الشغل مو عيب يا جماعه

مادري ليش بعض الاشخاص تستحقر الوظيفة !

السلام عليكم



لا حول ولا قوة الا بالله يعنى لما السعودى يطلب وظايف ما غير الا امن او كاشير وصارت الوظائف الاداريه للمقيمين صرنا غرباء فى ديارنا لا حول ولا قوة الا بالله

السعودي ياحبيبي في بلده ما جمع له شي ///

اسأل كل اجنبي او عربي دخل السعوديه / والله تلاقي عنده مشاريع في بلده // والله اول شحاات طالعت في حاله بنقالي / شوي تكلمت معه وانا مكسور خاطري عليه ، وقلت له انتا في بلدد في بيت مع اهل انتا // مدري هو زل لسانه او فتح لي قلبه ، وقال الحمدلله فيه بيت كبير 3 دور انا سوي اجار كلو حق ناس // انفجععععععععععععععععت ، شوي قال في بيت حق زوجه انا حق اولاد مع عمي وكلو جماعه بيت كبير كلو هوا فيه ، الحمدلله اكل فيه انترنت ملابس سياره ،،، كنت معطيه 10 ريال شوي قلت له رجع الفلوس ، انفجع مني ، قال اس فيه ، قلت ياخي انا مسكين عطيني انتا خمس ريال
الهرجه من جد ياجماعه مو قصدي اسوي لكم دعابه ، افقر اجنبي والله معه الووف في بلده ، ومن غير السمعه ومن غير البنات الي ببلده يتمنونه ،، واححنا هنا ،، بس توظف وسد نفسك ،، ايش الي سد نفسك ، ايش الي اشتغل فتره وروح ودور ،، كلام كله فااضي ،، ياحبيبي انا مادرست عشان اجلس اشتغل فتره واروح ، وكيف اسد حاجتي براتب والله الاربع الاف ماتسوي شي لوحدك عزابي ، اجار بيت واجار سياره واجار غسيل ملابس والشماغ ب 240 والثوب 120 وملابسالداخلثيه زادت اسعارها واكل و تبي بنزين شوي ضرب عليك كفر ، كل ماتجمع 500 ريال بالبنك فرحااان فيها ضرب عليك كفر ولا سويت حادث ،، ياخي اصحو ياعالم ، إلى متى واحنا ساكتين ، اصغر اميرهه في حسابها 11 مليون ريال ومنزله صوره لحسابها في الفيس بوك وتويتر ، واحنا هنا ماباقي إلا نشحت بس الواحد اخذها عذر (( الكرامه )) ياعالم احنا في شح وفقر ،،

وين يبيع ايسكرييييييييم
خيرشنوهالوظيفه الي تسد رجل طول بعرض
ومحتاج يكون نفسه عشان يفتح بيت من ورى الأسكريم
ما اقول بس غير الله يخلف
ويرزقكم يا رجال السعوديه كل خير كل وظيفه صاحيه





اجل يبيع اسكرررررريم

بخصوص بائع لااسكريم / كانت معهم مقابلات قبل يومين في باب رزق جميل بجده التحليه ..

وكانو مسوين عرض بالبرجكتر وصور بنات حلوين يعني (( ياسعودي شف البنت وتعال اشتغل عشان تشبكـ )) ..

طبعا المصري , جالس يمدح بالشركه وانها عالميه وجديده في السعوديه . وان الاقبال فيها كثير .. والوظائف الي كانو مسوينها انهم يبغون مدراء ومشرفين وفيها تدريب وابتعاث ( الكويت - دبي ) ويوم دخلنا المقابله الشخصيه .. الي معه دبلوم يقولون له . انت لزم تتعلم وتباشر للناس . يعني بوظيفه ( بائع) لكن جابوها بلفه حلوة .. والمصيبه السعودي مساعد المصري ( الله يسود وجهه ) يمدح وماعليه دامه موظف اداري . عبدالعزيز اسمه ..

والمشكله قالو الراتب 3900 . ونتفاجا ان ذا الراتب بعد ماتجتاز وتكون مواظب وممتاز ومجتهد بعملك وتنظف المحل .. والراتب بالبدايه 2700 .. ودوام 9 ساعات .. في دوام مساء من 5 العصر لـ 1.5 الليل , وكمان من 8 ونص صباح لـ 5 العصر .. وصراحه من مدح نفسه كذب .. وانا شخصياا واقسم لكم اني اشتغلت بشركه نفس نظامهم برجكتر ومدح بالشركه ووو . لكن طلع كله والله والله ولا شي من الي قاله .... وللحين 3 سنوات عاطل من سبب هذي الشركه . الي قالو دعم من صندوق الموارد بعد سنه ، بعد سنه من دعمهم لنا , اتضح اننا مدعومين والرواتب من الصندوق مو من الشركه ... ولمى اشتكينا لهم . المدير صندوق الموارد بجده ( هشام لنجاوي ) طلع صاحب وحبيب التاجر الي وظفنا عنده .. وإلى يومك ذا في ناس للحين عندنا بالمحاكم مع الرجال هذا . والمصيبه المحكمة تقف مع التجار مع انهم يدرون انهم نصابين .. لكن كل شخص وخايف على منصبه ولا خاف من ربه ..
ياعالم انتبهوووو . يمشي الفقير وكل شي ضده .. ومكتب العمل يقول القانون لايحمل مغفلين . ليه تشتغل من البدايه .. وين نشتكي ، لأمير ولا الملك . اذا وصلت البرقيه له كويس ..

من ضمن الحظور كان شاب سعودي الجنسية لديه خبرة في المبيعات اكثر من خمس سنوات وبحكم خبرته في هذا المجال وتملكه بعض الصفات المطلوبه لمدير معرض فقط تم قبوله لوظيفة مدير معرض براتب 10000ريال....

فأرجوا من الجميع قبل التطرق الى موضوع مثل هذا التأكد من خبرات ومهارات وشهادات الخبرة التي يمتلكها المعلق على أي موضوع..

والرجاء عدم التجريح لأي شخص..

جزاك الله خير

مدير معرض - طيب /// نلاحظ ان كاتب الرد على كلامي انه موظف لدى الشركه .. وانه يتكلم . طيب وين هذا المدير الي عينته ..
وانا ابسأل المدير هذا الجديد .. ايش الطلبات الي عرضوها عليك بالعمل ..

بعض الشركات عند إنتهاء دعم الموارد البشريه تطير السعودي و السبب صراحه فينا لأنه ما نتحرك و نوصل صوتنا للملك

و كلامي ليس لكل الشركات فهناك شركات محترمه ملتزمه و هناك العكس و كلامي هذا لا أعني منه شركة الشايع

بالنسبه لهذه الوظيفه ما فيها أي مشكله مع أن الراتب أفضل للمبتدئ