24-09-2012, 04:59 AM
|
 |
عضو مهم
|
|
تاريخ التسجيل: Mar 2012
المشاركات: 244
معدل تقييم المستوى: 56868
|
|
=قصة بطالة;6806284]لا هم يرسلون لك رساله وبعدها بيوم او يومين يتصلون عليك ويعرضون لك وظايف ويرسلون سيرتك الذاتيه
للشركات واذا ماقبلتي يهددونك بايقاف حافز او اتخاذ اجراءات ثانيه والله اعلم[/QUOTE]
هذا الي صار معي هددتني الموظفه انه في عقوبات اذا ماقبلت الوظيفه
قلت وش العقوبات قالت نرسل انك رفضتي الوظيفه وهم يمكن يخفضون عليك الاعانه او يقطعونها
قلت لها اصلا حافز مابقى الا شهرين ويوقف قالت ممكن من الحين اقولهم انك ماتبين تتوظفين ويقطعونها يعني باي مكالمه مني راح يشكل خطر عليك
قلت انا مو ملزومه اقبل وظيفه انا ماابيها قالت نحن هدفنا ندور لكم وظايف وقالتلي روحي دوري على وظايف في مدارس اهليه قلت المفروض انتم توظفوني مو انا ادور الوظيفه قالت انتم لازم تبحثون عن عمل موتجلسون بدون شي
قلت انا الصراحه ماخليت شي بالنت ماسويته
وقلت الصراحه مااقدر اروح واجي وادور على وظيفه ماعندي مواصلات قالت روحي بلوموزين وربي شاهد علي اني ماخليت مكان مارحته بس الارزاق بيد الله رحت كل مكان ماخليت شي
طيب الي مايقدر على اللوموزين وش يسوي
قالت من متى ماقدمتي على وظايف في المدارس قلت تقرييبا سنه قالت ليش قلت انشغلت بولدي
المهم قالت في وظيفه في مستشفى الحبيب بس الدوام شفتات قلت مااقدر قالت كل شي ترفضينه انتي مو جاده في العمل قلت الصراحه انا ابي دوام صباح انا عندي ولد اهتم فيه قالت ليش ولدك ماعنده احد يمسكه قلت في امي بس امي مو ملزومه تمسك ولدي طول اليوم امي تعبانه وماتقدر عليه وانا ابي دوام صباح عشان اقدر اتفرغ لولدي بعدين اذا رجعت
قالت يمكن مايقبلون عذرك الي ممكن يقبلون عذرها المريضه او الحامل لاكن انتي ماعندك شي تسوينه يعني بعد كل هذا الي قلته لها قالت ماعندك شي
المهم اروح لها يمين تروح شمال وفي النهايه قبلت انها تسجل اسمي بالمستشفى عشان اسكتها وعطتني موعد دوره بعد اسبوع وقالت خلاال هاذي الفتره ابيك تدورين في المدارس وتقدمين على وظايف عندهم
المهم هذا الي صار معي بالضبط يعني ذل مابعده ذل احس اني كرهت الوظيفه والتوظيف منهم يعني اذا ماناسبتني الوظيفه واذا مثلا عندي ظروف اضطر اني اقبل ولا يهددوني بحافز
انا الحين محتاره اسحب عليهم ولا لا
حسبي الله ونعم الوكيل والله يرزقنا من واسع فضله
التعديل الأخير تم بواسطة منول ام عبودي ; 24-09-2012 الساعة 05:03 AM
|
العرض العادي
