الشرقييه اتوقع 83 او 81 .... المهم انهم وقفوا فووق الثمانين وغير كذا مافيها احتياج

بنات ليتهم يرجعون شرط اثبات انك من سكان المنطقة يعني كذا ولا كذا الى بتجي من منطقة ثانية اكيد بتقدم نقل طيب مو بنات المنطقة اولى

شوفو بتكلم معكم بصراحة اشوف خريجات انجليزي كثير هنا فى المنتدى وبرا المنتدى اكثر واكثرنا من القصيم او المدينة بالله مو شي يقهر تجي وحده من القطيف ولا قلعة وادي رين وتوظف فى قرى القصيم او حتى المدن الكبرى واحنى بنات المنطقة رغم ان تحصلون اكثر الدفعه تقاديرهم جيدا جدا و جيد ياكلون هواء ويجلسن لان اكثرنا ما راح تتجراء وتقدم برا لاسباب كثيره ولانه مستحيل نطلع بدون محرم على عكس كثير من الى يجونا من برا عادي تسكن لحالها ولاتقولون مو موجود موجود واعرف كثير انا مانيب حاسده احد الا الله يرزقهم ويرزقنا بس فعلا شي يقهر اول لو نجلس 5 سنين فى البيت مرتاحات ان شاء الله بتجي الوظيفة المنافسه محدوده مع بنات المنطقة ولو جلسنا بتجينا الوظيفة الحين المعارك (اقصد المفاضلة) مع بنات السعوديه كلها واقص يدي كان ما اكثرهم مختارين القصيم انا قريباتي 3 فى الشرقيه وازواجهم فى الشرقية واهلن فى الشرقية وكل حياتهم فى الشرقية واول رغبة القصيم حاطات !!

وارجع واقول مانيب حاسده احد الا الله يرزقنا ويرزقهم بس هذا ظلم ظلم ظلم تكون وحده نفس الاقدميه ونفس المعدل تقريبا وحده من بنات المنطقة والثانيه من براء وتاخذها الى من برا عشان كسور فى المفاضلة!!
ولا لاجت عندنا كثر غيابها لكونها بتكثر سفراتها لاهلها مو الغربه صعبه بعكس بنت المنطقة الى بتخدم اكثر لانها من سكان المنطقة واهلها حولها

عبير كلامك صحيح
ذبحتنا الواسطات
الواحد وده يقدم على مدينته بس الشكوى لله إذا ماكان فيها احتياج أو إذا الاحتياج قليل خلوها لبنات الواسطات
فالواحد يضطر يقدم بعيد وبيني وبينك محد وده يتغرب ويبعد عن أهله
اااااه بس. الله يفرح قلوبنا بوظيفة بوسط ديرتنا عاجلا غير اجل

عبير انتي من القصيم؟؟؟


كم تبعد عقلة الصقور عن بريده لأني أخاف لو نزل وظائف يعينوننا بالقرى والهجر التابعة للعقلة.
وأفكر أشيل القصيم من اختيار أتي بسبب هالموضوع

وش رايك

اثبات الاقامة مشكلة لكل
وبكثير من مناطق مافيها بعض تجصصات وصعبة نتظر لين يجيتا دور
وعلى كل الاحوال كلن لة رزقة
لية خوف ومحتاة رزقك مكتوب سواء كان بثابت الاقامة او لا

^^

اضافة وللمعلومية سواء قدمتي على القصيم او حتى على مناطق ثانيه على الاغلب بيكون التعيين فى قرى او هجر وليس فى ذات المدن الكبيره عشان كذا لا تغيري شي والله ان الى تتوظف فى نفس منطقتها لو هي فى اخر قريه والله انها موفقه وامها داعيه لها المصيبه اذا جاء التعيين فى قرى مناطق ثانية

الله يفرجها علينا ويرزقنا من فضلة

معاك حق عبير السعاده وانا من البدايه كنت مؤيده لاثبات الاقامه

تدرون رقمي في ترتيب المفاضله على مستوى الطائف لما كان فيه شرط اثبات الاقامه وكنت مااقدم إلا فيها
كان في العشرينات والله!!

وبعد ما الغوا الشرط كنت أقدم في الطائف كمان ماغيرتها
وصار فوق 400 بعد ماالغوا الشرط!!
الرقم على مستوى المملكه مايطلعون على مستوى المكان الي قدمت فيه مثل قبل مايلغوا الشرط

كوكبة كم لك متخرجة ؟
انتي من طايف صح

ايه من الطايف متخرجه لي خمس سنوات وشهر و4 أيام و21 ساعة و15 دقيقه هههههههههههههههههههههههههههههههههه