بسم الله الرحمن الرحيم

طبعا انا ناصح لوجه الله وبصراحه يا اخواني ماكتبت هذا الموضوع الا من الشي شفته !!


واقسم بالله العظيم انها نصيحة من قلبي


فعلا نحن طلبة التجسير نعااااااااااااني المرار بجميع انواعه والاضهاد ايضا

فرحنا بالشهاده ( المزيفه ) الدبلوم وجبنا الدرجات العاليه ( الخدعه الكبرى )

وقولنا يالله لك الحمد الان زاد الطموح نبغى الوظيفة :

صدمونا باختبار الهيئة ودخلنا وعانينا واتبهذلنا لين مانجحنا

واكتشفنا ان الدبلوم هذا ( فعلا خدعه كبرى وكذبه وقصه درامية )

فعلا في الدبلوم ابدا مادرسنا ولا شي والله ياجماعة الخير والحقيقه ماتعلمنا شي

على سبيل المثال :

مادة علم الدم ( في الدبلوم كنا ناخذها الماده كلها على بعضها 50 ورقه ) !!

ولمن درست البكالوريوس قسم بالله المحاضره الوحده ( 100 ) ورقه !!!!!!!!!!!!!

شوفوا الفرق ياجماعة الخير وقيسوا على ذالك باقي المواد

كل يوم اجتاز ماده في الكليه في البكالوريوس اقول الدبلوم ظلمني

كل يوم اخلص من اختبار في الكليه اشوف اسألة الهيئة الصحية في كل ورقه اذاكرها !!!!

والله الدبلوم هذا ضحك على الدقون ولا فيه اي علم ولا شي

خلصنا من اختبار الهيئة مافي وظيفة !!!

قالوا لنا مالكم غير تكملون دراستكم ولازم تجيبون اختبار ستيب انجليزي بدرجة 68%

او توووووفل !!!!

وانا اكاد اجزم طالب في الطب لو اختبرته في التوفل يمكن مايعدي !!!


لان التوفل يعتمد على لـــغه تقريبا عاااااااااااميه ونحن مدربين ودارسين لغه ( طبيه ) !!!

فوالله هذا ظلم وقمة الظلم ايضا


درسنا وتعبنا ونجحنا في الاختبار الانجليزي بعد معاناه !! ودخلنا الكليه نكمل دراسة

تعبنا وسهرنا وصرنا من الاوائل !!!

وكل يوم نسمع خبر جديد يفجع القلب !!

اولها يقولك في قرار بينزل محتواه ( طلبة التجسير مايقارونون بطلبة الانتظام ) !!!

عجبي وكأننا ندرس مواد ثانيه مو نفس المواد !!

ونروح نتأكد ويطلع الكلام مو أكيد ويقولون والله مانعرف ويقولون كلام اشاعات

فعلا طلبة التجسير عايشين طول وقتهم في قلق وذل ورب البيت

صار عدونا اللدود ( القرارات ) صرنا من نتقابل في الصباح في الكليه بعد السلام نسأل بعض

في قرار نزل جديد ؟ حاله والله العظيم

وفوق هذا التعب كله انتوا شايفين يا اخواني وضع الوضايف كيف سيئ سيئ سيئ سيء

صرنا نخاف من نتخرج يقولون لنا في المفاضله ( الانتظام اول شي ) بعدين انتم تجسير !!!!

والله نتوقع اي شي لاننا شفنا كل الويل ولا في اي احد يسمع لنا


نصــــــــــــــــــيحتي لكم يا اخواني

الواحد قبل يدخل على التجسير يحسبها الف مره ومره ومره ومره ومره ومليون مره

لاتغرقون اكثر مما انتم غرقانين اسمعوا كلامي

وبدل ماتكملوا في تخصصاتكم مثل ( مختبرات او تمريض او اشعه )

اسمعوا كلامي وبلاشي من التجسير

ادخلوا كلية طب على حسابكم اول سنه وجيب معدل وكمل طب ( طب وجراحه ) منحه

على الاقل ماتتمرط ولا تتعذب وتدرس وانتا ظامن الوظيفه والمستقبل المشرق

اذا كنت بتجسر موادك راح يكون ( سنتين دراسه بالاضافه الى سنه امتياز )

يعني 3 سنوات كمل عليها 3 سنوات وصير دكتور طبيب ولا انك تجسر

مو مشكله اتأخر 3 سنوت لكن على شي يستاهل مو شي يضيع عمرك ولا يستاهل

والطب مو صعب ابدا نفس المواد الي بتدرسها في البكالوريس ونفس الكرف والتعب

يعني هيا هيا لاتخافون ابدا

والي يقول الطب 6 سنوات كثير خليني اجاوب عليه بكل بساطه واقول حسبة معينه

1) تجسير مختبرات طبيه مثلا :

دبلوم سنتين ونص + تجسير سنتين ونص + امتياز = 6 سنوات دراسه مع الامتياز

بالاضافه الى العطاله ( سنه كامله ) على بال ماينزل اسمك في الديوان

صار راتبك في المحصلة النهائيه ( اساسي 7 الاف بدلات 10 الاف ) !!!!!! 7 سنوات مرمطه

عشان نكون حقانيين خلينا نشيل سنوات الدبلوم من ال 7 سنوات تصير 4 ونص !!

