15-09-2012, 02:35 AM
|
عضو جديد
|
|
تاريخ التسجيل: Sep 2012
المشاركات: 17
معدل تقييم المستوى: 18524
|
|
يا رجال رح مع اني اقص يدي لو وظفوك
بس اهم شي رح ولايقطعونها عنك
مثل ماهددوني انا يوم اني معهم وغبت فقط يوم
مثل ما قال سفير النوايا تقريباً وهو برنامج للوظائف للقطاع الخاص فقط يعني انسى وظائف حكوميه منهم )
لكنها دوره ضياع وقت وما منها فايده
ويحسسونك انك جاهل هذا من غير التأليف فوق رأسك منهم
مثل سالفه واحد من الشغالين يقول " في واحد قاطع 5 كيلو مشي عشان البرنامج هذا " هههههههههه
مسوين اكشن لبرنامجهم وهو ماعندهم شي هرج وهياط
بس كلام مبالغ وتحفيز ومستقبل باهر يخلونك تعيش احلام خياليه
(((((((ويوعدونك خلال 4 شهور بالكثير نوفر لك وظيفه)))))))
المهم ما اطلع من الموضوع كثير
هي دورات خلال شهر تقريباً او اكثر وكل اسبوع او اسبوعين محاضرة وحده على حسب
ويلقنون للشباب الكلام الخيالي وبعدين يجيبون ناس مسؤلي شركات وخذلك شروط معقده منهم
يعني يضعون يوم للشركات هذه وتشوف انت الشركات وتقدر تجلس معهم بعد ماينهون محاضراتهم للشباب
لكن ماعندهم الا وظيفه مراسل حق صيدليه يعني موصل بضايع ولا بايع ...والوظائف الجيده معقده والراتب 3000 ريال ومايتعدى 3500
وفوق 8 ساعات عمل وايضاً عمل 6 ايام يعني الخميس نص دوام يعني الموظف يعني يحللون الموظف تحليل
هذا اذا حصلت الوظيفه ...المهم انا ماعندي مشكله وامري لله وقررت اشوف وظيفه منهم
الا يجيني يوم منهم اتصال تعال عندك مقابله في نفس مقر طاقات مع احد الشركات السفر والسياحه
وانا مرسم ومجهز حالي واخرتها انصدم بهندي اللي هو مسؤل الشركه !!!
كل كلامه انجليزي ومقطع ويالله انا قلت اسمي وعمري وهو حتى ابتلش قال كيف اوصل كلامي مع ذا وانا بعد العكس
اخرتها وكأنه يقول يالله الله يستر عليك واذا احتجانك كلمناك ... يعني انسى
انا لو ادري انه انجليزي كان ضبط نفسي شوي باللغه يعني اكون عارف وش الاسلئة اللي بتطرح لي في المقابلات لكن صار اللي صار
المهم مرت 4 شهور تقريباً واتصلت على المستشار اللي يسمونه قلت وين المقابلات او الوظائف
قال ان شاء الله فيه شي نكلمك قلت مر (((اربع شهور))) ماشفت شي وين الوعد خلال 4 شهور نحصل لك وظيفه
قال مامرت 4 شهور بالضبط ههههههه .........................والان مر 10 شهور من المكالمه ولاحس ولاخبر منهم
الزبده برنامج فاشل احضر نصيحه فقط تكمله عدد لا اكثر وعشان ماتنقطع عليك الاعانه
وولاتنسى تاخذ شهاده منهم هههههههههه بعد نهاية التدريب اللي مامنها فايده
ما اقول الا شعب مضحوك عليه
التعديل الأخير تم بواسطة عاطل اكيد سعودي ; 15-09-2012 الساعة 02:48 AM
|
العرض العادي
