والله هذا رايي انا .... اشوف ان الطول في العسكرية مهم جدا .. وصراحة العسكرية يبلها اجسام رياضيه .. وطول.

ولا يبلها واحد طوله 165 وتحت ووزنه 44 او 50 ... مع احترامي للجميع ياخوان وبدون زعل .

ورحم الله امرء عرف قدر نفسه ..

والله في عسكر اشوفهم مادري اشون دخل عسكرية وكيف دخل ؟؟

الواحد نحيف وقصير .. طيب هذا وش يقدر يسوي ؟؟

وحتى لو كان طويل .. لازم يكون وزنه متناسق مع طولة ..

ياخوان شوفو العسكر الروسيين والامريكان وغيرهم شوفو اجسامهم كيف .. لانهم يهتمون باجسامهم وبالرياضه ويقوون عضلاتهم .

يعني لو قطاعات العسكرية قبلت القصار والنحاف .. ولاسمح الله صار حرب والا شي .. وش بيسوون ؟؟

لا احد يقولي الرصاص يسوي .. لان برضه الجسم هيبه وعز .. بالذات في العسكرية .

ويخوي دامك عارف انك تبي العسكرية كان رحت للنادي ضبطت جسمك وعدلت امورك .

ادري الحين انتم زعلانين من كلامي .. لكن برضه لايكلف الله نفسا الا وسعها ..

وياليت بعد لو يعطون امر بازالة الكروش اللي ماله اي داعي من ضباطنا العظماء .

يعني ياكرش يانحيف .. مافي وسط هههه

تحياتي ياشباب للزعلان قبل الراضي بكلامي

انا معك بالجسم الرياضي اما انك تقول 165 ماينفع يدخل العسكرية لا والله ماني معك ممكن اللي طوله 165 يقدر يفعل ويسوي أكثر من واحد طوله 180 بعدين يا اخي لو القوة تقاس بالطول كان جيش هولندا أقوى جيوش العالم وجيش الصين أضعف جيش ولاتنسى ان معدل الطول تقريبا للشعب السعودي بين 160 الى 180سم .. الله يوفق الجميع

يدرون ان عيال السعوديه اقصار نادر ما تلغى طويل . يعين الله

بس القطاعات مهي زي بعض بعض تقبل الجمهور هاذي صح تحتاج طول ام الباقي ماتحتاج مثل الحرس والمخدرات والمباحث و الدفاع المدني والاستخبارات والقوة الجوية

قسم بالله تعقيد
اللي يقول لازم طول وجسم رياضي ومدري وش
مع احترامي لك كلامك غلط في غلط
اللي طوله 165 او اقل ل 160 ماهم رجال يعني
بعدين تعال روح الجيش شوف مراكز التدريب عندهم قسم بالله اغلبيتهم ماوصل 165 وقسم بالله ان الجيش مايدخله الا المطانيخ قارن دورتهم ببعض دورات وزارة الداخلية
والله ان دورات وزارة الداخلية لعب اطفال مقارنة بدورة الجيش ومع ذلك الجيش يقبل من 160
ليه يعني الجيش ماهم رجال ؟!!
شوف لو تقع حرب لاسمح الله مابيرد العدو بعون الله غير الجيش وباقي القطاعات سلم لي عليها وعلى شروطها

واللي يدخل الجيش وطوله 160 قايم بواجبه افضل من بعض طوال القامة اللي بعضهم خسارة يلبس البدلة والله
منظر بس وجسم وقسم بالله مافيه من الرجالة بريال >> بعضهم قلت

وازيدك برضو شروط الحرس الوطني لايقل الطول عن 155
والحرس الوطني برضو بعد الجيش بالدورة والعمل وشفهم ماشاء الله ماسكين واجبهم من احسن مايكون

فانا اشوف ان شرط الطول ذا مال لأمه داعي وهو وضع لتعقيد الشباب وقطع الأرزاق فقط لاغير

ما نقول الا حسبي الله ونعم الوكيل على من كان السبب في عدم قبول هذي الحشود البشرية اللي تنطرد في كل تقديم بسبب شروطه التعجيزية واللي مالها اساس ولا داعي

تحياتي واسف ع الاطالة

الطول ليسَ مقيـــاساً للشجاعة ..

فلذالك يجب أن يتم تعديل هذا الشرط ( المُخزي ) !!

ولكنّي أتفهم حــاجة بعض القطاعات لأصحاب البُنية الجسمانية العالية ..

كمُكافحة المخدرات والسموم وقوات الطوارئ والأمن الخاص ..

فهذه القطاعات لا أحد يلومها على شروطها ..

لأن لها اعتبارات خاااصة ..

.

.



دُمتـــُم

عادي يخلون الطول من 160 اللي اقل 168 يحطوهم بالمكاتب والله افضل شي والباقين بالميدان والحدود وشغلات ثانيه انا اشوف انه الرائ الصواب

مدري ليش بعض الناس زعلانين من الحق خلاص ماسكه معك عسكرية شف اي شي ثاني تجارة او شركة ...

انا احيانا اشوف عسكر في الشارع عص لو اعطيه كتف بيلف حول نفسه ...

خلكم واقعين ياجماعة ...

والي يقول متوسط الشعب طول تحت 168 كم مره صار استفتاء في المنتدى عن معدل الطول واغلب الشباب ماشاء الله فوق 170 الى 180

تعقيد بس


يعني القصير مايقدر يخدم الوطن



ناس مريضه ياخي