وقول راتبك كان 10 الاف واشتغلت 4 سنوات صار راتبك ( 11500 ريال تقريبا )


طيب خليننا نشوف حسبة طالب معاه دبلوم لكن درس طب :

الدبلوم رماه في الشارع ماعاد ينفع

درس طب من جديد 6 سنوات مرتاح رايق عارف ايش قدامه ومستقبله اتخرج اتوظف على طول

اول راتب يستلمها ( 13 الف ) !!! وهذا والله اقل شي ياجماعة الخير


طالب التجسير عشان راتبه يصير 11500 ريال_( بسنوات الدراسه والتجسير والعمل جلس 8 سنوات ونص

وطالب الطب فقط مع الدراسه والراحه لا اشتغل ولا كرف ولا شي اول ماتخرج راتبه 13 الف ريال


واللبيب من الاشاره يفهم يا اخوان

اتمنى اني وضحت الصوره اخوكم زياد

صباح الخير

لادبلوم ولا بكالوريوس ينفع هالايام ما ادري وش يبون
اللي معه دبلوم مظلوم ومتندم
والجامعي ما حصل حاجة

انا اشوف التجسير احسن الشخص يرفع درجه الدبلوم وتكون له اريحيه ومكانه مو شرط اخذ الباكالوريا راح تواصل دراسة وتاخذ الماستر ونلاحظ جامعات كثيره اقرت بالتجسير
من ناحية عدد سنوات التجسير سنتين ونص راح تعدي بسرعة اسبوع ورا اسبوع شهر ورا شهر اجازات ...

انا حاولت اسجل بالتجسير لي سنتين اقدم بس ما يظهر شي
والارزاق بيد الله

صباح النور اهلا وسهلا

شوف يا اخوي انا انسان من طبعي احب الواقعيه في الحياه

وطبعا انا سجلت في التجسير بحكم اننا من اوائل الدفعات !

يعني مافي دفعات سبقتنا وجربت واعطتنا النتايج

وهذه نصيحتي واعطيتها لك وانت بكيفك يالغالي بس ما ابغاك تمر بالي مرينا فيه

وبالنسبه لموضوع الماستر والكلام هذا يطول الشرح فيه

لان الخوف كمان ينزل قرار يقول ( ان التجسير لايحق لهم ان يكونون معيدين لانهم مااستوفوا جميع المواد) !!

هههههه يعني قصدهم مستحيل يقاروننك بطالب درس رياضيات عندهم بطالب درس رياضيات في الدبلوم

وهذا حقيقه لان الرياضيات في الدبلوم هذا اذا كانت موجوده كمان جداااااااااااااااا سهاله مقارنه فيهم

وجميع المواد ( اقصد التحضيري والمواد العامه ) وصدقني بتشوف الكلام هذا راح يصير واتوقع اي شي

وبالنسبه للجامعات الي بالخارج تتفلسف عليك يقولك وشلون انت بكالوريوس ب ( 88 ) ساعه ماصارت هذه

ههههههههه لان موضوع التجسير يخافون منه يمكن يجسرون لك لكن عندهم في جامعاتهم وبكالوريوس
يعني يكون معاك دبلوم وهم يجسرون لك تكمل بكالوريوس مثلا في كندا وطبعا مايجسرون شي كلام فاضي
بس يحذفون الفاونديشن هههه يعني زيك زي الطالب الكندي 4 سنوات تدرس مو الاجنبي 5 سنوات

لكن الماستر لك عليه اذا جات الشهاده من من السعوديه على كندا مثلا !! يخافون يقبلونك وانت ب ( 88 ) ساعه

على العموم

انا طالب مختبرات طبية دبلوم متخرج من كلية المجتمع في مكه المكرمه

اللتحقت في كلية الغد الدولية بجده ودفعت من جيبي اول سنه 50 الف

والسنه الثانيه انضميت على المنحه ومشيت الامور زي الحلاوه وحاليا في الامتياز

طبعا مايعادلون لك ولا ماده تخصص ابدا فقط مواد عامه مالها داعي وحتى نسيتها

زي الرياضيات والقران والاسلام والثقافه والكلام هذا

اللهم انك تدرس تقريبا 88 ساعه جديده في الكليه الغد وكلها ساعات تخصصيه بحته

يعني ممممممممم سنتين ونص دراسه يعني 5 اترام بالاضافه الى 8 شهور امتياز

يعني تقدر تقول ( 3 سنوات ونص ) تقريبا

بالنسبه لكلية الغد بجده ( بصراحه الوضع فيها مش ولا بد مناهج ممتازه لكن ما اعرف الاداره سيئه )

بصراحه مافي اداره مفلوووته لكن الدكاتره يدرسون بذمه وضمير وانا اشهد

لكن اذا تبغا كلية ممتازه عندك كلية الغد بالرياااااااااااض انا انصحك فيها وعلى كيف كيف كيفك

