ساعدوني فكرة مشروع ملييييييييييييييت بطق من الفراغ والتفكير

محورالكلمات · #1 (**permalink**) 11-09-2012, 03:29 AM

[align=center]
لسلام عليكم ورحمة الله
انا خريجة ادارة اعمال لي سنه عاطله بس عالنت والتلفزيون طفشت ملييييت تعبت نفسيتي
زوجي قالي بيساعدني براس المال وبياخذ قرض ابغى اسوي مشروع بس محتاره ماادري اش اسوي ابغى حاجه ربحها مضمون لان راس المال دين يعني لوخسرنا بتدهور كل احوالنا الماديه

مشغل ماابغى كثرت المشاغل وماحبيت الفكره

فكرت في مشروع مثلا تصميم فساتين افراح لان انا احبه شغلة التصميم صح ماعندي شهاده بالموضوع بس اتابع الموضه واحب الشغله هذي بس كمان نفسي في حاجه في الصباح عشان النهار اقضيه في بيتي موحابه هوه في الصباح دوام وانا في المساء وابدا مانتقابل

ماادري محتاره

كمان فكرت في حضانه بس احسها مسؤوليه وقلق

كمان فكرت في محل حلويات مثلا انا اسوي من الصباح كميات واحط عامل يبيع من العصر لليل

بنات , شباب اذا عندكم افكار ساعدوووووووني بليز

بطق ملييييييييييييييت من الفراغ
[/align]

سنابل الذهب · #2 (**permalink**) 11-09-2012, 10:05 AM

الله يعينك بس انا ماانصح بالديون هم والله هم وغم -

خذ فنجال · #3 (**permalink**) 13-09-2012, 02:10 AM

طيب جيبي عيال وربيهم وانتبهي لبيتك وزوجك

فاتنه · #4 (**permalink**) 13-09-2012, 04:53 AM

قالت تبغى فكرة مشروع تقومون تقولولها خلفي وماادراك يمكن عندها اطفال هههههه
ماعلينا المهم
وعليكم السلام
فيه افكار كثيييير
اذا انتي من النوع تحبين العمل اليدوي
عندك الماكولات تمشي سلام سلام
سوي شئ معين وانشهري فيه
مثلا المخلالات سويها باانواعها وحاولي انك تخترعين
في البدايه روحي بازار وذوقي الناس ووزعي كروتك
ولاتسوين الا على الطلب

ممرض بلا ووظيفه · #5 (**permalink**) 13-09-2012, 06:02 AM

السلام عليكم

فكرت الفساتين مره ماشيه والحين لكل مناسبه يحتاجون فستان

وانتو عارفين اكثر منا ..

بس يحتاج هالشي المكان الي تشوفي فيها ازدحام والشغل المرتب والشهره

يعني الاعلأن بالنت وغير كل هذا عروضك الي تجذب الزوبونات لك

وتخلي مكان للفساتين الاجار ..

او تشتري فساتين وتاجريها يعني تحطيها بمكان مناسب عندك وتاجير فستان

الاجار معروف للفساتين ب 600 او 700 وفي الي ب 1300 وغيره

/

انا فكرت وقدمت بسوي اني اتفق مع مشغل واخذ فساتين وعرضهم عندهم للأجار

بمبلغ معين والمشغل ياخذ نسبته برفع السعر الي يبونه مثلأ انا ابي ع اجار

الفستان 250 هم يخلونه 300 لهم الخمسين وانا لي 250

بس تراجعت لأني ماعرف متي يتاجر ومتي ماتاجر وكذا

,,

والله يوفقك ان ششاء الله

وحددي لك مشروع وادرسيه كويس

وباذن الله راح تتوفقين

محترف بلس · #6 (**permalink**) 13-09-2012, 10:23 AM

تبغين نصيحة عملية ..

بما أنك لم يسبق لك تجريب الوظيفة ، اسعي في البحث عن وظيفة ولو لمدة 6 أشهر فقط
منها تقيسين مدى تقبلك للعمل وهل تقدرين على أعباء وضغوط العمل ..

ما أنصحك أبد تبدأين تجارة ب(دين) وخبرتك (صفر) ..

ابحثي عن وظيفة في المدارس الخاصة حتى ولو ب 2000 ، لأن المسألة تجريبية فقط
إذا ما حصلتي، درسي خصوصي في البيت ، ما تحبين التدريس، تعلمي تصليح البليلة
مثلاً ، ( فيهاا فااائدة كبيرة) واتفقي مع مقاصف مدارس البنات ، أو أي أحد من عيال الجيران
الموثوقين يكون عمره من ( 10 - 13 ) يبيعها في السوق من 5 العصر - آذان العشاء ...

المهم ، أنا أنصحك لا تتساهلين في الدين ولا تتخيلين إن الربح في التجارة سهل

الله يوفقك ويوسع رزقك ويذهب غمك

محترف بلس · #7 (**permalink**) 13-09-2012, 10:25 AM

طبعا الإتفاق مع ولد الجيران يكون عن طريق الزوج ويعطيه مثلا على كل يوم 10 ريال
صحن البليلة يكون صغير ويباع بريال .. أنا مجربها .. الوالدة استفادت منها كثيير ولله الحمد

ام نوف ونايف · #8 (**permalink**) 13-09-2012, 11:15 AM

والله ماعندي أفكار بس نصيحه لاتبدأين بالدين

اشتهي زلط · #9 (**permalink**) 13-09-2012, 11:44 AM

الله يوفقك اختي . ان شاء الله يفيدونك الاخوان واصحاب الخبره لان ادري ماكتبتي موضوع الا محتاجه اصحاب خبره اهم شي التنفيذ ولا يصيبك الاحباط ابد نفذي ولاتترددين من ناحية القرض وراس المال ابدي بمبلغ بسيط. والمشاريع كثيره الوطن فيه خير ورزق من ضمن المشاريع خياط نسائي او تتفقين مع مشغل تعرضين عنده شناط واكسسوارات نسائيه او تتفقين مع محل حلويات تتعاملين معه ويجي يشيل من عندك ومع الوقت اذا نجح الموضوع راح تفتحين لك محل حلويات ان شاء الله .