السلام عليكم ورحمة الله

ماجيت هنا الا ابي رآيكم ونصيحتكم بمشروعي او بالأصح آستثماري لراتبي بحكم خبراتكم
عمري 23 سنه ومقبله على وظيفه بأذن الله يوم الثلاثاء اوقع عقد الوظيفه وآبداء فيها
بأذن الله ( الله يسهل الأمور )
رآتبي تقريبا 4500 الى 4700 الى الان ماتحدد بالضبط كم ..
وحابه اانو يكون لي فائده من هالراتب ومكسب ودخل يقعد لي وللعمر ولمستقبلي

المهم انا آحب البيزنس واحب الاعمال الحره واحب يكون عندي مشروع آو آستثمار
فكرت كيف آٍستثمر راتبي بمشروع او استثمر بالبورصه والاسهم وهالأشياء

اولا افكرت وفكرت بالاسهم لقيتها صعبه بالنسبه لي كبنت ومالي بهالأشياء ومو فاهمه فيها كثير
ومتابعتها صعبه وغير اذا خسرت ماراح اتحمل

وفكرت بمشروع قلت اخذ قرض 50 الف او 60 الف واسويه فيه مشروع
على انو عندي افكار كثيره لمشاريع ولي اكثر من سنه أدرس وأخطط لها
بس اهلي تقريبا رافضين فكرة القروض لأنهم مجربينها متعقدين منها وبرضو انا ماحبيت يكون علي ديون

المهم رسيت اخر شيء على ( الذهب ) ابيع واشتري فيه

بما انو راتبي نوعا ما قليل .. وعندي التزامات ملتزمه فيها بهالراتب
مثل نصيب الوالد والوالده منه ومصروفي الشهري
المهم يصفى لي بالشهر 2000 ريال تقريبا هذا الفائض من الراتب

قلت كل شهر اشتري ذهب بـ 1000 ريال
وهكذا لمدة 3 شهور الى 4 شهور واذا ارتفع الذهب آبيع اللي شريته

والمكسب احطه بحساب آخر يعني آجمعه او بمحفظه في البنك ..
وقيمة الذهب اللي شريت فيها في البدايه ارجع اشتري فيها من جديد وهكذا والمكسب آحطه بالحساب
واذا قدرت وقدرني الله شريت بمبلغ أكبر .. حتى اقدر ابيعه بمكسب آكبر

وش اريكم ؟؟
تتوقعون راح تنجح الفكره واستثماري ؟؟

بحكم آني صغيره واخاف من الخساره
آبي اخذ رآيكم بالفكره ونصايحكم طبعا
واذا عندكم افكار مجربه للأستثمار بمبلغ بسيط اكتبوها لي

بأنتظاركم

الذهب شي حلو .. وتري الذهب زي الاسهم بس على ثبآت مرآت ينزل مرآت يطلع .. والحين طالع حده ...


آهم شي الله يوفقك في الوظيفه الجديده ،، واهم شي اهم شي انك تشيلي الـ 2000 ريال لحآلهم تفتحي حسآب تآني وتحطي فييه وتبرمجي نفسسسك على رآتبك ومصروفك ...

برمجي نفسسك خيــّــه آول بعديين فكري بالمشروع .. ولما تجيك الفلوس وتكون متوفره بتجيك الافكآر .. الحين زي مآقلت لك عودي نفسسك ان رآتبك نآقص 2000 ريال



الله يوفقك

موفقة خير

[align=center]أولاً لازم تعرفين أختي إن التجارة بالذهب ما يكون بالذهب المصاغ يكون بالسبائك أما الذهب المصاغ فمعروف إن المحلات تأخذ زيادة فلوس على صياغته وتشكيله ولما تروحي تبيعينه ما يحسبون هذا فأنصحك أبعدي عن الذهب المصاغ لأنها تجارة فاشلة وإن كنتي ملزمة تجارة ذهب عليك بالسبائك[/align]

سلطان
مشكور عالمرور ونصيحتك وفعلا من الان راح اعتبر ال 2000 مخصومه من راتبي
الله يجزاك الف خير

مسلم آمري لله
شكرا عالمرور الله يجزاك خير


تسعة اعشار
شكرا عالنصيحه بصراحه ماكنت عارفه بهالمعلومه .. بس انا اشوف ناس يشترون الذهب العادي
ويبيعون فيه وماشاء الله ربحانين من هالشيء
بس اذا السابئك آفضل رآح آسآل ونجرب والتوفيق والخير من الله ان شاء الله

شكرا لكم


بأنتظار اراء ونصائح آخرى

وعليكم السلام ورحمة الله وبركاته

لا يوجد مستحيل اذا كان هنالك جد واجتهاد باذن الله

ومهما كان نسبة التخوف من اي مشروع فهي السبب الرئيسي في فشله او عدم تحقيقه

فلا يوجد انسان عالم ياتي من بطن امه فاهم على الفطره (( فمعا التعلم تنحل المشاكل ))

كما نوه لك الاخوان ببعض النقاط المهمه التي تخخص الذهب

اما بخصوص الاسهم او الذهب

فاقول من احد اسباب الخسائر فيها الطمع والجشع

ارضى بالقليل ياتي الكثير

الاهم عدم المخاطره بكل المال وبعد ما الله يوفق ويسهل الامور يكون التعامل بالمكسب او بالربح وراس المال يسحب من المشروع


اما بخصوص الراتب فلبد من الالتزامات

فلو تخصصين راتب 1500 ريال شهريا بحساب بنكي مجمد لمدة سنه او سنتين فباذن الله سيكون لك عائد جيد والاعمار بيد الله

فلو قمنا بعملية استقطاع لراتب لمدة سنتين اصبح لدينا 36000ريال

تجنبنا القرض وحققنا مبلغ لا باس به لبدى مشروع


الاهم
الاتكال على الله
دراسة اي مشروع نقدم عليه بالكامل
دراسة خطه تسويقيه له

بالتوفيق للجميع