والسبب لانها قريبه من وزارة التعليم العالي والعين عليها ههههههه فلازم كل شي يمشي صح

وتعرف الوزارة ثقيله بدل ماتفرفر في الكليات الغد المنتشره في كل مكان في المملكه

تجي بس تشيك على الي بالرياض جمبها تشوووووف الوضع ممتاز وتقول اكيد الباقي زيها هههههه والله العظيم

ويمكن كمان اقوى من الملك سعود بلا شك والملك عبدالعزيز من ناحية المناهج

بالنسبه لنا كل الدكاتره سعوديين واردنين وواحد بروفيسور مصري درسني مادة ( قياسات كميائيه )

بس لازلت اقولك تــــــــــــــــــــجنب التجسير والله تراااااااااااه طريق ماله تااااااااااااااااالي اسمع كلامي

الله يوفقك

واي سؤال انا تحت امرك

[align=center]ي الله صباح خير وش هالتشائم مع ذا الصبح

الوظائف كلها ارزاق من الله حظ ونصيب مالها دخل لا بشهاده ولا هم يحزنون

وخلنا متفائلين يااهل التجسير [/align]

معليش بس هذا ترى مو تشائم هذا ترى الواقع

حنى مالقينا احد ينصحنا اول دفعه تجسير

وهذا مستقبل مايبغاله لعب يا تشتغل على نفسك صح يا تضيع عمرك ونفسك بدون فايده

والرزق على الله اللهم امين فعلا لكن الفعل بالاسباب

وانا مجرد ناااااااااااااااااصح فقط لا اقل ولا اكثر وكل انسان عقله براسه ويسوي الي يريحه


الله يوفقكم يارب

انا ابغى افهم كيف في حائل وشقرا والمجمعه فيهم تجسير والعاصمه لا ؟؟

[align=center][/align]كل ساعه كل يوم بل كل أسبوع وشهر وسنه تنزل قرارات تغير قرارات

ماتدري يمقن بعد فتره الأمور تضبط مع كم قرار

بس حاب أسئلك الشهاده وش يكتبون فيها بكالوريوس تجسير

بعدين أنت قست على كليه أهليه وتخصص واحد يمقن الشئ الي صار معاك مايصر مع الكليات الحكوميه

والتخصصات الهندسيه والإداريه

اتفق مع عوطيلي بالضبط

وسبقني بالرد انت تقيس ع كليه خاصه

اما التجسير اللي بالجامعات اصبح تابع لوزارة التعليم العالي

اهلا وسهلا

فعلا التجسير تابع لوزارة التعليم العالي والوزارة هي من تضع الخطه وتضع الساعات وليس الكلية

وينطبق ذالك مع الكلية حقتنا بعد الخاصه , وقد فعلا تنزل قرارات في المستقبل مافي احد يعرف

قرارات قد تكون في مصلحتنا والله ماتدري يمكن ليش لا ,!!!!! كله يبقى احتمالات احتمالات

لكن انت تضيع مستقبلك على شي مو مضمون , الله يصلحك بس ترى هذا مستقبل مستقبل

لو انك بتشتري سياره وقالولك يمكن جوتها ثعبان مانعرف راح تشتريها ؟؟؟

والله منت مشتريها ( يعني مستقبلك تخاطر فيه ولا يهمك ) !

ياتسوي شي انت متأكد منه او الله يعينك على تالي حياتك ومن المواقف الي تصدمك , الانسان

لازم يحتاط ويظرب الف حساب لشي قبل يسوي , وبعدين موضوع جامعه حكومية او اهليه ترى ماعاد تفرق

وبالعكس بعض الكليات الاهلية لديها اعترافات على مستوى العالم لاتوجد في نظيرتها الحكوميه ,

ويكفي ان الكادر التدريسي قد درس في افضل جامعات الدول العربيه مثل ( الجامعه الاردنيه والعلوم التكنلوجيا الاردنيه )

وأسأل عنها هذه الجامعات ( واعرف من يستطيع ان يتخرج منها ) !! مو مثل جامعاتنا لك الله مع الخيل يا شقرا والدجه يوم اقروا عليهم اختبار الهيئه بيموتون الطلاب من الفشاله التعليميه الي كانوا فيها ورسوب بالجمله وحااااااااااااااااااااااله عايشين وضع مرهق نفسي بعكسنا مستانسين لاننا دارسن زين

الان صار المتخرج من جامعة اهلية او حكومية يختبر هيئة ( بكالوريوس )

اما بالشهاده يكتبون عليها خريج بكالوريوس ( نظام تجسير ) ويكتبون لك 88 ساعاه فقط

وانت عارف ان الجامعات في الخااارج بالقوه تقبل الشهاده الطبيعيه 130 ساعه بالترجي وبوس اليد

مابالك كمان من يقرون ان الشهاده فيها بس 88 ساعه ههههههههههههههههه والله مايقبلون لو ايش

بس وانا اسف على الازعاج وانت حر الله يوفقك بس استهدي بالله وفكر