السلام عليكم ورحمة الله وبركاته ..

انا قبل يومين نزلت موضوع في هذا القسم عندي مبلغ وحابه استثمره بس علشان امي وابوي كبيرين في السن ماااقدر اطلع من البيت ولا قادره اشتغل (الله يعينااا على برهم ورضاهم )..

بس اليوم الفجرشفت منظر هزني عندنا جارتنا باكستانيه عدد اعيالهااا 8 الكبير هو اللي يصرف عليهم وشغلته مكانيكي ...

الزبده ..

شفت 3 منهم اليوم الفجر في الزباله وانتم بكرامه يدورون لهم مكيت ولمن سالتهم قالوا علشان البرد يبي يجيهم ولازم يدفون وسالتهم عن ابوهم قالوا في باكستان وماراح يقدر يجي اللي بعد 5 سنوات وهم جاني فضول اسال تدرسون قالوا : لا

بس اقسم بالله يااادب واخلاق وخجل فيهم لمن اتكلم معااهم وعزة نفس >>>عارفه هذرتي واااجد ..

طقت في راس انزل موضوع ادور مشروع راس المال عندي والمجهود من عندهم وفي نفس الوقت يحسن من وضعهم واحسن من التفتيش في الزباله والفراغ اللي عندهم ..

ملاحظه :: 1- بيتنا وبيتهم قريب السوق ...

2 - هم متخالفين يعني مو مقيمين ..
3 - عنهم طلاقه في الكلام وذرابه في الحكي ماااشاءالله ...

4 - اعمارهم 8 و7 و 6 سنوات ...

ابي افكاركم ومشاريعكم ..

جزاك الله خير
بس والله مدري وش اقول اشري لهم خضار وخليهم يبيعونهها والنص بينك وبينهم
وتصدقي عليهم ومالك الا الاجر

اتفقي مع الميكانيكي انك تفتحين له ورشه خاصه فيه وتأجرينها عليه وبالنسبه للعيال انا ضد عمل الاطفال
بس ممقن ممقن انك تشترين لهم بالجمله بضاعه ويبيعونها هم عند المساجد

بالتوفيق

مادري صغار ع الشغل مافيه شي مناسب وتقولين بلا اقامه مشكله عموما انتي الله يجزاك خير ماببالي شي يمكن احد يفيدك بس سؤال انتي بالرياض

[align=center]بسم الله
جمعه مباركه على الجميع

أول شي ابدي بنفسك ( شوفي الشي الي انتي شاطره فيه مثلا تسوي كوكيز خطير وطعمه يجنن او تعملين تشيز كيك او شاطره في التصاميم تقدري تشتري تيشيرتات وترسمي عليها وتحطي عليها اسم الشهر حقك ووصيله اتصال او عنوان مدونه انتي تنشئينها باسمك وتخلي الاولاد يلعبو في الشارع الهم تقعد عليها الملابس عشان الناس تشوفها او او او )

لمن تشوفي اش انتي مبدعه فيه اذا كنتي كويسه في الكوكيز تاخذي الاولاد على انهم توصيل طلبات او يعملو لهم مثل البسطه بس يكون شكلها مرتب قريب من السوق وتعرضي الي عملتيه مثلا من الكوكيز او اي شي انتي مبدعه فيه

الزبده

الاولاد تستعملينه في توصيل طلبات فصلي لهم طقم محترم وكتبي فيه اسم لك اسم شهره وهما يوصلو واعطيهم بالتوصيله او براتب اخر الشهر او تبيعي عليهم اجل وهما يروحوا السوق يعرضوا الي اخذوه منك واذا باعوا يعطونك فلوسك وقيسي على الكوكيز الملابس الي راح تصمميها يعرضوها بالسوق وهم بعد يلبسون منها حاولي تتعلمي حرفه راح تاكلي شهد

بالتوفيق للجميع


[/align]

ناوي شر طيب ليه ترا امزح المهم بقولك شي مايجوز قول جمعه مباركه من البدع وفكرتك مرة حلوة وبالتوفيق لك يااختي

العائق الكبير انهم مجهولين وليست مقيمين .. هنا المشكلة فقط
فكرة الخضار ما تصلح لهم نهائياً

ذولا يصلحون يبيعون بضائع عند المساجد مثل العطور وغيرها من الاشياء

أتمنى لكم التوفيق وفالكم طيب

بـ 500 ريال ( ادفعيها لهم كمشروع وصدقه في نفس الوقت )

مشروع خضار صغير , والبيع عند مسجد الحاره ,, كتجربه

واذا نجحت يتم البيع في السوق , ثم الجامع القريب ...


الله يوفقك ويرزقك على نيتك الطيبه , الله يرزقك بر والديك

وعليكم السلام ورحمة الله وبركاته
أنت بأي مدينة أختي

انتبهي لا يسرقونك بس