اخواني واخواتي
السلام عليكم
انا ام لطفل توحدي عمره الان 5 سنوات ولي ثلاث سنوات احاول اسجله في مركز التدخل المبكر اللي في حي الربوه في الرياض ولا قدرت كل مره اروح يقولون خلص التسجيل او مافي كرسي فاضي وماني عارفه وين اروح او لمين اشتكي بالنسبه لابوه مادرى عننا اخر مره شفناه يوم 4 رمضان ولا هو حولنا اصلا ولا درى عننا وانا ماغير مطامر انا وهالولد في التكاسي الله يخليكم اللي يقدر يساعدني او يعرف احد واسطه يقدر يسجل ولدي لا يبخل عليه لان الولد كل ما كبر زادت مشاكله وانا ما عندي الا هو وبنت عمرها سنه مسكينه ماهي قادره تلعب في البيت او تروح وتجي لانه كل ما يشوفها يضربها او يمسكها من شعرها ويسحبها وهي مسكينه اول ماتشوفه جاي عليها على طول تبكي وتشرد وحاولت معاه ومافي فايده دلوني اش اسوي الله يخليكم لا تبخلون علي بالرد ويجعلها ربي في ميزان حسناتكم

الله يعينك

ان شاء الله يجي أحد من الرياض ويفيدكـ

صباح الخير
توني جايه من مكتب الاشراف التربوي في حي الربوه وتخيلوا بعد الهجوله من مكتب لمكتب في النهايه قالوا اكيد لما اعطيناك الخطاب مارحت على طول وحلفت للموظفه اني اول ما اخذت منها الخطاب رحت على طول مركز التدخل وقالو مفي كرسي فاضي واول مايفضى كرسي بنتصل عليك واخذوا بيانتي قالت بس اكيد مارحت وقعدت احلف اني رحت وفي النهايه اخذت رقمي وقالت بنتصل عليك خلال اليومين هذي وخايفه تضيع على ولدي السنه هذي كمان لا والمصيبه ان وحده من اقارب موظفة الاشراف اتصلت عليها تبغاها تسجل ولد وحده زميلتها بالمركز ووعدتها خير واحنا لنا الله سبحانه قادر على كل شيء

حسبي الله ونعم الوكيل فيهم

أن شاء الله تنحل بسررعه ي رب

ابشركم ولدي قبله في المركز وله اسبوعين يداوم بس الفرحه ماتكمل بداية الاسبوع حصلت ورقه في شنطة ولدي استكمال بينات وخلفها ورقة مكتوب عليها تعهد انه في حالة عدم تجاوب الطفل مع المركز بيفصلوه يعني وين اروح انا سنتين مطارد وفي النهايه هذا هو المصير

الف مبروگ و اَِنـٌٍ شَّـٌَآْء اللــــھٌ ولدك يتجاوب مع المعهد
ويتحسن اكثر .....،)

لاحول وقوة الا بالله

الف مبروك

وتفائلي بالخير محتاجهـ

ابشركم ولدي عدى مرحلة التقييم وصار طالب بالمركز بس على قول اخوانا اهل الحجاز قليل البخت يلقى العظمه في الكرشه قبل العطله بيومين اتصلت علي المشرفه الاجتماعيه وقالت ولدك لا يداوم بعد العطله لازم تعيدي التشخيص بالرغم من انه عندهم تقريرين واحد من مركز الامير ناصر للتوحد والثاني من مستشفى قوى الامن وكلها نفس التشخيص اش اسوي يعني لازم من التعقيدات هذي