[align=center]سلام عليكم

انا متزوجة حديثاً وصراحة حالة زوجي الماديه مش ولابد قرض وديون وحاله ف حابه اساعده
فكرت اسوي لي مشروع او اي شي بسيط يدخل علينا مبلغ يساعدنا لو شوي بس مدري وش المشروع او وش اسوي

ناس قالو لي عن الذهب ابيع واشترري بس مافهمت الفكره بالضبط ياليت تشرحون لي اكثر وتعطوني من افكاركم زياده وزياده

شاكره لكم [/align]

الطبخ زين

زي اللي قبلي مثلا الطبخ
اذا انتي تحبي الطبخ وتتفنني فيه
اطبخي واعلني بالمواقع وبيعي

او سوي شي انتي تحبيه
اذا تحبي الاشغال اليدويه
روحي اسواق الجمله واشتري اللي تحتاجيه وسوي وطلعي فنونك وبيعي

سوي حلا وبيعيه

الطبخ والحلا يبي لها مقادير ويبي لها مبلغ وقدرره وشبه يومياً اطلع اقضي لها وانتو عارفين المواد الغذائيه واسعارها

سوي حضانه صغيرة والطفل 500 ريال شهريا

1 _ إذا بتبيعين وتشترين في الذهب بتحتاجين رأس مال + مغامرة ، وظروفكم ما تسمح
( تحاولين تحسنين الأوضاع ثم تزيد عليكم الأوجاع )

2 - لو عندك طولة بال على الأطفال سوي حضانة مصغرة في البيت ، على الطفل 300
ولا تقبلين إلا 4 أطفال فقط ، لأنها أمانة .

3 - بيع عطورات ، اشتري ( محلول ) + العطر الخام + قوارير عطورات بأشكال نسائية
واشتغلي تعبئة وبيع على الأقارب والصديقات ، بتكسبين كثير ، ولا يحتاج لها رأس مال
يعني ممكن تبدأين ب 500 ريال ، تصلحين نص درزن من عطر فيرزاتشي نسائي ..

بالتوفيق