أهلاً أحبتــي ..


المُقابلة الشخصية تعريفها العام هي / جلسة إستكشافية للحالة النفسية للطالــب ..

يرون فيها قدرتك على الإدراك والتمييز والجُرءه ومخارج الحروف لديك ولباقتــك في الحديث ..

وليسَ الهدف قياس مستوى ثقافتـك سواءً الرياضية أو الوطنية أو الجُغرافية ولا حتى الدينية ..

إذاً الهدف الأساسي منها هو التأكد من سلامة قواك العقلية والحسيّة ..


# نصائح موجزهـ /

# كُن واثِقاً من نفســك لأقصى درجة مُمكنة ولكن ليسَ لدرجة الغرور ..

لأنك قــد تواجه اسئلة وهمية مثــل / ايش الي فوق رآســك ؟؟!

خلـك واثق ولا ترفع يدك تتأكد من رأسك ..

# حط عينك بعين الي يسألك ولاتنزل نظرك للأرض

ولا تلتفت يمين وشمال خلك منتبه ومركز عليه .. كذا راح تعجبه ..

# لمّا يجيك سؤال صعب .. لاتقول مـا أعرف ولا تكذب ..

طلّع نفسك من هالموقف بطريقة لبِـقه دبلوماسيّه ..

مثـلاً لو سألك ايش عاصمة البحرين .. وأنت ماتعرف قول مثلاً ..

آسف ثقافتي الجُغرافية ضعيفه بس رآح أطورّها إن شاء الله ..

ومن هالكلام يعني سايسهم بأسلوب ..

# عندما يُطلب منك قراءة أي سورة من القرءان لا تروح بعيد ..

أخذ من السور القصــار علشان ماتخطي ..

وأهم شي الترتيل .. لأنك لو مارتّلت بيقولو هذا يستحي .. رتّل القُرءان ترتيلا ..

# لا تخجل من معلوماتك الشخصية ..

سيسألونك عن وظيفة الوالد وأسم الأم .. جاوب بصراحة ولا تخجل ..

# نبرة الصوت الواضحة والمسموعة هي أهم مقياس للنجاح في المقابلة الشخصية ..

وخلي حروفك مفهومة ولا تلتبك .. لأن الكلام الفصيح المفهوم المُرتّب راح يساعدك كثيــر كثير خصوصاً مع الدكتور النفسي ..

# حاول قدر الإمكان ماتشبك يدينك مع بعض .. لأن الحركة ذي تستفّز اللجنــة .. وخل يدينك متساوية بشكل مستقيم .

# الوقفــه الصحيحه الثابتــه تُعـطى لها أعلى درجات التقييم من اللجنــة .. فأحرص على ذالك ولا تتمايل كثير ..

# إحرص على الكلام الحلو المُنمق مثل لمّا تسلم الملف للضابط تقول (سمّ طال عمرك )

ولما يقول لك سو كذا وكذا قول ( آبشر يالغالي ) .. ومثل ذالك من الكلام الي يعطيهم عنك نظرة إيجابية حلوه مثل / الله يعطيك العافية ,

ولمّا تنتهي تقول مثلاً / أتعبناكم معنا اليوم .. الزبـده أحرص على الأسلوب والكلام الحلو ..

# لا تكثر كلام ,, وخلي إجاباتك هادئة مُختصرة مفيده ..

/


.



هذي أهم النصائح والتوجيهات ..

وأهم شي التوكُل على الله وكثرة الإستغفار ..

أنا قبل أدخل لهم كنت مرتبك ومتخوف وقلق جــداً ..

لزمت الاستغفار ولمّا دخلت هديت فجأة ..

وصارت بيني وبين الدكتور النفسي مُناقشه طويلة .. وأعجبته ..

وأحب اقول لكم ترى الدعوهـ تساهيل ..

والله يوفقكم ..

الله يوفقكك ويرزقكك
مقابلتي بكره وفعلا استفدت من موضوعكك

مشكور اخوي

اهم شي الصوت يكون مسموع وعدم الارتباك

مـشكـوررر على الـنصـحيـة الـمـفيـدة اللـي افـادتـنـي , وبـاذن الله سـوف يـستـفيـد منـها الاعضـاء ....

وبانـتـظر القبـول غـداا في حـرس الحـدود ونـعـدي الـمـقابلـة عـلى خـير وعـسى الله يوفـقني ويـوفق المسـجلين بحـرس الحـدود ويـوفق جـميـع الـمسلمين ياارب .

الله يجزاك الف خير عالموضوع بس المشكلة اخاف اصرفه تصريفة قوية
بس ابي اقولها ثقاافتي الجغرافية مي متطوره
وعلى الله

[QUOTE=zuheer;6774231]

الله يجزاك خير