السلام عليكم ورجمة الله وبركاته


يالربع أنا تعينت إداري من ضمن الأمر الملكي , وطبعا حطونا إداريين لأن مامعنا تربوي مثل ما أنتم عارفين
لي 8 شهور تقريبا وأنا متوظف وأبي أصير معلم بكل صراحة , وش الطريقة
هل يقبلون إني أكون معلم على المستوى الرابع اللي بدون تربوي أو ألغوه خلاص؟
بيني وبينكم أبي الفكة من السنة التربوية بأي طريقة
وإ>امافيه إلا هي عطونا حلولكم وآرائكم , تراني محتاج مساعدتكم يالوجيه الطيبة

وعليكم السلام ورحمة الله وبركاته


اخوي اللي اعرفه ان الغير تربوي يقدر يصير معلم لكن المرتبه تصير اقل من مرتبة المعلم التربوي

تقدر تقدم على الخدمه المدنيه وتختار مؤهلك تعليمي علشان تصيرر معلم
وانتظرهم الين ينزلون اسماء طبعا لازم تختبر قدرات وتنجح فيه

وخليك في وظيفتك اللي بالأمر الملكي الى ان يتم ترشيحك

إن شاء الله اكون افدتك واي استفسار انا احاضره

دعواتك لي

الله يوفقك من حيث ما تلقين وجهك
بس هل أقدم على موقعهم أو أروح لمقرهم ولا كيف ؟

أفيديني

ادخل موقع الخدمه المدنيه وسجل بيناتك

والله يوفقك

اخوي جامعة الامام تعطيك كورس تربوي لغير التربوي مرهم وبيفيدونك اكثر

أول شي حطوك إداري وين ؟؟ في أي جهه ؟
وبعدين إذا تبي تدرس رح أقرب جامعه لك وسجل عندهم في دبلوم أسمه دبلوم تربوي
لمدة سنه النص الأول منه يعطونك مواد تربويه والنص الثاني
تروح تطبق في أقرب مدرسه وبعدها خذ شهادتك وقدم
ولكن ياخي وش تبي في التدريس والله الذي لآ إله إلى هو إنه غثى
وإنه قلق وإنه مايسوى فيه شي غير الراتب وحتى الراتب بعد الأغلبيه
يتمنون يدفعون ويفتكون منه خلك في وظيفتك أبرك لك إداري خلص دوامك
والباب لا تحضر ولا تصحح ولا ينشب لك مدير ولا تراقب ولا تتحمل مسؤولية طلاب
ولا ينشب لك طالب إفتك من غثى المدارس وش لك وش للقرف

كثير من المعلمين يدرسون دبلوم تربوي علشان تتحسن رواتبهم

عموما لو سجلت في الخدمه المدنيه ونجحت في اختبار القدرات بتتوظف حتى لو ما كنت تربوي

بالتوووووووووووووووفيييييييق