السلام عليكم ورحمه الله وبركاته

سؤالي للبنات المتعينات في حايل وخصوصا اللي مو من اهل حايل وش رايكم في قرى حايل تقدر الوحده تتأقلم وتعيش فيها

انا من الرياض وطبعا مافي امل اتعين في الرياض

انا كنت حاطه حايل اثناء التقديم في المكرمه بس ماطلع لي شي

والان بينزل الاحتياج بس خوفوني البنات قالوا حايل قراها بعيده وتمتد وتاصل للششمال عند رفحا وفيه قرى مالها طريق يعني صحراوي وحتى ارسال الجوال مافيها يعني مافيه جوال ابد

وبعض القرى الكهرب مافيه عايشين على ماطور ومتى يشتغل ومرات يخرب وجو حايل برد مره مره الماء يتجمد في المواصير
وحتى اشرافهم شديد

الزبده اني خفت
فا وش رايكم هل الكلام صحيح
قولولي رايكم من تجربتكم
خصوصا اني انا بسكن انا وبنتي وولدي وزوجي يمكن يكون يتردد علينا يمكن ما يجلس طوال العام الدراسي

فاشوروا علي وش رايكم من تجربتكم يابنات

وجزيتم خيرا

سلام عليكم
شوفي اختي انا متعينه بحايل وساكنه بأحد القرى طبعا لسه ماجربنا البرد ..
شوفي طبيعي احنا متعودين على مدن مراح نتأقلم ابدا لكن لو تهمك الوظيفه مرره عادي اسكني ومن المدرسه للبيت وجيبي نت وتلفزيون وخلااص لين مايجي زوجك يوديكم حايل المدينه نفسها تغيرون جو
اهل حايل يحببونك في قريتهم صراحه كرررم مو طبيعي وفي يوم وليله يحسسونك انك وحده منهم صراحه كنت اسمع عن اخلاقهم وكرمهم لكن ماكنت احسب في ناس بالدنيا طيبين بهالشكل مرررره فوق ماتتخيلين ترى ,, وبالتوفيق اتمنى استفدتي

مشكوره اختي على ذكر تجربتك والله يوفقك ويسهل امرك ويجزاك كل خير
واهل حايل معروفين بالطيبه والكرم والنخوه
والا كان ما قدمت عندهم
بس ودي اعرف طبيعه القرى
لان خوفني والله البنات

ياليت بعد لو باقي المتعينات في حايل يكتبون تجربتهم
انتظر تجاربكم وارائكم

حايل مشكلتها قراها كثيررررر مرره

وصراحه مشاويرررر القرى وخطوطها للاسف سيئه جدا جدا

يعني من المدينه لحايل خط موت صراحه ضيق مره

وحتى خطوطها الداخليه بين القرا كلها ضيقه وسيد واحد وزراعيه

مشكوره اختي سارونه وين تم تعينيك فيه وش اسم قريتك

وين باقي البنات

وين باقي البنات المتعينات في حايل وينهم

اذا ممكن يكتبون تجربتهم