اختي ارسلي رسالة لجميع الي معك بالجوال وكذلك خبري القريبات والاهل والاصدقاء
كل مارحتي مكان خبريهم عن العسل الي عندك
وباذن الله راح تلاقي رزقك . بس اهم شي ما تكذبين ويكون العسل طبيعي وبالمواصفات الي تكلمتي عنها

الله يوفقك

مووووووفقين

العسل طبيعي ياخوان لاتبخسون سلعه البنت

انا عارف العسل بالذات المجرى يوصل سعره عندنا للتنك 6000ريال
طيب اختي عندك علامه على المنتج بحيث يكون انتاجك حصري لعلامتك
ثانيا اعملي ويب سايت وحطي فيه شرح وصور وبعدها الله يعينك اعلانات لتقوية علامتك ومع الوقت بتشوفي شغل محد يحلم فيه
انا عندي عسل لكن الموضوع بجد خرج عن السيطره
لازم الحكومه تتدخل
العسل المغشوش والرديئ منتشر وبارخص بشكل خيالي تقول جبنه مو عسل
حتى البقالات
اجود انواع العسل في الارض موجود في اليمن ثم جنوب السعودية
لكن الغش منتشر بشكل فضيع والمستورد منتشر وبعضه ب100ريال
لكن اللي يتذوق العسل الاصلي البلدي ما راح يملى عينه مستورد
لذا اشوف مافي حل الا التخصص
يعني تتخصصين بمنتجك بعلاماتك وعنوان الوصول وطلب المنتج تكون متنوعه وواضحة وسهله
هذا اللي بيرفع مبيعاتك لكن التسويق التقليدي عندي عسل وابغى ابيعه واضمنه واستجرعه واقسم بالله ان عسلنا اطلق من عسلكم والامور هذي راح زمانها وولى
اهم شي ثقت العميل اذا وثق بعد التجربه يعلم الناس على العلامه وتبدى تشتهرين
بس لازم اقل شي المشروع ما يتوقف لمده 3 سنوات اهم شي اشهار العلامه لانها مرجع الناس لك
العسل مو اي سلعه ممكن تبيعيها وتتخلصي منه لا
هذا مشروع ممكن يكون مشروع العمر
لاني ملاحظ حتى بمهرجان العسل يوجد غش حتى من كبارية السوق الله لا يوفقهم
المهم ابغى عموله استشارتي 5% في المشروع
خخخخ
صعب انك تكتسبي الثقة باليومين هذي الناس تغيرت وانتي بعد لازم تتغيرين
العسل سلعة صارت صعبة والحكومه تتحمل نسبة المشكلة
الله يستر بس تنقتل هذي المهنه لان معناته موت النحل البلدي
النحل المستورد يكمل دوره 3 شهور ويموت البلدي يعيش سنين طويله والمستورده تاكل البلدي وضع النحل البلدي بجد اشوفه بدى ينقرض تدريجيا ووزارة الزراعة ما فكرت والنحالين اصحاب النحل المستورد بدو يغزو مناطق محرمه يعني نهاية النحل البلدي
انا اوصي كل نحال عنده نحل بلدي ترى التفضيل لك ومن حقك تمنع اي شخص يمتلك نحل مستورد قرابة نحلك ب كيلو نص على ما اعتقد
وكان التحديد من وزارة الزراعة بالمنطقة لذا علمو للي ما يعلم
الله يوفقك يارب ويبارك لك ويرزقك من واسع فضله
انا ماني نحال ولا شي بس عندي معلومات بسيطه عنه

كثييير 800 انا اعرف ناس موثوقين يبيعون 5كيلو من السدر والطلح 1200 ريال

اسأل الله لنا ولك الرزق

جزى الله كل خير من أفادني

لكن ابي اقول شي مهم للي يقول كثير 800

ياعالم شوفو سعر علبة العسل الصناعيه في المحلات راها سكر محروق ونقطة شمع مدري وش يسمونه وبعدها يصير مثل العسل وشف كم سعره وهو مايسوى حتى ربع ريال

بالنسبة للي يقولون اعرف ناس يبيعون بقيمة 500 واقل

ترى جني العسل مو مثل قطف الثمار وبعدين النحالين يختلفون

ناس تذوب العسل من الشمع عن طريق الشمس يعني حرارة الشمس تنزل العسل وبعدين يبيعونه وهذا يفقده كثير من خصائصة وحنا نبي فوائد العسل ومايتعب النحال الشمس نزلت له العسل وراحت كثير من فوائدة
عشان كذا يبيعه بسعر قليل 500 او 300 غير الي يغشك يزيدة موية ولا شي ثاني

لكن الي عندي ياناس متعوب عليه ونظيف مو اليدين الي تحوس فيه لا كل شي نظيف ومرخص وبلدي محلي مستورد وبعدين المنحل في جنوب المملكة العربيه السعودية في الجنوووووووووووووب

أتمنى فهمتوني الي يبي الرخيص يتحمل بطنه ويتحمل الغش

والله الموفق

شوفي يابنت الحلال ألعسل في محلات تبيع الكيلو من 100 الى 600 ريال لاكن أنا أعرف ناس تبيع ألكيلو ب 1000 ريال يعلم الله انهم مايغطون الطلبات اللي تجيهم ولا عندهم محلات ولا غيره الزبون يجيه للبيت تدرين ليه؟ صلحوا لانفسهم سمعه طيبه والناس اللي تبغى عسل طيب تدفع اهم شي ماينغشون على شان كذا أنا اشوف 800 بشي نظيف معقوله با الذات الناس اللي تاخذه علاج الله يرزقك

الدعاية عن طريق النت وعن طريق بعض محلات بيع العسل