[align=center][/align]بسم الله الرحمن الرحيم


انا خريجة من اربع سنوات و عاطلة عن العمل
و زي كثير منكم فكرت افتح مشروعي الخاص
و رسيت على مشروع الطبخ
و تخصصت بافطار المعلمات و موالح العصريات
و الحمدلله قدرت انجح و اكون قاعدة تسويقية
و لي كثير زباين و متابعين..

انا الحين لظروف خاصة منها الحمل و عدم وجود
احد للمساعدة توقفت عن الطبخ.
و بما انه لي قاعدة جيدة و كسبت زباين
قلت استفيد من موقعي السابق في الطبخ
و افيد غيري..

اخواتي فيه طلب كثير على افطار المعلمات
و عندي ارقام مناديب مختصين بالتوصيل الصباحي
اللي حابة تشتغل راح اعرض لها طبخها على كل زبايني
و اخليها تستلم الطلبات
انا مهمتي التسويق عبر النت .. كل اللي ابيه منك
صور لطبخك ( ساندويشات ) و خفايف للافطار
زي الكبه و المعجنات الخفيفه..

و وحده ثانيه متخصصه بموالح للنفاس و العصريات.

اذا كنتي بديتي من قبل بس مشكلتك مالقيتي زباين
الحين انا اقدم لك الفرصه على طبق من ذهب
طبعا انا و انتم كلنا مستفيدين و كل اللي ابغاه منك سعر
رمزي و صور لطبخاتك
بشرط تكون الساندويشات مرتبة سواء تغليفها
أو ترتيبها بالطبق .
اذا كانت الصور مو حلوه ولا مرتبة اعتذر عن التعامل معك..
لان كل الزباين يطلبون صور.
و اذا كان عندك قائمة بساندويشاتك و اسعارك ياليت ترسلينها
على الخاص..


اللي حابة تبدا ياليت ترسل الصور بسرعه لان فيه طلبيات الاسبوع الجاي.

و ماراح اخذ منك فلوس الا بعد اول طلبية عشان يطمئن قلبك.


بالتوفيق لي و لكم جميعا..