قرار حاسم وضروري تشاركوني فيه

روشانة جده · #1 (**permalink**) 09-09-2012, 04:51 AM

السلام عليكم ورحمة الله
راح ادخل بالموضوع على طول انا راح افتح محل مستلزمات نسائيه يعني ملابس اكسسورات وصنادل وشنط يعني كل ما يخص المرأه تحت سقف واحد . بس عندي مشكله وحده هي البضاعه محتاره من وين اجيبها انا من جده هل اخذها من سوق الجمله بجده واعاينها بنفسي او اسافر لدبي واخذها من هناك وحط ببالكم السفر ومصاريفه والبضاإه لماتوصل ووو او اخذها من الصين وطبعا سفري للصين صعب جدا بحكم ضروفي الصحيه يعني حيكون عن طريق مكتب كل شي . اتمنى تنصحوني لاني بكره رايحه اعاين المحل اذا يناسبني او لا ادعولي ربي يسهلي ويتمملي امري ع خير

روشانة جده · #2 (**permalink**) 09-09-2012, 06:34 AM

للرفع

اتمنى اهل الخبره يشاركوني وانا اي جديدي يصير معاي حاطرحه هنا في موضوعي ان شاء الله

جلاد الصبر · #3 (**permalink**) 09-09-2012, 06:35 AM

طبعا من جده حاولي اذا لك صديقات اجنبيات وخصوصا اذا كانو يمنيات هما الي يجيبو لك البضاعه من سوق الجمله وتعطينها عمولتها لانهم لو جيتيهم وعرفو انك سعوديه بيرفعون الاسعار اما الاجانب يعطونعم بسعر رخيص

روشانة جده · #4 (**permalink**) 09-09-2012, 11:30 AM

الله يعطيك العافيه الفكره حلو بس خلينا نسمع رأي اهل الخبره في انواع البظاعه بين الثلاث اماكن جده. دبي. الصين

بنت العود · #5 (**permalink**) 09-09-2012, 11:48 AM

بصراحة لو انا من سكاان جده لااستفيد من كل سوق جملة عندكم ..

وماشاءالله الخير عندكم ياااهل جده عندك البلد والميناء والصواريخ ...

وانتي على النت وبالتحديد المواقع النسائية شوفي ايش الاشياء اللي يحتاجونهااا وانتي ارسالي اي وحده ثقة

تنبش بالاسواق بحيث تكوني تاجرة جملة وتشحنين لهااا ...

بصراحة جيت يوم لجده ابي اشوف اسواق جده اللي يتكلمون عنهااا بداء مشواري في اسواقكم من الساعه 9 صباحااا الين 12ونص الليل وانا من سوق لسوق بالرغم يوم حافل بالتعب والجهد وماشريت شي بس شفت اشيااء فعلنااا اسواقنااا متعطشه لهااا ...

بس يبيلك شويت تشغلي مخك ودققي ايش اكثر شي يناسب السوق وانتي وفريه وبالتوفيق يالغاليه ...

ممرض بلا ووظيفه · #6 (**permalink**) 09-09-2012, 04:18 PM

السلام عليكم

روشانة جده

بما انك بجده وحابه دخولك بمشروع نسائي

عندكم ماشاء الله الاسواق كثيره للجمله ونفسها نفس دبي

واتوقع اقل بالكسسوارات وغيرها لآني جيت ل جده ورحت ل دبي

بقول تجربتي وانا جاي جده ورحنا لسوق الصواريخ

وانا اتمشي قمت اسال عن الاسعار تعجبت عن الي عندنا بالشرقيه

للعلم خذت لي ثلأث درازن تي شرتات منوعه بناتيه للعلم خذت الحبه ب 5 اريال

وجيت لشرقيه الحبه بعتها ب 20 اريال وفي الي ب 25 وعشرين

وتمنيت اخذت اكثر درازن يعني عليك بالسوق الي عندك

ومثل ما قال الاخ انك تروحين وتشوفين ناس لهم معرفه يمكن تشوفي
اسعار اقل واقل ..

وعليك تسويقها بالنت وباذن الله راح تتوفقين

وموفقه يارب

تاجر شنط · #7 (**permalink**) 09-09-2012, 05:23 PM

اقتباس:

المشاركة الأصلية كتبت بواسطة روشانة جده

السلام عليكم ورحمة الله
راح ادخل بالموضوع على طول انا راح افتح محل مستلزمات نسائيه يعني ملابس اكسسورات وصنادل وشنط يعني كل ما يخص المرأه تحت سقف واحد . بس عندي مشكله وحده هي البضاعه محتاره من وين اجيبها انا من جده هل اخذها من سوق الجمله بجده واعاينها بنفسي او اسافر لدبي واخذها من هناك وحط ببالكم السفر ومصاريفه والبضاإه لماتوصل ووو او اخذها من الصين وطبعا سفري للصين صعب جدا بحكم ضروفي الصحيه يعني حيكون عن طريق مكتب كل شي . اتمنى تنصحوني لاني بكره رايحه اعاين المحل اذا يناسبني او لا ادعولي ربي يسهلي ويتمملي امري ع خير

هلا بيك
أنصحك بالتخصص بشيء معين مثلا اكسسوارات فقط ، أو أحذية مع شنط فقط ، الآن زمن التخصص حتى تبدعين بالسلعة المتخصصة بها وتركزين عليها ، وبالنسبة للبضاعة الأفضل لك بالبداية أخذها من سوق الجملة بجدة ، ولا أنصحك بالثقة المفرطة مع أي أحد بالصين ان لم تذهبي بنفسك وشراء البضاعة وشحنها ،
الله يسهل أمرك ويوفقك ويرزقك من حيث لا تحتسبين
مهم جدا صلاة الاستخارة قبل الاقدام على اي خطوة وبالتوفيق.

روشانة جده · #8 (**permalink**) 09-09-2012, 10:37 PM

يعطيكم العافيه بس احس ان يكون كل ماتحتاجه المرأه تحت سقف واحد حلوة لانها لماتشتري فستان تبغا عليه اكسسوار وشنطه وصندل يعني تخذ كل شي من محل واحد وهذا احس يحبونه الحريم كثير ترتاح لما تشتري كل شي من مكان واحد

روشانة جده · #9 (**permalink**) 11-09-2012, 07:45 AM

up للاهمييه

خليل الريح · #10 (**permalink**) 11-09-2012, 10:36 AM

اشتري من سوق الجمله وبيعي قطاعي وراح تربحين بإذن الله بس حاولي يوم تشترين بضاعتك عاينيها زين وحتى العماله اختاري الزين ابعدي عن البنقاليه والباكستانيه واليمنيين لأنهم راح يلعبون عليك خذيلك محاسب سوداني يجري ورا حسابات المحل والحضارم معروفين بالامانه وحاولي تحطين واحد من اقاربك في المحل يشتغل كمدير فرع يراقب الاوضاع وواحد ثاني هو مسؤول عن جلب البضايع
سؤالي لك هل المحل ميزانين ولا لا عشان لازم تعملي حساب المستودع

وخلي شغلك كله فواتير واعملي جرد كل 6 شهور عشان العمال يخافون ويعرفون انك فاهمه الشغله

وأي استفسار انا حاضر انا قد اشتغلت مدير فرع بمحل قريب لي بالدمام فممكن أفيدك