من وجهة نظري

بصراحة انا افضل الأرتباط (من زين هالوجه الحين اشتغل ثم بعدين فكر) ههههههههههه

لأنه يكفي 23 سنه هجوله ودراسة ولعب والخ
متى اسمع واحد يقول لي يا يبه؟؟؟؟؟ (تسمعها معصي لين يروح وزير العمل والتجارة والصناعة )

وهذي وصية رسولي وقرة عيني وحبيبي محمد عليه الصلاة والسلام

( يا معشر الشباب من استطاع منكم الباءة فليتزوج ، فإنه أغض للبصر، وأحصن للفرج ، ومن لم يستطع فعليه بالصوم ، فإنه له وجاء )

ومضة قبل الختام
وياعالم سهلوا للشباب والبنات امور الزواج

ومشكورة اختي

موضوع اجتماعي مهم جداً وبرائي انه الشباب بيهربوا من الزواج بسبب مسؤلياتة

ههههههههههههههههههه
يحمد ربه انها ماقصرت نظفت الخياس اللي هو فيه

الموضوع جدا رائع
بس احب اقووول للي يشوف الحياه الزوجيه مسئوليه
والعزوبيه فلللللللللللله
انت تزوج وتوكل على الله
ومن يوم تتزوج حط في راسك ان الوسط في كل شي هو الحل
يعني انك تكون دايم برى هذا مو منطق
وتكون زوجتك في كل مناسبه ناطه ماتفوت زواج اومسيار
هذا كمان مو منطق
فهم زوجتك بعد ماتكون انت مقتنع
انكم الحين اثنين حياتهم وحده بكل معنى الكلمه
انته الاهم في حياتها وهي الاهم في حياتك.صدقني بترتاح
وبقولك حاجه تخصني واحسها السبب بعد توفيق الله في نجاح
حياتي الزوجيه<قولوا ماشاء الله>
من اول ايام الزواج مو الملكه
وضحت وانا صادقه انك يا زوجي الغالي اهم واولى شي في حياتي
وحسيت اني وصلت له هذا الاحساس
والله العضيم
حسيته زي المصدوم كأنه كان ماخذ فكره ثانيه عن الزواج
المهم انا من النوع اللي مستحيل ارووح لكل الزواجات او اي
مناسبه وزوجي نفس الشي
رغم اني ماكنت كذا
لكن حبيت اكون انسانه ثانيه بعد الزواج
والله العضيم مافيه احد من الاقارب الاينتقدني
حتى اهل زوجي
ولا اثر فيني بالذات لاني اشوف زوجي مبسوط مره
من اهتمامي فيه
خلاصة الموضوع
انت ياادم وضح لزوجتك كل اللي تبغاه منها بعد الزواج
وانت يا حواء نفس الشي
وصدقوني بأذن الله ربي يوفقكم ويسعدكم
دائمااللي يكبر عقله هو الاكبر
وتفائلوا بخير تجدوه
الحياه حلوه لوشفناها حلوه
والعكس ايضا.
اخيرا اتمنى لكل عزوبي وعزوبيه ان الله يوفقهم لما يحب ويرضى
وشكرااااااا

كلام جميل ويعطيك العافية ومشكور

اعود للموضوع لانه
تشعب واصبح موضوع حواري
حلو بصراحه - عبر الرد الاخير اكيد
اعجبت الشباب فقط !! واذا كان هذا صحيح
ليه مانقول خلونا ندور عن الاسباب .. فيه شخص قال
ان الشباب يهربوا من المسؤوليه عشان كذا مايبون يتزوجون
.. انا اقول بيض الله وجهك والله انك جبتها.. اللي مو قد المسؤوليه
لايدخل في تجارب مع بنات الناس لان بنات الناس مو لعبه !! انا شخصيا
مو قد المسؤوليه !! لاني عاطل والواقع هذا مرير وما ارضاه بس انه
واقع !! يارب لك الحمد مريح نفسي من ناحية التفكير في الزواج
مخليها على ربك هو اللي كاتبها والزواج قسمه ونصيب ليه
اتعب نفسي بالتفكير مادام انا موقده ولا قد مسؤولياته !!
مو احسن من اللي يتزوج وهو مو قد زواج ؟!!
والشكوى كثرت في الاسر حاليا ورايي في
حكاية الزواج واضح وقاسي ..

احنا بعض مجتمعاتنا الخليجيه مانتزوج
اللي يتزوجوا هم الاهل !! تقول لي كيف اقول لك
ان الكثير يتجه لامه لانه مافيه حل ثاني اساسا او ابوه
ويشر له على بنت ماعمره سمع عنها شئ اصلا
ويخطبوها ويتزوجها وينصدم وتنصدم حتى
البنت من هالزواج .. صح والا غلط!!
انا مابرر لاحد اخطاءه لكن هذي
عشرة عمر لازم مانقدم عليها
الا واحنا متاكدين باذن الله
اننا قدها وقدود ..
وشكرا للجميع

هذا الوقت نادر نلقى بنت تتحمل المسؤليه وبعد الشباب مايتحملون


ولكن شي لابد منه...


البنت بعد الزواج والاولاد غصب تتحمل المسؤليه

اما بعض الرجال(مو الكل ) تلقين عمره فوق الخمسين والى الآن حركاته مراهق

تقبلي مروري