوي فيها شي غلط؟
ابتعدي كل البعد لأنه ممكن يهرب بالسيارة ولا تهمه نظافتها او خراباتها وغير ذلك فنصيحة شيلي الفكرة هذي من راسك

5- السواق اعطيه راتب ثابت ، ولا نسبه ، ولا اخذ منه حق الطالبات ومبلغ معين ثابت شهري وهو يوصل مشاوير على كيفه بالليل ؟
اذا كان جديد او نقل كفالة وهو لس جديد يعني ما كمل سنة عطيه راتب وبعد ما يكمل سنتين ويكون عنده خلفية بالأماكن ويصير ثقة اعطيه بالنسبة غير الراتب

- بأي حاله من هالحالات البنزين والصيانه تكون علي ولا عليه؟-
اذا كان يستلم راتب ثابت تقريبا فكل شيئ عليك
6- السكن هو يدبر نفسه ولا لازم انا اوفر له؟
علماً اني ماراح احتاجه للبيت ابدا ..

السكن برضه عليك يا أما بغرفة تكون عندكم بالبيت خاصة للسائق ولا تستأجري له

واذا فيه اي اقتراحات ممكن تفيدني ياليت ماتبخلون علي فيها

اذا كان جديد خذويله مستعمل افضل حاولي تخلين احد اخوانك يعلمه السواقة لمدة اسبوعين ل3 اسابيع اذا حسيتم انه تعلم خلوه يوديكم كم مشوار وعلموه بأساميهن خاصة الأسواق والمطاعم
ارسلوه انتم للبقالات والمطاعم يجيب اغراضكم وخلوه يودي قريباتكم او اخواتكم واخوانكم في البداية
لكن اذا كان الهدف للتجارة وحصلت واحد عندة خبرة فلابد من نقل الكفالة والباقي بالنسبة او 50 50 يعني يبيله متابعة لمدة وبعدها بتكسبين خبرة ان شاء الله
ولا تنسين الاستخارة

اتمنى ان افدتك يا اختي
ودعواتك لي ولكل المسلمين بالتوفيق

حبارى · #5 (**permalink**) 10-09-2012, 07:13 PM

اقتباس:

المشاركة الأصلية كتبت بواسطة طميطم

اذا كان جديد خذويله مستعمل افضل حاولي تخلين احد اخوانك يعلمه السواقة لمدة اسبوعين ل3 اسابيع اذا حسيتم انه تعلم خلوه يوديكم كم مشوار وعلموه بأساميهن خاصة الأسواق والمطاعم
ارسلوه انتم للبقالات والمطاعم يجيب اغراضكم وخلوه يودي قريباتكم او اخواتكم واخوانكم في البداية
لكن اذا كان الهدف للتجارة وحصلت واحد عندة خبرة فلابد من نقل الكفالة والباقي بالنسبة او 50 50 يعني يبيله متابعة لمدة وبعدها بتكسبين خبرة ان شاء الله
ولا تنسين الاستخارة

اتمنى ان افدتك يا اختي
ودعواتك لي ولكل المسلمين بالتوفيق

شكررررررا اخوي يعطيك الف عافيه

جتني فكره ثانيه تغنيني عن السواق ..
السياره اعطيها لشخص سعودي عاطل يشتغل عليها .. منها يستفيد من السياره وانا ألقى احد جاهز يدل ويعرف ويفهم

بس فيها اي مخاوف لو كلفت واحد سعودي؟

وكيف طريقة الحساب بيني وبينه؟

لقد نسيت · #6 (**permalink**) 10-09-2012, 08:50 PM

اليوم صدر قرار من وزراه الداخلية

ممنوع توصيل الاجنبي للطالبات والمعلمات

انا عندي سواااق كل يوم مخالفات خساير بخسااااير

النصيحة اخوك ولا اي واحد يشتغل فية

او بلا المشروع

الله يرزقك يارب بكل خيرر

القآدم أجمل · #7 (**permalink**) 10-09-2012, 09:07 PM

المشروع رائع جداً
وتقدرين تحصلين على فانات وباصات جديدة عن طريق التقسيط او التأجير المنتهي بالتمليك
يحتاج لك واحد من قرايبك يدير الشغلة عشان تقدرين تتكلمين معه وتقدرين تطورين الشغلة
وافضل تكون الشغلة مؤسسية عشان تقدرين تطورينها
والاسعار حق النقل خذي لك فرة على مكاتب النقل المدرسي واسألي كانك زبون وتعرفين الاسعار حينها
السوق يحتاج مثل هذه المشاريع وبقوة
هذي من المشاريع اللي فكرت فيها ولكن راس المال حق التأسيس ما املكه ولكن لعل القآدم يكون اجمل بإذن الله

ادعي ربك وربك ما بيخذلك واستخيري قبل البدء لأنك حينها توكلين الامر لله والله لن يخذلك ما دمتي اوكلتي الامر له

احساس عميق · #8 (**permalink**) 15-02-2013, 03:18 AM

بشرونا ان شاءالله المشروع نجح بالتوفيق
ونحتاج نصايح من ذوي الخبره

استشاره في مشروع نقل طالبات وموظفات

قسم مشاريع وأفكار

السلام عليكم ياليت من اهل الخبره يفيدوني قبل ابدا بالمشروع ،، بحكم اني بنت فيه بعض المعلومات ما اعرفها ، وياليت احد يفيدني قررت اشتري فان مستعمل...

استشاره في مشروع نقل طالبات وموظفات

تسجيل الدخول

استشاره في مشروع نقل طالبات وموظفات

قسم مشاريع وأفكار

السلام عليكم ياليت من اهل الخبره يفيدوني قبل ابدا بالمشروع ،، بحكم اني بنت فيه بعض المعلومات ما اعرفها ، وياليت احد يفيدني قررت اشتري فان مستعمل...

استشاره في مشروع نقل طالبات وموظفات