السلام عليكم ورحمة الله وبركاته ،

فكرت ف مشروع وكنت مستعد له اللي هو محل جوالات
طبعا .. استاجر لي محل في مجمع اتصالات ..

وهالمحل متر ف متر الظاهر .. استعدت ورحت لمدير المجمع
سالته كم اجاركم قالي السنة بـ 30 الف ريال !!!
يعني ف الشهر 2500 ريال .. وتدفع اول دفعه 6 اشهر 15 الف ريال !!

انا بصراحة تفاجئات وشلون محل متر ف متر السنة بـ 30 الف
يعني ف نظرتي قلت بالكثير ف السنة 5 الالف ريال

لان الـ 30 الف افتح لي محل كبير 5 ف 5 واتوسع ع راحتي


وش رايكم ي اخوان الجوالات تجيب مكاسب كبيرة ؟؟
يعني ف السنة تطلع اكثر من 30 الف !!

وعليكم السلام ورحمة الله وبركاته

لماذا تضع امام عينك حاجز وتقف دونه عاجز

اقرب مثال انزل مكه واسال عن المحلات الي جنب الحرم بكم ايجارها راح تنصدم مقارنه بالسعر الي حصلته

الارزاق بيد الله يالغالي


الاهم اتكل على الله ويرزقك باذن الله

الشي الثاني ادرس مشروعك بالكامل والاهم تحسب الربح كحد ادنى لتعرف قوة المشروع ومدى فعاليته

هل يرد راس المال و يغطي مصاريف المشروع + ربح

وبخصوص المحل الي حصلته ماوقفت الحياه على هالمحل اسال وباذن الله تحصل مرادك


بالتوفيق للجميع

بتوفيق

اذا وفقك الله ومشت امور المجمع ككل

اقصد ان اداره المجمع اذا سوت اعلانات صح وهدايا صح ومشا الوضع صح

صدقني مبيعاتك في الشهر صافي٤ الاف بعد توفيق الله

بس اذا جت اداره فاشله كل يوم لهم راي وكل واحد يسوي مدير تضيع الطاسه


اجل مجمع اتصالات تحط فيه ددسن ٧٩ مشكله كيف تبيه ينجح

السلام عليكم

بالنسبه لسعر يحدده موقع المحل

في محلأت اكبر واوسع واجار اقل يوصل 20 الف لاكن

لا في سوق ولا شارع رائسي يعني شارع يحبذا متحرك

بالنسبه ل 30 الف واذا في سوق ومكان متحرك والناس بكثافه

فيه باذن الله راح تتوفق بس عليك بالدراسه الصح لمشروعك

وموفق باذن الله

وعليكم السلام ورحمة الله وبركاته.

سعر الإيجار ممتاز.

عندنا في مكة اماكن بعيدة عن الحرم الايجار فيها يصل الى 70 و 80 الف ريال بدون مبالغة.

اذا حسبتها الايجار 30 الف ريال يعني في اليوم اذا جبت الف ريال شيء ممتاز.

أيضاً ان حسبتها بالطريقة الجزئية 15 الف ريال كل ستة اشهر ,يعني في اليوم 500 ريال

شكراً

اعتقد المكان , وزحمة الناس , بتفرق في الايجار

اسئل عن اماكن مشابه لنفس محلك , وقارن بينهم
وتقدر تجلس يومين في وسط الاسبوع في المجمع , وتحدد قوة الطلب من ضعفه
( دراسه ميدانيه )