طبعا كتبت موضوع عن مشروع جداً مربح ولايكلفك إلا كم الف ..

هو عبارة عن تأجير ( جهاز بلاستيشن 3 ) في احد القهاوي الساعة الواحدة 20 ريال ..

طبعا .. اتفقت انا وخويي رغم عدم موافقته .. إلا انني اقنعته والحمدلله ..

ان اروح القهوة اجلس فيها من الساعة 8 صباحا حتى 4 العصر ...

وهو يجي الساعة 4 العصر إلى الساعة 12 .. وبعدها يعطي البلاستيشن لعامل يمني اتفقنا معاه ..

الى الساعة ثمانية صباحا ., واجي اخذه منه .. وابدأ دوامي ..

الشغلة بسيطة اخذت جهازين سلف من اخوي الكبير واحد اخوياني .. وذهبت إلى قهوة واتفقت مع مديرها .. في اليوم 50 ريال ..

ولله الحمد .. لم اكون اتوقع المكسب الي يجيني في اليوم .. اقل يوم كسبت فيه هو 270 ريال ..

والان بعد ان كسبت هذا المبلغ .. راح نطوّر مشروعنا ..

بحيث اشتري جهازين جديدة بلاستيشن .. ومجموعة العاب ورق وضومنة وكيرم وطاولة وشطرنج وغيرها الكثير .. ونأجرها ..

وراح اجيب لي عامل من برا يساعدنا ...


ومن بعد المكاسب بإذن الله .. راح يكون في لابتوبات اشتريها وأجرها .. وحتى يتطور المشروع

نصيحة لمن لايمتلك رأس المال .. في مليون طريقة تشتغل فيها .. وانا كنت ع هالمنتدى ادور على مشروع و وظيفة واشتكي من البطالة ..

والحين ولله الحمد الوضع تغير .. بمشروع سهل جدا ...

طبعا احكي لكم عن الشغل ..

هناك طلاب جامعيين يأتون تقريبا يوميا وطلاب تاركين المدرسة ويصير الطلب على البلاستيشن وضغط كبير

بحيث لانملك الان الا جهازيين لكن من اليوم وانا بشتري جهازين وراح تكون 4 اجهزة

لو اجرناها خلال ساعة .. راح يكون مكسبنا إن شاء الله ( 80 ريال ) ..

وصلى الله على نبينا محمد وعلى آله وصحبه أجمعين

نسأل الله الرزق والتيسير لكل العاطلين

الله يوفقك ويرزقك

اهم شي العامل لا تجيبه ترى العمال سوسه ويخربون اذا الشغل مو تبعهم

فكره رائع جداً اخوووي


بتوفيق لك

حلوة الفكرة ما شاء الله ..

وإذا كنت مو مدخن حاول تقعد في مكان مفتوح بالقهوة عشان لا تتأثر رئتك بالجو ..

موفق وعقبال الملايين ^^

ما شاء الله ,, الله يوفقكم

فكره رايقه ومميزه


الله يوفقك ويرزقك الكسب الطيب

الله يوفقك يااخوي ايوه كذا ارفعوا روسنا بالشغل السنع وانتبهوا من الحرام. وانتبهوا من العماله الاجنبيه. ترىاغلبهم حرميه. وانتبهوا لشغلكم بانفسكم ودخل شباب من اهلك واقاربك افضل بكثيييييير. الله يسعدكم.

استمروووووووووووووووووو بالتوفيق

بالتوفيييييق مشروووع حلووو الله يرزقكم يااارب

الله يوفقك يارب